உடல் இளைக்க எளிய வழிகள்

by **சிவா** Wed Mar 04, 2009 11:23 pm

என்னென்னவோ செய்து பார்த்தும் உடம்பு இளைக் கிற வழியாத் தெரியலையே என்று புலம்பும் பெண் களில் நீங்களும் ஒருவரா? இனி வேண்டாம் புலம்பல்கள். உடலை இளைக்க வைக்க இதோ சில எளிய டிப்ஸ்...

சுவையான உணவுகளை உண்பதை விட, ஆரோக்கிய மான உணவுகளை உண்ணப் பழகுங்கள். தினம் 500 முதல் 700 கிராம் வரை பச்சைக் காய்கறிகளை சாப்பிடுங்கள்.

இனிப்புச் சுவையை முடிந்தளவுக்குத் தவிர்க்கப் பாருங்கள். குளிர்பானங்கள், ஐஸ்கிரிம், சாக்லேட், ஜாம், சாஸ், பாக்கு என எதுவுமே அதிக சர்க்கரை சேர்க்காததாகப் பார்த்து உண்ணுங்கள்.

தினம் இரண்டு முதல் மூன்று ஸ்பூன் வரை கொழுப்பைத் தவிர்க்கப் பாருங்கள்.

மைதா மாவில் செய்யப்படும் உணவுகளைத் தவிர்க்கவும். மைதாவில் நார்ச்சத்து இல்லை. ஆனால் கொழுப்பு சேர வழி செய்து விடும்.

நார்ச்சத்து நிறைய உள்ள உணவுகளை சேர்த்துக்கொள்ளவும். ஓட்ஸ் மீல், சோளம், கோதுமை போன்றவற்றைச் சேர்த்துக் கொள்ளவும்.

அரிசியை பாலீஷ் செய்து சாப்பிடவும். வாரம் இரண்டு, மூன்று முறை புழுங்கலரிசியில் சமைத்துச் சாப்பிடவும்.

தினசரி எட்டு டம்ளர் தண்ணீர் குடிக்கவும். சீரகம் போட்டுக் கொதிக்க வைத்த தண்ணீர் மிகவும் நல்லது.

சமைக்கும் போது ருசி பார்க்கும் சாக்கில் சாப்பிடுவதைத் தவிர்க்கவும்.

டென்ஷன் இல்லாத மனது, உடல் இளைக்க மிக முக்கியம். சந்தோஷமான மனதே ஆரோக்கியமான உடலுக்கு அடிப்படை.

டி.வி. பார்க்கும் போது, படிக்கும் போது கொறிக்கும் பழக்கத்தை நிறுத்தவும்.

பார்ட்டி, விருந்து என வரிசையாக பலமாக சாப்பிட நேர்ந்தால், அடுத்து வரும் நாட்களில் வயிற்றைக் காலியாக விடவும். தண்ணீரைத் தவிர வேறு எதையும் சாப்பிட வேண்டாம்.

பெண்களின் உடல் எப்போதும் ஒரே மாதிரியாக இருக்காது. ஒவ்வொரு பருவத்திலும் ஒவ்வொரு விதமாய் மாறும். எனவே ஒல்லியான பெண்களுக்கும் உணவுக்கட்டுப்பாடு முக்கியம்.

பண்டிகை மற்றும் விசேஷ நாட்களில் வெண்ணெய், நெய் போன்ற வற்றில்தான் இனிப்புகள் செய்ய வேண்டும் என்றில்லை. கொழுப்பில்லாத சத்து மாவிலும், பழங்களிலும் கூட செய்து சாப்பிடலாம்.

நொறுக்குத் தீனிகள் தின்று பழக்கப்பட்டவர்கள், அவற்றின் ஞாபகம் வரும் போதெல்லாம் பச்சைக் காய்கறித் துண்டங்கள், பழங்கள் போன்றவற்றை சாப்பிடலாம்.

காலை உணவைத் தவிர்த்தால் உடல் இளைக்கும் என்ற எண்ணம் பலருக்கு உண்டு. இது தவறான நம்பிக்கை. காலை உணவைக் கண்டிப்பாகத் தவிர்க்கவே கூடாது.

காய்கறி சூப் தினம் குடிக்கவும். இதை நீர்க்கக் குடிப்பதே சிறந்தது. கெட்டியாகக் குடிக்கும் எண்ணத்தில் சோள மாவோ அல்லது அரிசி மாவோ கலந்து குடிக்க வேண்டாம்.

தினம் உணவில் ஏதேனும் ஒரு பச்சைக் காய்கறியில் செய்த சாலட் கட்டாயம் இடம் பெற வேண்டும்.

பாப்கார்ன் நிறைய சாப்பிடலாம். இனிப்பு கலந்த பாப் கார்னைத் தவிர்க்கவும்.

தக்காளி ஜூஸ், கேரட் ஜூஸ், வெள்ளரிச்சாறு, இளநீர், கொழுப்பு நீக்கிய மோர், எலுமிச்சம் பழச்சாறு, பிளாக் டீ போன்றவை கொழுப்பில்லாதவை. இவற்றை நிறைய சேர்த்துக் கொள்ளலாம்.