இனி அதிகபட்சமாக 140 கி.மீ வேகத்தில் நெடுஞ்சாலையில் பறக்கலாம்..

by **ayyasamy ram** Sat Mar 12, 2016 5:22 pm

டெல்லி:
நெடுஞ்சாலைகளில் இனிமேல் அதிகபட்சமாக மணிக்கு
140 கி.மீ வேகத்தில் பயணிக்க மத்திய அரசு அனுமதியளிக்கப்
போவதாக நெடுஞ்சாலைத்துறை அமைச்சர் நிதின் கட்காரி
தெரிவித்துள்ளார்.
-
இதுகுறித்து அவர் கூறுகையில், தற்போது நெடுஞ்சாலைகளில்
அதிகபட்சமாக மணிக்கு 100 கி.மீ வேகத்தில் வாகனங்களை
இயக்க அனுமதிக்கப்பட்டுள்ளது.
-
தற்போது, பொருளாதார மண்டலங்களை இணைக்கும்
ஹை-வேக்கள் அதிகரிக்கப்பட்டுள்ளன. இந்த சாலைகளில்
ஆங்காங்கு இணைப்பு சாலைகள் வராது. எனவே வேகமாக
வாகனங்களை இயக்கும்போது, இடையூறுகள் ஏற்படாது.

இதுபோன்ற சாலைகளில் மணிக்கு 140 கி.மீ வேகத்தில் பயணிக்க
அனுமதி வழங்கப்படும். மும்பை-வதோதரா நடுவேயா சாலையில்
முதல்கட்டமாக 2 வாரங்களில் இதுபோன்ற வேக விதிமுறை
தளர்வு அறிமுகமாகும். டெல்லி-ஜெய்ப்பூர், டெல்லி-அமித்ரசரஸ்
நடுவேயான சாலைகளிலும் இதுபோன்ற வேகக்கட்டுப்பாட்டு தளர்வு
கொண்டுவரப்படும்.

இந்த சாலைகள் பிற நெடுஞ்சாலைகளைவிட பாதுகாப்பு அம்சங்கள்
நிறைந்தவை. இவ்வாறு கட்காரி தெரிவித்தார்.
-
---------------------
தமிழ் ஒன் இந்தியா.காம்

by **M.Jagadeesan** Sat Mar 12, 2016 5:48 pm

140 கி.மீ . வேகத்தில் பயணித்தால் 108 லே போகலாம் .

by **ayyasamy ram** Sun Mar 13, 2016 4:49 pm

தரமான சாலையில் 140 கி.மீ வேகத்தில்
பயணிப்பதில் ஆபத்து அம்சங்கள் குறைவுதான்...
-
மேலும் தற்போதைய கார்களில் முன்னால் வாகனத்தின்
வேகத்திற்கு ஏற்ப தானே, வேகத்தைக் கட்டுப்படுத்திக் கொள்ளும்
நவீன வசதிகள் வந்து விட்டன
-

by **ராஜா** Sun Mar 13, 2016 6:20 pm

140 கிமீ வேகத்தில் சென்றால் Emergency Braking Distance எவ்வளவு என்று இவர்களுக்கு தெரியுமா?!

இது என்னவென்றாவது நம்ம அமைச்சருக்கு தெரியுமா என்று தெரியவில்லை புன்னகை

by **T.N.Balasubramanian** Sun Mar 13, 2016 11:09 pm

140 km என்பது 87 mile க்கு சமம் .
ரோடுகள் சீராக சமன் செய்யப்பட்டு இருந்தால் ,
ஒரு காருக்கும் பின் வரும் காருக்கும் *போதிய இடைவெளி இருந்தால் ,
(*emergency braking distance --தெரியாது )
சாலை விதிமுறைகளை போலீஸ் இருந்தாலும் இல்லாவிட்டாலும்
ஓட்டுனர்கள் கடைபிடித்தால் 140 km போவதில் தடை இல்லை .
6 வழி பாதை , 3 வழிகள் போவதற்கு நடுவிலே தடுப்பு /அரண்
3 வழிகள் போவதற்கு இருக்கவேண்டும் .
திரும்புவதற்கு LH / RH drive க்கு தக்கப்படி side track இருக்கவேண்டும்

100mile வேகத்தில் சென்ற அனுபவம் உண்டு 70/80 சகஜமான வேகம் .

மனதை கவர்ந்த வாசகங்கள் படித்தது உண்டு

" எந்தன் எழுத்துகளை உன்னால் படிக்க முடிந்தால் ,
உந்தன் வாகனம் எந்தன் வாகனத்தை விரைவில் இடிக்கும் .
வேகத்தை கட்டுப்படுத்து "

ரமணியன்

by **krishnaamma** Mon Mar 14, 2016 12:52 am

M.Jagadeesan wrote:140 கி.மீ . வேகத்தில் பயணித்தால் 108 லே போகலாம் .

மேற்கோள் செய்த பதிவு: 1197417

ரொம்ப சரி!............... சிரி

by **krishnaamma** Mon Mar 14, 2016 12:53 am

டெல்லி-ஜெய்ப்பூர், டெல்லி-அமித்ரசரஸ்
நடுவேயான சாலைகளிலும் இதுபோன்ற வேகக்கட்டுப்பாட்டு தளர்வு
கொண்டுவரப்படும்.

சரி, ஆனால் டெல்லிக்குள் நுழைந்ததும் 'மாப்பிள்ளை ஊர்வலம்' போல போகவேண்டுமே ! புன்னகை

by **ராஜா** Mon Mar 14, 2016 1:17 pm

T.N.Balasubramanian wrote:140 km என்பது 87 mile க்கு சமம் .
ரோடுகள் சீராக சமன் செய்யப்பட்டு இருந்தால் ,
ஒரு காருக்கும் பின் வரும் காருக்கும் *போதிய இடைவெளி இருந்தால் ,
(*emergency braking distance --தெரியாது )

இனி அதிகபட்சமாக 140 கி.மீ வேகத்தில் நெடுஞ்சாலையில் பறக்கலாம்.. EfMN6Z6BS2a8Ke1vGQOq+stoppingdistance

இது இங்கிலாந்து அரசின் இணையதளத்தில் உள்ளது , ஏறக்குக்றைய அனைவருக்கும் பயன்படும்.
https://www.gov.uk/guidance/the-highway-code/general-rules-techniques-and-advice-for-all-drivers-and-riders-103-to-158

T.N.Balasubramanian wrote:சாலை விதிமுறைகளை போலீஸ் இருந்தாலும் இல்லாவிட்டாலும்
ஓட்டுனர்கள் கடைபிடித்தால் 140 km போவதில் தடை இல்லை .
6 வழி பாதை , 3 வழிகள் போவதற்கு நடுவிலே தடுப்பு /அரண்
3 வழிகள் போவதற்கு இருக்கவேண்டும் .
திரும்புவதற்கு LH / RH drive க்கு தக்கப்படி side track இருக்கவேண்டும்
ரமணியன்

நமது சாலைகள் இந்த அளவுக்கு தரமாக இருந்தால் மட்டும் போதாது , அனைத்து வாகனங்களும் சாலை விதிகளை மதித்து நடக்க வேண்டும் , அப்ப தான் சாத்தியமாகும்.

இங்கு நான் 120 வேகத்தில் செல்வதுண்டு , சில நேரம் அதற்கும் மேல் ....

ஆனால் தமிழ்நாடு வந்தபோது சென்னை திருச்சி சாலையில் பயணித்த போது , பார்த்த அதிசயங்கள்

1. Bus , லாரிகள் , Tankers மிக சாதரணமாக அதிவேக track ஆன முதல் லேனில் சென்று கொண்டிருந்தார்கள்.
2. U Turn பண்ண கொடுத்துள்ள இடங்கள் யாருமே பயன்படுத்தவில்லை
3. சாலையின் நடுவில் கால்நடைகள் ரொம்ப கேஷுவலாக நடந்து போய்கொண்டிருந்தது.
4. One Way டிராபிக்கில் நமக்கு எதிரே முகப்பு விளக்குகளை எரியவிட்டு கொண்டு வரும் வாகனங்கள் (இவர்கள் இப்படி வந்தால் நாம் தான் கவனமாக இருக்க வேண்டுமாம் - டிரைவர் சொன்னது புன்னகை

)

by **T.N.Balasubramanian** Mon Mar 14, 2016 1:54 pm

மேலும் போதாகுறைக்கு ,திமிர் பிடித்த கல்லூரி மாணவர்கள் , பணக்காரர்களின் /அரசியல்வாதிகளின் தேனாவிட்டுப் பிடித்த வாரிசுகள் , பில்லியனில் ஒரு பட்டாம்பூச்சியை ஏற்றிக்கொண்டு , தங்கள் திறனை காண்பிக்க கண்மூடித்தனமாக ஓட்டிச் சென்று ,ஒழுங்காக செல்லும் காரோட்டிகளுக்கு இடைஞ்சலாக இருப்பார்கள் .

ரமணியன்

by **ராஜா** Mon Mar 14, 2016 2:15 pm

T.N.Balasubramanian wrote:மேலும் போதாகுறைக்கு ,திமிர் பிடித்த கல்லூரி மாணவர்கள் , பணக்காரர்களின் /அரசியல்வாதிகளின் தேனாவிட்டுப் பிடித்த வாரிசுகள் , பில்லியனில் ஒரு பட்டாம்பூச்சியை ஏற்றிக்கொண்டு , தங்கள் திறனை காண்பிக்க கண்மூடித்தனமாக ஓட்டிச் சென்று ,ஒழுங்காக செல்லும் காரோட்டிகளுக்கு இடைஞ்சலாக இருப்பார்கள்.ரமணியன்

ஏழை அரசாங்க கடைநிலை ஊழியரின் மகள் - பொறியியல் கல்லூரியின் இறுதி நாட்கள் - கோல்ட் மெடல் வாங்கும் அளவிற்கு மதிப்பெண்கள் (கடைசி செமஸ்டர் முடிவு வரவில்லை) - அதற்கும் மிகவும் புகழ் பெற்ற அமெரிக்க மென்பொருள் நிறுவனதில் காம்பஸ் இன்டர்வியூவில் வேலை - அவர் அப்பா ஏறக்குறை இரண்டு வருடம் வாங்கும் சம்பளம் இவரின் ஒரு மாத சம்பளம் -
திடீரென்று ஒரு நாள் தொலைபேசி அழைப்பு - உங்கள் மகள் இரு சக்கர வாகன விபத்தில் சிக்கி அரசு மருத்துவமனையில் உள்ளார் - அவரின் 16 ஆம் நாள் காரியம் முடிவதற்குள் கூட போன நாய் வெளிநாட்டுக்கு சென்றுவிட்டான் - சிரிப்பு என்றால் என்னவென்றே அதன் பிறகு அந்த குடும்பதிற்கு தெரியாமல் போய் விட்டது.

இது கதை அல்ல அழுகை