ராமானுஜருக்கு ரூ 3.36 கோடியில் மணிமண்டபம்

**ayyasamy ram** · **ayyasamy ram** Wed Mar 02, 2016 1:06 am

ராமானுஜரின் ஆயிரமாவது ஆண்டு விழா அடுத்த வருடம்
கொண்டாடப்பட உள்ள நிலையில், தமிழக சுற்றுலாத்துறை
சார்பாக ரூ 3.36 கோடியில் ராமானுஜருக்கு மணிமண்டபம்
ஸ்ரீபெரும்புதூர் பகுதியில் கட்டப்பட உள்ளது.

ராமானுஜரின் 1000மவது ஆண்டு விழா 2017-ஆம் ஆண்டு
கொண்டாடப்பட உள்ளது. இதற்காக ஸ்ரீபெரும்புதூர் பேருந்து
நிலையம் அருகே உள்ள ஸ்ரீ ஆதிகேஷவ பெருமாள் மற்றும்
ஸ்ரீ பாஷ்யகார சுவாமி திருக்கோயிலுக்கு சொந்தமான
சுமார் 2.77 சென்ட் பரப்பளவு உள்ள இடத்தில் தமிழக
சுற்றுலாத்துறை சார்பாக ரூ 3.36 கோடி மதிப்பீட்டில்
ஸ்ரீராமானுஜருக்கு மணிமண்டபம் கட்டப்பட உள்ளது.

மேலும் சுற்றுலாத்துறை சார்பாக ஸ்ரீபெரும்புதூர் ராமானுஜர்
ஆலையத்தில் ரூ 40 லட்சம் மதிப்பீட்டில் அவதாரஸ்தலமும்,
திருக்கோயிலுக்கு முன்பு ரூ 68 லட்சம் மதிப்பீட்டில் தரைத்தளம்,
ரூ 25 லட்சம் மதிப்பீட்டில் உயர் கோபுர மின்விளக்கு மற்றும்
குடிநீர் மேல்நிலை நீர்தேக்க தொட்டிகள் அமைக்கவும்,
அதே போல் ரூ 83 லட்சத்தில் அன்னதான கூடம் மற்றும் பக்தர்கள்
ஓய்வுக்கூடம் ஆகியவற்றை அமைக்கவும் பணிகள் நடைபெற்று
வருவதாக ஸ்ரீபெரும்புதூர் ஆதிகேஷபெருமாள் மற்றும்
பாஷ்யகார சுவாமி திருக்கோயில் அலுவலர்கள் தெரிவித்துள்ளனர்.
-
----------------------------
தினமணி