எது தானம்? எது தர்மம்?

by **krishnaamma** Tue Mar 01, 2016 7:46 pm

மகாபாரதத்தில் உடலைப் பிரிந்த கர்ணனின் உயிரானது தன் தந்தை சூரிய தேவனுடன் பரம்பொருள் ஈசனை வணங்கி மகிழ்ந்து சுவர்க்க பேறு பெற்றது.
சூரிய தேவனுக்கோ மனதில் மிகப் பெரிய ஐயம் கலந்த வேதனை. எவரிடம் கேட்பது.? எவர் தெளிவாகக் கூறுவார்கள் ? குழப்பத்திலும் கோபத்திலும் சூரியனின் வெம்மை அதிகரித்தது.

இதை உணர்ந்த ஈசன், அவர் முன் எழுந்தருளினார். சூரியனே, என்ன தடுமாற்றம் உன் மனதில் ? என ஈசன் கேட்க,
பரம்பொருளே! இல்லை என கூறாமல் சகல விதமான தான தருமங்களையும் செய்து புண்ணியங்களை சேர்த்து வைத்த என் மகன் கர்ணனை போரில் கொன்றது விதி என்று ஏற்றுக் கொண்டேன். ஆனால், எல்லா புண்ணியங்களையும் கிருஷ்ணருக்கு தானமாகத் தந்தபடியால் அவன் இன்னும் மிகப் பெரிய புண்ணியவான் ஆகிவிடுகிறானே. பிறகு எப்படி அவனுக்கு மரணம் ஏற்பட்டது? இது அநீதி அல்லவா? என கேட்டார் சூரியத் தேவன்.

சிரித்துக்கொண்டே ஈசன், சூரியனே, நிறைய மனிதர்களுக்குள் ஏற்படும் சலனமே உன்னை இந்தக் கேள்வியை எழுப்ப வைத்ததுள்ளது, சொல்கிறேன் கேள்.
தானம் என்பது பிறருக்குத் தேவையானவற்றை அவர் கேட்டோ, அடுத்தவர் அவர் நிலை கூறி அறிந்தபின்னோ தருவது. இதுதான் தானம். புண்ணியக் கணக்கில் சேராது. ஏனெனில், இல்லாதவர் மற்றும் இயலாதவர் கேட்டபின் கொடையளிப்பது ஒரு மன்னனின் கடமை. ஒவ்வொரு மனிதனின் கடமையும் கூட.

ஆனால், தர்மம் என்பது எவரும் கேட்காமல் அவரே அறியாமல் அவர் நிலை அறிந்து கொடுப்பது. இதுதான் புண்ணியம் தரும். பசித்திருக்கும் ஒருவர் கேட்டபின் ஏதாவது தருவது தானம். அவர் கேட்காமலேயே அவர் பசியாற்றுவது தர்மம்.

கர்ணன் தர்மங்கள் செய்து புண்ணியங்களை ஈட்டியவன்தான். ஆனால், மொத்த புண்ணியத்தையும் கிருஷ்ணர் தானமாகக் கேட்டுத்தான் வாங்கினாரே தவிர தர்மமாகப் பெறவில்லை. எல்லா புண்ணியங்களையும் தானமாகத் தாரை வார்த்து தந்த பிறகு கர்ணனும் ஒரு சாதாரண மனிதனானான். அதனாலேயே மரணம் அவனை எளிதாய் நெருங்கியது. புரிந்ததா ?

இதைக்கேட்ட சூரிய தேவன் " இறைவா! நன்கு புரிந்தது! தானமும் , தர்மமும் , பாவமும் , புண்ணியமும் எல்லாமும் நீயே என்பதை உணர்ந்தேன்!"

ஈசன் சொன்ன விளக்கம் சூரிய தேவனுக்கு மட்டுமல்ல நமக்கும் நன்றாக புரிந்திருக்கும்!

கேட்டு கொடுப்பது தானம்!
கேட்காமல் கொடுப்பது தான் தர்மம்!

நன்றி : ஸ்வஸ்திக் டிவி

by **ayyasamy ram** Tue Mar 01, 2016 8:57 pm

கேட்டு கொடுப்பது தானம்!
கேட்காமல் கொடுப்பது தான் தர்மம்!
-
எது தானம்? எது தர்மம்? 103459460

by **krishnaamma** Wed Mar 02, 2016 12:22 am

நன்றி ராம் அண்ணா புன்னகை

by **ராஜா** Wed Mar 02, 2016 1:50 pm

எனக்கென்னவோ இது சரியாக இருக்குமென்று தெரியவில்லை.

கர்ணன் தனது உதிரத்தை வழித்து கண்ணனுக்கு தாரை வார்க்கும் போது , "இது வரை செய்த , செய்யபோகும் புண்ணியங்கள் அனைத்தும் உன்னை சேரும்." என்று சொல்வதாக எங்கோ படித்த ஞாபகம்.

இப்பல்லாம் முகநூல்களிலும் , சமூக ஊடகங்களிலும் தனக்கு தெரிந்ததை உண்மையா என்று பார்க்காமல் அப்படியே பதிவேற்றி விடுகின்றனர். காலப்போக்கில் இது தான் உண்மையோ என்று நினைக்கும் படி ஆகிவிடுகிறது. நான் இந்த பதிவை சொல்லவில்லை... பல முகநூல் பதிவுகள் அப்படி தான் இருக்கிறது

by **T.N.Balasubramanian** Fri Mar 04, 2016 3:26 pm

கேட்டு கொடுப்பது தானம்!
கேட்காமல் கொடுப்பது தான் தர்மம்!

ரமணியன்

by சசி Fri Mar 04, 2016 3:34 pm

எது எப்படியிருந்தாலும் கேட்டுக் கொடுப்பது தானம்!
கேட்காமல் கொடுப்பது தர்மம்!
அருமையான பகிர்வு அம்மா..

by gmvkriskumar Sat Mar 05, 2016 3:18 pm

சூரியனுக்கு இருந்த அதே சந்தேகம் எனக்கும் இருந்தது...

by **krishnaamma** Mon Mar 07, 2016 11:32 am

ராஜா wrote:எனக்கென்னவோ இது சரியாக இருக்குமென்று தெரியவில்லை.

கர்ணன் தனது உதிரத்தை வழித்து கண்ணனுக்கு தாரை வார்க்கும் போது , "இது வரை செய்த , செய்யபோகும் புண்ணியங்கள் அனைத்தும் உன்னை சேரும்." என்று சொல்வதாக எங்கோ படித்த ஞாபகம்.

இப்பல்லாம் முகநூல்களிலும் , சமூக ஊடகங்களிலும் தனக்கு தெரிந்ததை உண்மையா என்று பார்க்காமல் அப்படியே பதிவேற்றி விடுகின்றனர். காலப்போக்கில் இது தான் உண்மையோ என்று நினைக்கும் படி ஆகிவிடுகிறது. நான் இந்த பதிவை சொல்லவில்லை... பல முகநூல் பதிவுகள் அப்படி தான் இருக்கிறது

நீங்கள் சொல்வது சரியாக இருக்கலாம் ராஜா புன்னகை