நாவலை திரைக்காவியமாக மாற்றமுடியும் …

-
ஒரு நாவலை திரைக்காவியமாக மாற்றமுடியும்

என்பதற்கு உதாரணமாக திகழ்கிறது
‘தில்லானா மோகனாம்பாள்’.

ஆனந்த விகடனில், ‘கலைமாமணி’ என்ற புனைப்பெயரில்
கொத்தமங்கலம் சுப்பு எழுதிய கதை இது. அதை தனது
திரைக்கதை வசனத்தினாலும், இயக்கத்தினாலும் திரைக்
காவியம் ஆக்கியவர் ஓ.பி.நாகராஜன்.

தமிழின் சிறந்த பத்து படங்களை எந்தக் காலகட்டத்தில்
தேர்வு செய்தாலும் அதில் தில்லானா மோகனாம்பாளுக்கு
நிச்சயம் இடம் கிடைக்கும்.

கதைச்சுருக்கம்

சிக்கல் சண்முகசுந்தரம் (சிவாஜி கணேசன்) புகழ்பெற்ற
நாதஸ்வர வித்வான். அற்புதமான ஆடல் அழகி
மோகனாம்பாள் (பத்மினி). இருவரும் காதலிக்கிறார்கள்.

பத்மினியின் தாயார் (சி.கே.சரஸ்வதி) பேராசை பிடித்து
அவர்கள் இருவரையும் பிரிக்க முயல்கிறார்.
நடராஜர் சன்னிதியில் சிவாஜியின் நாதஸ்வர வாசிப்புக்கும்
பத்மினியின் பரத நாட்டியத்திற்கும் போட்டி வைக்கப்பட்டு
வெற்றி தோல்வியின்றி முடிகிறது.

மகாராஜா சமஸ்தானத்தில் இருவருக்கும் அழைப்பு
வருகிறது. அங்கு மகாராஜாவுக்கு (எம்.என்.நம்பியார்)
பத்மினியின் அழகில் சபலம் தட்டுகிறது. இதற்கு தூபம்
போடுகிறான் வைத்தி (நாகேஷ்).

நாதஸ்வர வித்வான் சிவாஜிக்கு பத்மினி மீது சந்தேகம்
ஏற்படுகிறது. ஆனால், ஆடல் அரசி மோகனாம்பாள் தன்
உயர்ந்த குணத்தால் எல்லோரையும் திருத்துகிறாள்.
காதலர்கள் ஒன்று சேருகிறார்கள்.

இப்படத்தில் பத்மினியின் பரத நாட்டியம் பட்டொளி
வீசியது. மதுரை சகோதரர்கள் சேதுராமன்-பொன்னுசாமி
ஆகியோரின் நாதஸ்வரம் தேவகானமாய் இருந்தது.
கே.வி.மகாதேவன் இசையமைப்பில் ‘மறைந்திருந்து
பார்க்கும் மர்மம் என்ன’, ‘நலந்தானா’ ஆகிய பாடல்கள்
அற்புதமாக அமைந்தன.

ஓ.பி.நாகராஜனின் திரைக்கதை, வசனம், இயக்கம் ஆகியவை
உயர்வாக இருந்தன. பத்மினியும் சிவாஜிகணேசனும் கதா
பாத்திரங்களாகவே வாழ்ந்து காட்டினர்.

தவில் வித்வானாக நடிக்க பிரத்தியோக பயிற்சி பெற்று,
தவிலில் எல்லாவித பிரயோகங்களையும் பயன்
படுத்தியிருந்தார். டி.எஸ்.பாலைய்யா.

வைத்தியாக நடித்த நாகேஷ் பாத்திரம் முக்கியத்துவத்தில்
தனித்து நின்றது. அவர் தோன்றும் காட்சிகள் அனைத்தும்
ரசிகர்களிடம் வரவேற்பை பெற்றது.

தமிழகத்தின் பழம்பெரும் கலைகளான நாதஸ்வர இசை,
நாட்டியக்கலை இவை இரண்டையும் அடிப்படையாக
கொண்ட வெற்றிச் சித்திரம் இது.
–
————————-
நன்றி- தினத்தந்தி