ஆப்பிரிக்காவின் மிகப்பெரிய நீர் வீழ்ச்சி…

-
–

உலகின் மிகக் குளிர்ச்சியூட்டி, கண்களை கவர்ந்திழுக்கும்
நீர்விழ்ச்சியும் இதுதான்.
–
ஜிம்பாப்வே… ஜாம்பியா நாடுகளின் எல்லையாக, ‘ஷெம்பெஜி’
நதியுள்ளது. இந்த நதியிலிருந்து கொட்டுவது தான்,
‘விக்டோரியா நீர் வீழ்ச்சி’ இதன் உயரம் 108 மீட்டர்.
அகலம் 1708 மீட்டர். உலகின் மிகப் பெரிய நீர் வீழ்ச்சி விழும்
பகுதியை கொண்டதும் இது தான்.
–
அமெரிக்காவின் நயாகரா நீர் வீழ்ச்சியை விட இரண்டு மடங்கு
உயரம்…
நயாகரா நீர்வீழ்ச்சியின் ஒரு பகுதி கனடாவில் உள்ளது.
இதனை, ‘குதிரை லாடம் நீர் வீழ்ச்சி’ என அழைப்பர். ஏனென்றால்,
அதன் அமைப்பு அப்படி. இந்த குதிரை லாடம் நீர்வீழ்ச்சியை விட
விக்டோரியா நீர்வீழ்ச்சியின் அகலம் இரண்டு பங்கு.
–
அர்ஜென்டினா மற்றும் பிரேசில் எல்லைகளை பிரித்து
‘இகுவாசு’ நதி ஓடுகிறது. இதிலிருந்து விழும் நீர் வீழ்ச்சியை
இகுவாசு நீர் வீழ்ச்சி என அழைப்பர்! இது கிட்டத்தட்ட விக்டோரியா
நீர் வீழ்ச்சியின் நீள அகலத்துக்கு சமம்! இந்த நீர் வீழ்ச்சியின்
பெரும்பகுதி அர்ஜென்டினாவில் விழுகிறது. விக்டோரியா
நீர்வீழ்ச்சியின் விழுகிற சப்தம் 40 கிலோ மீட்டர் தூரத்திற்கு
கேட்கிறது.
–
நீர் வீழ்ச்சி நீர் விழும் போது எழும் சாரல் மற்றும் புகை
400 மீட்டர் உயரத்துக்கு செல்லும். இதனை 50 கிலோ மீட்டர்
தொலைவிலிருந்து பார்க்க இயலும்.
–
உள்ளூர் வாசிகள் இந்த நீர் வீழ்ச்சியை ‘மோஸி-ஓ-டன்யா’ என
அழைக்கின்றனர். இதன் பொருள் புகை மற்றும் இடி என்பதாகும்.
இதன் அருகில் செல்லவே மக்கள் பயந்தனர்.
–
இந்த பகுதிக்கு, கிறிஸ்தவ மதத்தை பரப்ப வந்த ஸ்காட்லாந்தைச்
சேர்ந்த டேவிட் லிவிங்ஸ்டோன் என்பவர் தான் இந்த நீர்விழ்ச்சியை
முதன் முதலில் கண்டுபிடித்து 1855ல் கூறியவர். அத்துடன் இந்த
நீர்விழ்ச்சிக்கு, இங்கிலாந்து ராணி விக்டோரியாவின் பெயரை
சூட்டினார்.
–
ஐரோப்பாவிலிருந்து ஆப்பிரிக்காவுக்கு பயணித்த முதல் ஐரோப்பியரும்
இவர்தான். 1905ம் ஆண்டு வரை இந்த நீர்வீழ்ச்சி பலரால் பார்வையிடப்
படவுமில்லை; பிரபலமடையவுமில்லை.
–
புலாவாயோ நகருக்கு ரயில் பாதை போடப்பட்ட பின்தான், இது
பிரபலமானது. பிரிட்டிஷ், சுற்றுலா பயணிகள் குவிய ஆரம்பித்தனர்.
ஜிம்பாப்வேயில் கொரில்லா போராட்டம் துவங்கியதும், சுற்றுலா
பயணிகள் வருவது அறவே நின்றது. ஆனால், ஜிம்பாப்வே சுதந்திரம்
பெற்றதும் நிலைமை மாறியது. சுற்றுலா பயணிகள் மீண்டும் குவிய
ஆரம்பித்தனர்.
–
யுனெஸ்கோ 1989ம் ஆண்டு, இதனை பாரம்பரிய மிக்க இடங்களில்
ஒன்றாக அறிவித்தது. 1990ம் ஆண்டு வரை வருடா வரும் சுமார்
3 லட்சம் மக்கள் இந்த நீர் வீழ்ச்சியை பார்த்துச் சென்றனர்.
–
இந்த நீர்வீழ்ச்சி பகுதியில் இரு தேசிய பூங்காக்கள் உள்ளன. இவற்றில்
ஒன்று ஜிம்பாப்வேயிலும் மற்றொன்று ஜாம்பியாவிலும் உள்ளது.
இந்த நீர் வீழ்ச்சியிலிருந்து வருடம் முழுவதும் நீர் கொட்டிக்
கொண்டேயிருக்கும்.
–
ஏப்ரலில் தண்ணீர் அளவு கூடுதலாகவும், அக்டோபர் நவம்பர் கால
கட்டத்தில் தண்ணீரின் வருகை அளவு குறைந்தும் காணப்படும்.
தண்ணீர் வரத்து மேலே குறையும் போது, சில இடங்களை நடந்து
சென்று பார்க்கலாம். மேற்பகுதியில் நடு நடுவே மரங்கள் அடர்ந்த
சிறுசிறு தீவுகள் உண்டு. தண்ணீர் குறைவாகும் போது யானைகள்,
வரிக்குதிரைகள், ஒட்டகச்சிவிங்கி, கருப்பு நாரை, நீர் யானை என
பல இந்த பகுதியில் சகஜமாய் நடமாடுவதை காணலாம்!
–
பிரம்மாண்டத்திற்காகவே காண வேண்டிய நீர் வீழ்ச்சி இது!
வாவ்… சூப்பர் இல்ல!
–
————————-சிறுவர் மலர்