தொலைக்காட்சி விவாதத்தில் அரங்கேறிய அநாகரிக வார்த்தைகள்

**ayyasamy ram** · **ayyasamy ram** Fri 4 Mar 2016 - 10:20

-

தந்தி தொலைக்காட்சியில் நேற்று இரவு 9 மணியளவில்
ஆயுத எழுத்து நிகழ்ச்சியில் ‘விஜயகாந்துக்கு மவுசு- வாக்கு
வங்கியா? காலச்சூழலா?’ என்ற தலைப்பில் விவாதம்
நடந்தது.
-
இதில் பேராசிரியர் அருணன்(மக்கள் நலக் கூட்டணி),
வானதி ஸ்ரீனிவாசன்(பாஜக),
சரவணன்(திமுக),
சீமான்(நாம் தமிழர் கட்சி) ஆகியோர் பங்கேற்று பேசினர்.
-
விவாதத்தின் போது “மக்கள் நலக் கூட்டணியை விட அதிக
வாக்குகளை நாங்கள் பெறுவோம். குறைவாகப் பெற்றால்
நாம் தமிழர் கட்சியைக் கலைத்துவிட்டு, கம்யூனிஸ்ட் கட்சியில்
இணைந்துவிடுகிறேன்” என்று சீமான் கூற அப்போது
அருணணுக்கும் சீமானுக்கும் கடும் வாக்குவாதம் ஏற்பட்டது.
-
ஒரு கட்டத்தில் ஆத்திரமடைந்த சீமான்,
“ஏய், சும்மா லூசு மாதிரி பேசிக்கிட்டு இருக்காதய்யா” என
அநாகரிகமான முறையில் பேசினார்.
-
தொலைக்காட்சி விவாதங்கள் இப்போதைக்கு லூசு என்ற
வார்த்தையில் முடிந்திருக்கிறது.
-
-------------
விகடன்

**T.N.Balasubramanian** · **T.N.Balasubramanian** Fri 4 Mar 2016 - 16:04

உண்மை சொருபம் வெளிப்படுகிறது
சிலருக்கு நடிக்கத் தெரியாது .
அரசியலில் , TV யில் /செய்தியாளர்களிடம் பேசுவதில் ,
மனதில் ஆயிரம் காழ்ப்புணர்ச்சி இருந்தாலும் ,
அதை மறைத்துக் கொண்டு பேசுவதில்தான் ,
ஒரு தேர்ந்தெடுத்த வல்லமை வெளிப்படும் .
அது சிலரின் சொத்து .

ரமணியன்