நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

**krishnaamma** · **krishnaamma** Wed Mar 09, 2016 1:22 am

நாளை சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்! ZLOMKoocRdil6S69rAhA+201603081740450864_solar-eclipse-tomorrow-chennai-cites-can-see-it_SECVPF

நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்! ZLOMKoocRdil6S69rAhA+201603081740450864_solar-eclipse-tomorrow-chennai-cites-can-see-it_SECVPF

சென்னை,

சந்திரன் பூமிக்கும், சூரியனுக்கும் இடையே வருகையில் சூரிய கிரகணம் ஏற்படும்.முழு சூரிய கிரகணம் என்பது சந்திரன் சூரியனை முழுவதுமாக மறைத்து ஒரு வளையம் போன்று காட்சி அளிக்கும். இந்நிலையில் நாளை முழு சூரிய கிரகணம் ஏற்பட உள்ளது. இந்த கிரகணத்தை பொதுமக்கள் வெறும் கண்ணில் பார்க்க வேண்டாம் என்று அறிவுறுத்தப்பட்டுள்ளனர்.

சூரிய கிரகணம் (9–ந்தேதி) நாளை காலை ஏற்படுகிறது. இந்தோனேசியாவின் சுமத்ரா, போர்னியோ, சுலவேசி மற்றும் பசிபிக் பெருங்கடல் பகுதிகளில் இதனை 100 சதவீதம் தெளிவாக பார்க்க முடியும்.

இந்திய நேரப்படி நாளை காலை 4.49 மணிக்கு சூரிய கிரகணம் ஏற்படுகிறது. இந்தியாவில் பகுதி சூரிய கிரகணமாகத்தான் பார்க்க முடியும் என்று அதிகாரி ஒருவர் தெரிவித்தார்.

சென்னையில் நாளை காலை 6.20 மணிக்கு சூரியன் உதயமாகும். காலை 6.22 மணிக்கு தொடங்கி, 6.48 மணியுடன் சூரிய கிரகணம் முடிகிறது. அதாவது 26 நிமிடம் மட்டுமே சூரிய கிரகணத்தை காண முடியும்.

இதேபோல் டெல்லி, கொல்கத்தா உள்பட நாட்டின் பல பகுதிகளிலும் சூரிய கிரகணத்தை காண முடியும் என்று அதிகாரிகள் தெரிவித்து உள்ளனர்.

தினத்தந்தி

**krishnaamma** · **krishnaamma** Wed Mar 09, 2016 1:23 am

நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்! CVI7X7UdTgODQwbfuTju+sun

சென்னை: நாளை அதிகாலை நிகழும் சூரிய கிரகணத்தை, சென்னையில் 26 நிமிடம் பார்க்க முடியும். சூரிய கிரகணத்தை, வெறும் கண்களால் பார்க்கக் கூடாது என அறிவியலாளர்கள் எச்சரித்து உள்ளனர்.

பூமிக்கும் சூரியனுக்கும் இடையே சந்திரன் செல்லும்போது சூரிய கிரகணம் ஏற்படும். அமாவாசை தினத்தன்று தான் சூரிய கிரகணம் நிகழும். இதனால் சூரியன், முழுவதுமாகவோ அல்லது பகுதியோ மறைக்கப்படும்.

பொதுவாக ஓராண்டில் 2 முதல் ஐந்து சூரிய கிரகணங்கள் வரை நடப்பதுண்டு. சில ஆண்டுகளில் சூரிய கிரகணம் ஏற்படாமலும் போகலாம். இந்தியாவில் முழு சூரிய கிரகணம் கடந்த 2010–ம் ஆண்டு ஜனவரி மாதம் 15–ம் தேதி ஏற்பட்டது. நடப்பாண்டில் 2 சூரிய கிரகணங்கள் ஏற்பட உள்ளது. அதன் முதல் சூரிய கிரகணம் நாளை (புதன்கிழமை) நிகழ்கிறது.

இந்திய நேரப்படி நாளை அதிகாலை 4.49 மணிக்கு சூரிய கிரகணம் தொடங்கி காலை 9.08 மணி வரையில் நீடிக்கும். பகுதி நேர கிரகணம் காலை 5.47க்கு தொடங்கி, 9.08க்கு முடிவடையும். இந்தோனேசியா மற்றும் பசிபிக் பெருங்கடல் பகுதியில் இந்த சூரிய கிரகணம் 100 சதவீதம் தெரியும். இந்தியாவின் பெரும்பாலான பகுதிகளில் பாதி சூரிய கிரகணம்தான் தெரியும். இந்தியாவின் மேற்கு, வடமேற்கு பகுதிகளில் இதை காண இயலாது.

சென்னையில் நாளை காலை 6.20 மணிக்கு சூரியன் உதயமாகிறது. 6.22 மணி முதல் 6.48 மணி வரை 26 நிமிடங்கள் சென்னையில் சூரிய கிரகணத்தை பார்க்கலாம். விசாகப்பட்டினத்தில் 28 சதவீதம், திரிபுராவில் 15.1 சதவீதம், அசாமில் 11 சதவீதம், கொல்கத்தாவில் 18 சதவீதம் புவனேசுவரத்தில் 24 சதவீதம், பாட்னாவில் 12 சதவீதம், போர்ட்பிளேயரில் 49 சதவீதம் சூரிய கிரகணம் தெரியும்.

நாளை காலை தோன்ற உள்ள சூரிய கிரகணத்தை, வெறும் கண்களால் பார்க்கக் கூடாது என அறிவியலாளர்கள் எச்சரித்துள்ளனர். இது குறித்து, தமிழக அறிவியல் மற்றும் தொழில் நுட்ப மைய செயல் இயக்குனர் வெளியிட்டுள்ள செய்திக்குறிப்பில், ''சூரியனுக்கும், பூமிக்கும் இடையிலான நேர்கோட்டை, சந்திரன் கடக்கும்போது, அது பூமியில் இருந்து சூரியனை மறைக்கும்; இது சூரிய கிரகணம். சூரியனுக்கும், சந்திரனுக்கும் இடையிலான நேர்கோட்டை பூமி கடக்கும்போது, பூமியின் நிழல் சந்திரனை மறைப்பது சந்திர கிரகணம்.

நாளை, வானில் முழுமையான சூரிய கிரகணம் தென்பட உள்ளது. இதில், சந்திரன் சூரியனை மறைப்பதால், சூரியனின் ஒளி வட்டம் மட்டும், நெருப்பு வளையமாக தெரியும். சூரியனைவிட சந்திரன் 400 மடங்கு சிறியது என்றாலும், பூமியில் இருந்து சந்திரனைவிட 400 மடங்கு துாரத்தில் சூரியன் இருப்பதால், சூரியனின் ஒளியை சந்திரன் மறைக்க முடிகிறது. இந்த நிகழ்வு தான் சூரிய கிரகணமாக தெரிய உள்ளது.

சர்வதேச அளவில், இந்திய நேரப்படி அதிகாலை 4:49 மணிக்கு கிரகணம் துவங்கி 10:05 மணிக்கு முடிகிறது. இந்த கிரகணத்தை பசிபிக் பெருங்கடல் பகுதி மற்றும் மத்திய இந்தோனேசியாவில் முழுமையாக பார்க்க முடியும். தென் கிழக்கு ஆசிய நாடுகள் மற்றும் வடக்கு ஆஸ்திரேலியாவில், பகுதி அளவில் கிரகணம் தெரியும்" என்று தெரிவிக்கப்பட்டு உள்ளது.

இந்த சூரிய கிரகணத்தை பார்ப்பதற்காக, சென்னை, பெசன்ட் நகர் எலியட்ஸ் கடற்கரையில், தமிழ்நாடு அறிவியல் மற்றும் தொழில் நுட்ப மையம், காலை, 6:00 மணி முதல், 7:00 மணி வரை சிறப்பு ஏற்பாடுகளை செய்துள்ளது. மேலும், வானியல் பற்றிய தகவல்களைப் பொதுமக்களும் புரிந்து கொள்ளவும் கோளரங்கங்களில் இதற்கான ஏற்பாடுகள் செய்யப்பட்டுள்ளன.

விகடன்

**krishnaamma** · **krishnaamma** Wed Mar 09, 2016 1:25 am

நாளை முழு சூரிய கிரகணம்!

நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்! ACL9ERqSsux4f4ZHqANu+08-1457424239-20-1426846583-solar-eclipse-56006

நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்! ACL9ERqSsux4f4ZHqANu+08-1457424239-20-1426846583-solar-eclipse-56006

சென்னை: நாளை முழு சூரிய கிரகணம் ஏற்பட உள்ளது. இந்த சூரிய கிரகணத்தை சென்னையில் 26 நிமிடங்கள் பார்க்க முடியும். சந்திரன் பூமிக்கும், சூரியனுக்கும் இடையே வருகையில் சூரிய கிரகணம் ஏற்படும். அமாவாசை அன்று தான் சூரிய கிரகணம் ஏற்படும்.

ஒரு ஆண்டில் 2 முதல் 5 சூரிய கிரகணங்கள் ஏற்படும். முழு சூரிய கிரணம் ஆண்டுக்கு ஒரு முறை நடக்கலாம். முழு சூரிய கிரகணம் என்றால் சந்திரன் சூரியனை முழுவதுமாக மறைத்து ஒரு வளையம் போன்று தெரியும். இந்நிலையில் நாளை முழு சூரிய கிரகணம் ஏற்பட உள்ளது. இந்த கிரகணத்தை வெறும் கண்ணில் பார்க்க வேண்டாம் என்று மக்கள் அறிவுறுத்தப்பட்டுள்ளனர்.

இந்த கிரகணத்தை இந்தோனேசியாவின் சுமத்ரா தீவில் முழுமையாக பார்க்க முடியும். கோலாலம்பூர், சிங்கப்பூர், ஹவாய் மற்றும் ஆஸ்திரேலியாவின் வடக்கு பகுதியில் பாதி அளவில் தெரியும். தாய்லாந்து, பிலிப்பைன்ஸ் ஆகிய நாடுகளிலும் கிரகணத்தை நன்றாக பார்க்க முடியும். இந்த கிரகணத்தை இந்திய மக்களும் பார்க்கலாம்.

இந்தியாவில் டெல்லி, ஹைதராபாத், கொல்கத்தா, லக்னோ, வாரணாசி, மைசூர், மங்களூர், சென்னை ஆகிய நகரங்களில் கிரகணத்தை பார்க்கலாம். இந்தியாவில் பாதி கிரகணத்தையே பார்க்க முடியும். சென்னையில் நாளை காலை 6.22 மணி முதல் 6.48 மணி வரை அதாவது 26 நிமிடங்கள் தான் கிரகணத்தை காண முடியும்.

கிரகணம் இந்திய நேரப்படி காலை 4.49 மணிக்கு துவங்கி காலை 9.08 மணி வரை நீடிக்கும். முன்னதாக கடந்த 2010ம் ஆண்டு ஜனவரி மாதம் 15ம் தேதி முழு சூரிய கிரகணம் ஏற்பட்டது என்பது குறிப்பிடத்தக்கது.

tamil.oneindia.

**ராஜா** · **ராஜா** Wed Mar 09, 2016 12:14 pm

கத்தரில் தெரியுமா புன்னகை

**krishnaamma** · **krishnaamma** Thu Mar 10, 2016 1:10 am

ராஜா wrote:கத்தரில் தெரியுமா

மேற்கோள் செய்த பதிவு: 1197096

சென்னை லேயே கொஞ்ச நேரம் தான் தெரியுமாம் ராஜா, பம்பாய் இல் கூட தெரியாதாம், எனவே நமக்கு கவலை இல்லை புன்னகை

Sponsored content · Sponsored content

நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

Re: நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

Re: நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

Re: நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

Re: நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

Re: நாளை முழு சூரிய கிரகணம்:சென்னையில் 26 நிமிடம் மட்டுமே சூரிய கிரகணத்தை காண முடியும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக