எல்லாம் அவளே !

**M.Jagadeesan** · **M.Jagadeesan** Wed 2 Mar 2016 - 8:25

இன்பமும் அவளே ; துன்பமும் அவளே !
...இனிப்பும் அவளே ; கசப்பும் அவளே !
நன்மையும் அவளே ; தீமையும் அவளே !
...நட்டமும் அவளே ; இலாபமும் அவளே !

உண்மையும் அவளே ; பொய்யும் அவளே !
...உறவும் அவளே ; பகையும் அவளே !
திண்மையும் அவளே ; மென்மையும் அவளே !
...தீயும் அவளே ; நீரும் அவளே !

நோயும் அவளே ; மருந்தும் அவளே !
...நோன்பும் அவளே ; விருந்தும் அவளே !
காயும் அவளே ; கனியும் அவளே !
...கரும்பும் அவளே ; வேம்பும் அவளே !

புகழும் அவளே ; இகழும் அவளே !
...புல்லுமஅவளே ; மரமும் அவளே !
அகமும் அவளே ; புறமும் அவளே !
...அறமும் அவளே ; மறமும் அவளே !

தென்றலும் அவளே ; புயலும் அவளே !
...தெற்கும் அவளே ; வடக்கும் அவளே !
இன்றும் அவளே ; என்றும் அவளே !
..இசையும் அவளே ; நசையும் அவளே !

ஆணும் அவளே ; பெண்ணும் அவளே !
...ஆவதும் அவளே ; அழிப்பதும் அவளே !
நாணும் அவளே ; வில்லும் அவளே !
...நானும் அவளும் கணவன் மனைவி !