எது குறைப் பரசவம்..

கருத்தரித்து 37 வாரங்கள் முழுமையடைவதற்கு
முன்பு நிகழும் பிரசவம் குறைப்பிரசவம் ஆகும்.

பச்சிளம் குழந்தைகள் இறப்பதற்கு முதல் காரணம்,
குறைப்பிரசவம். ஐந்து வயதுக்கு உட்பட்ட குழந்தைகள்
இறப்பதற்கு இரண்டாவது முக்கிய காரணமும்
இதுதான்.
-

-
கர்ப்பம் தரித்ததில் இருந்து 28 வாரங்களுக்கும்
குறைவான காலத்தில் நிகழ்வது மிதமிஞ்சிய
குறைப்பிரசவம் என்றும், 28 வாரங்களிலிருந்து
32 வாரங்களுக்குள் நிகழ்பவை பெரிய அளவிலான
குறைப்பிரசவம் என்றும், 32 வாரங்களிலிருந்து
37 வாரங்களுக்குள் நிகழ்பவை தாமதமான
குறைப்பிரசவம் என்றும் உலக சுகாதார நிறுவனம்
வகைப்படுத்தியுள்ளது.
-

குறைப்பிரசவத்திற்கான காரணங்கள்:

* அடிக்கடி கருத்தரிப்பது

* வாழ்க்கைமுறை காரணங்கள்

* பிறப்புறுப்பில் ஏற்படும் பிரச்னைகள்

*நோய்த் தொற்று

*கரு உண்டான காலத்தில் ஏற்படும் நீரிழிவு நோய்

*பனிக்குடம் சீக்கிரமே உடைந்துவிடுவது

*தொப்புள்கொடியில் பிரச்னை இருந்தால்.

*கருப்பையில் ஏதேனும் பிரச்னை இருந்தால் குறைப்பிரசவம் யாருக்கு அதிகம் ஆகும்?

* முதல் பிரசவம் என்றால்

* ஒரே நேரத்தில் இரண்டு (அ) மூன்று, இன்னும் அதிக குழந்தைகளை வயிற்றில் சுமந்தால்

*வயிற்றில் அடிபட்டிருந்தால்

*17 வயதிற்குக் குறைவாக கர்ப்பம் தரித்தால்

*35 வயதிற்கு மேலாக கர்ப்பம் தரித்தால்

*செயற்கைக் கருவூட்டல் முறையில் கர்ப்பம் அடைந்தால்.

ஆண்டுதோறும் இந்தியாவில்தான் அதிக அளவில் குறைப்பிரசவம் நிகழ்கிறது. இந்தப் பட்டியலில் முதல் ஐந்து நாடுகளும் குறைப்பிரசவங்களின் எண்ணிக்கையும்:

இந்தியா – 35,19,100; சீனா – 11,72,300; நைஜீரியா – 7,73,600; பாகிஸ்தான் – 7,48,100; அமெரிக்கா – 5,17,400குறைப்பிரசவங்களில் பிறக்கும் குழந்தைகளுக்கு கண், காது, பற்கள் தொடர்பான பல பிறப்புக் கோளாறுகள் ஏற்படுகின்றன. நுரையீரல் முழுமையான வளர்ச்சி அடையாமல் இருப்பதால், சுவாசிக்கவே சிரமப்பட வேண்டியிருக்கும். சில குழந்தைகளுக்கு மூளையில் ரத்தக்கசிவு ஏற்படக்கூடும்.

நோய் எதிர்ப்பு சக்தி மிகக் குறைவாக இருப்பதால், எந்தத் தொற்றுநோயும் எளிதில் தாக்கி ஆபத்தை விளைவிக்கும். குடலும் வயிறும் இயல்பாக இருக்காது என்பதால், பால் குடிக்கவே சிரமப்படும். சில குழந்தைகளுக்கு ஊசி வழியாகவே உணவைச் செலுத்த வேண்டியிருக்கும்.

இந்தியாவில் ஆண்டுதோறும் குறைப்பிரசவங்களில் பிறக்கும் குழந்தைகளில் சுமார் மூன்று லட்சம் குழந்தைகள் இறந்து
விடுகின்றன. குறைப்பிரசவத்தில் பிறக்கும் குழந்தைகளில் 20 சதவிகிதமே எந்தவித பாதிப்புக்கும் உள்ளாவதில்லை. 80 சதவிகிதக் குழந்தைகள் பாதிப்புகளுக்கு உள்ளாகின்றன.
-

-
குறைப்பிரசவத்தில் பிறந்த பிரபலங்கள்

அமெரிக்க எழுத்தாளர் மார்க் ட்வெயின் 2 மாதங்கள் முன்னதாகப் பிறந்தார்.

ஆங்கில இலக்கியத்தின் காதல் காலகட்டக் கவிஞரான ஜான் கீட்ஸ் 3 மாதங்கள் முன்னதாகப் பிறந்தார்.

பிரிட்டனைச் சேர்ந்த இயற்கை அறிவியலாளர் சார்ல்ஸ் டார்வின் 5 வாரங்கள் முன்னதாகப் பிறந்தார்.

மனித இனத்தின் இணையற்ற அறிவியல் அறிஞர் ஆல்பர்ட் ஐன்ஸ்டீனும் குறைப்பிரசவக் குழந்தையே! ஐன்ஸ்டீன் பிறக்கும்போது அவரது தலை பெரிதாக இருந்ததாக அவரின் தாய் பயந்தார்.

பிரிட்டிஷ் விஞ்ஞானி சர் ஐசக் நியூட்டன் பிறக்கும்போது, ஒரு பெரிய தண்ணீர் பிடிக்கும் குவளையில் வைக்கும் அளவிற்கு குட்டியாக இருந்தார்.

பிரிட்டனின் பிரதமராக இருந்த வின்ஸ்டன் சர்ச்சில் 2 மாதங்கள் முன்னதாகப் பிறந்தவர்.
ஜெர்மானிய வானியல் அறிஞரும் கணிதவியலாளருமான ஜோஹன்னஸ் கெப்ளர் 3 மாதங்கள் முன்னதாகப் பிறந்தார்.

ரஷ்ய பாலே நடனக் கலைஞர் அன்னா பாவ்லோவா 2 மாதங்கள் முன்னதாகப் பிறந்தார்.
பிரெஞ்சு தத்துவ ஞானி ழான் ஜாக்யூஸ் ரூசோ குறைப்பிரசவத்தில் பிறந்தார். அவர் பிறந்த 9 நாட்களுக்குப் பிறகு அவரது தாயார் இறந்துவிட்டார்.

– கே.ஆர், ஈரோடு.

நன்றி- முத்தாரம்