உனக்கு நீயே தடை

ஈகரை தமிழ் களஞ்சியம் :: கவிதைக் களஞ்சியம் :: சொந்தக் கவிதைகள் :: புதுக்கவிதைகள்

Page 1 of 1 •

உனக்கு நீயே தடை

#1197054

ச. சந்திரசேகரன்
தளபதி: பதிவுகள் : 1170
இணைந்தது : 16/09/2012

Post ச. சந்திரசேகரன் Tue Mar 08, 2016 11:57 pm

உனக்கு நீயே தடை

கருவில் நீ உருப்பெருகையில்
கருச்சிதைவு செய்வது உன்னினமே
அதையும் மீறி

கண்மணி நீ பிறந்துவிட்டால்
கள்ளிப்பால் கொடுப்பது உன்னினமே
அதையும் மீறி

சிறுமி உனைப் புறந்தள்ளி
சிறுவனை சீராட்டுவது உன்னினமே
அதையும் மீறி

பருவம் நீ எய்தியதும்
படிப்பை நிறுத்துவதும் உன்னினமே
அதையும் மீறி

கன்னியாய் நீ நடக்கையிலே
கண்டபடி புறங்கூறுதல் உன்னினமே
அதையும் மீறி

பட்டம் நீ பெறுகையிலே
பதவிகளைத் தடுப்பதுவும் உன்னினமே
அதையும் மீறி

வேலையில் நீ அமர்ந்துவிட்டால்
வீட்டிலும் வதைப்பதுவும் உன்னினமே
அதையும் மீறி

சம்பளமும் நீ பெறுகையிலே
சமத்துவத்தை தடுப்பதுவும் உன்னினமே
அதையும் மீறி

வரன் தேடும் படலத்திலே
வரதட்சனை கேட்பதுவும் உன்னினமே
அதையும் மீறி

மருமகளாய் நீ வருகையிலே
மட்டம்தட்டிப் பேசுவதும் உன்னினமே
அதையும் மீறி

தாயாகும் தருணம் தாமதித்தால்
தள்ளிவைக்க நினைப்பதுவும் உன்னினமே

எனவே, பெண்ணே
உனக்கு நீயே தடை
உடனே தடையை உடை
உயர்வை உடனே அடை

மகளிர்தின வாழ்த்துக்களுடன்
ச.சந்திரசேகரன்

உனக்கு நீயே தடை 425716_444270338969161_1637635055_n

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

Page 1 of 1