தமிழகம், கேரளா, புதுச்சேரிக்கு மே 16ம் தேதி வாக்குப்பதிவு

**ayyasamy ram** · **ayyasamy ram** Fri Mar 04, 2016 11:50 am

தமிழகம், கேரளா, புதுச்சேரி சட்டப்பேரவைகளுக்கு
ஒரே கட்டமாக மே 16ம் தேதி வாக்குப்பதிவு நடைபெறும்
என்று தலைமைத் தேர்தல் ஆணையர் நஜீம் ஜைதி அறிவித்துள்ளார்.
-
புது தில்லியில் இன்று செய்தியாளர்கள் மத்தியில் பேசிய நஜீம் ஜைதி,
தமிழகம், கேரளா, புதுச்சேரி ஆகிய சட்டப்பேரவைகளுக்கு ஒரே
கட்டமாக மே 16ம் தேதி வாக்குப்பதிவு நடைபெறும் என்று அறிவித்தார்.
-
தேர்தல் குறித்த அறிவிப்பில்,
-
தமிழகம், கேரளா, புதுச்சேரி ஆகிய சட்டப்பேரவைத் தேர்தலுக்கான
வேட்பு மனு தாக்கல் ஏப்ரல் 22ம் தேதி துவங்குகிறது.

வேட் மனு தாக்கல் செய்ய ஏப்ரல் 29ம் தேதி கடைசி நாளாகும்.
வேட்பு மனுக்கள் ஏப்ரல் 30ம் தேதி பரிசீலிக்கப்படும்.

வேட்பு மனுக்களை திரும்பப் பெற மே 2ம் தேதி கடைசி நாள்.

மூன்று சட்டப்பேரவைக்கும் மே 16ம் தேதி வாக்குப்பதிவு நடைபெற
உள்ளது.

அன்றைய தினம் பதிவாகும் வாக்குகள் அனைத்தும் மே 19ம் தேதி
எண்ணப்படும் என்று அறிவித்தார்.
-
--------------------------
தினமணி

**ayyasamy ram** · **ayyasamy ram** Fri Mar 04, 2016 11:52 am

தமிழ்நாட்டில் 5.8 கோடி வாக்காளர்கள்: தேர்தல் ஆணையம்
-
தமிழக சட்டப்பேரவைக்கு வரும் மே 16ம் தேதி நடைபெறும்
வாக்குப்பதிவில், 5.8 கோடி வாக்காளர்கள் வாக்களிக்க
உள்ளதாக தேர்தல் ஆணையர் நஜீம் ஜைதி அறிவித்துள்ளார்.

தமிழகத்தில் மொத்தமுள்ள 234 தொகுதிகளில் 5.8 கோடி வாக்காளர்கள்
உள்ளனர். இவர்கள் வாக்களிக்க வசதியாக சுமார் 65,000 வாக்குச்சாவடிகள்
அமைக்கப்பட உள்ளன.

ஒவ்வொரு தொகுதிக்கும் ஒரு மாதிரி வாக்குச்சாவடிகள் அமைக்கப்படும்
என்றும் நஜீம் ஜைதி தெரிவித்துள்ளார்
-

தமிழகம், கேரளா, புதுச்சேரிக்கு மே 16ம் தேதி வாக்குப்பதிவு

தமிழகம், கேரளா, புதுச்சேரிக்கு மே 16ம் தேதி வாக்குப்பதிவு

Re: தமிழகம், கேரளா, புதுச்சேரிக்கு மே 16ம் தேதி வாக்குப்பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக