வேண்டாதபோது வேண்டியவை

by ச. சந்திரசேகரன் Tue Mar 01, 2016 2:35 am

First topic message reminder :

வேண்டாதபோது வேண்டியவை

தாகம் வரும்முன்னே
தண்ணீர்க்கிணறு தோண்டுவோம்,
தாகம் வரும்போது
தண்ணீருக்காய் தவியோம்.

சோகம் வரும்முன்னே
சொந்தங்களை சேர்ப்போம்,
சோகம் வரும்போது
சொந்தங்களுக்காய் சோரோம்.

ரோகம் வரும்முன்னே
ரூபமதை காப்போம்
ரோகம் வரும்போது
ராகம்பாடி நில்லோம்

தேகம் தளரும்முன்னே
தேவைகளை தேடுவோம்,
தேகம் தளரும்போது
தேவைநாடி ஓடோம்

வேகம் உள்ளபோதே
வேண்டுவன பெறுவோம்
வேகம் வற்றும்போது
வேண்டி வாடி நில்லோம்

நாகம் வரும்முன்னே
நல்லமகுடி கற்போம்
நாகம் வரும்போது
நாடியொடுங்கி நில்லோம்

லோகம் நீங்கும்முன்னே
லௌகீக சாஸ்திரம் கற்போம்
லோகம் நீங்கும்போது
இலாபமின்றி நில்லோம்
ச.சந்திரசேகரன்

by **krishnaamma** Tue Mar 01, 2016 11:23 pm

ச. சந்திரசேகரன் wrote:
M.Jagadeesan wrote:தண்ணீர்க் கிணறு எதற்கையா ?
...தண்ணி கடையில் விற்கையிலே !
கண்ணீர் வந்து சேருமையா
...காசுக்கு அலையும் சொந்தங்களால் !
மேற்கோள் செய்த பதிவு: 1195929
சட்டியில் இருந்தால்தான் அகப்பையில் வரும் ஐயா
காசுக்கு அலைவதல்ல சொந்தம், மாறாக பாசத்துக்கு அலைவதுதான் சொந்தம் ஐயா.

நன்றி நன்றி நன்றி

ம்ம்.. கேட்க நல்லாத்தான் இருக்கு சந்திரா , இந்தக்காலத்தில் தாய்ப்பாலிலும் கலப்படம் வந்து விட்டதே.என்ன செய்வது ? சோகம்