எதிர்க்கட்சித் தலைவர் பதவியை இழந்தார் விஜயகாந்த்

**ayyasamy ram** · **ayyasamy ram** Sun Feb 21, 2016 10:17 pm

கடந்த தேர்தலின்போது 28 இடங்களில் தேமுதிக வெற்றி
பெற்றது. கட்சித் தலைவர் விஜயகாந்த் எதிர்க்கட்சித்
தலைவர் ஆனார்.

இந்த நிலையில், தேமுதிகவைச் சேர்ந்த 8 எம்.எல்.ஏக்கள்
தங்களது பதவியை ராஜிநாமா செய்ததைத் தொடர்ந்து,
தேமுதிக எம்.எல்.ஏக்களின் எண்ணிக்கை 20 ஆகக்
குறைந்தது.

இதனால், பேரவை விதிப்படி, எதிர்க்கட்சித் தலைவராக
அங்கீகரிப்பதற்குரிய தகுதியை விஜயகாந்த் இழந்துள்ளார்.
எனவே, அவர் எதிர்க்கட்சித் தலைவர் என்ற அங்கீகாரத்தையும்,
சலுகைகளையும் இழக்கிறார்.
-
--------------------------

**ayyasamy ram** · **ayyasamy ram** Sun Feb 21, 2016 10:24 pm

பதவியை ராஜிநாமா செய்த தேமுதிக எம்.எல்.ஏ-க்கள்
-
மு.அருண் சுப்பிரமணியன் (திருத்தணி),
செ.அருண்பாண்டியன் (பேராவூரணி),
ஆர்.சாந்தி (சேந்தமங்கலம்),
ஆர்.சுந்தரராஜன் (மதுரை மத்திய தொகுதி),
டி.சுரேஷ்குமார் (செங்கம்), க.தமிழழகன் (திட்டக்குடி),
க.பாண்டியராஜன் (விருதுநகர்),
சி.மைக்கேல் ராயப்பன் (ராதாபுரம்)
-
---------
பாமக-வைச் சேர்ந்த அணைக்கட்டு தொகுதி எம்.எல்.ஏ. கலையரசு,
புதிய தமிழகம் கட்சியைச் சேர்ந்த நிலக்கோட்டை தொகுதி எம்.எல்.ஏ. ராமசாமி
ஆகியோரும் தங்களது பதவியை ராஜிநாமா செய்வதாக, பேரவைத் தலைவரிடம்
கடிதம் அளித்தனர். அவர்களின் கடிதத்தை பேரவைத் தலைவர் ஏற்றுக்கொண்டார்.
-
கலையரசுவின் ராஜிநாமாவைத் தொடர்ந்து, பாமகவுக்கு பேரவையில்
உறுப்பினர்கள் பலம் இரண்டாகவும், புதிய தமிழகம் கட்சியின் பலம்
ஒன்றாகவும் குறைந்துள்ளது.
-
--------------

**ayyasamy ram** · **ayyasamy ram** Sun Feb 21, 2016 10:28 pm

ராஜிநாமா உறுப்பினர்களுக்கு என்னென்ன கிடைக்கும்?
-
பேரவை உறுப்பினர் பதவியில் இருந்து ராஜிநாமா செய்த, 10 உறுப்பினர்களுக்கும் சம்பளம்-படிகள் இனி வழங்கப்பட மாட்டாது. அவர்களுக்கான அறைகள், தொகுதியில் உள்ள அலுவலகங்கள் பூட்டப்படும்.
-
அதேசமயம், அவர்கள் ஓய்வூதியம் பெறத் தகுதி படைத்தவர்கள் என்று சட்டப் பேரவைச் செயலக அதிகாரிகள் தெரிவித்தனர். சட்டப் பேரவை உறுப்பினருக்கு சம்பளம், படிகள் என மாதத்துக்கு ரூ.55 ஆயிரம் வரை வழங்கப்படுகிறது.
-
அதில், சம்பளம் ரூ.8 ஆயிரமும், ஈட்டுப்படி ரூ.7 ஆயிரமும், தொலைபேசிப்படி ரூ.5 ஆயிரமும், தொகுதிப்படி ரூ.10 ஆயிரமும், அஞ்சல்படி, தொகுப்புப்படி தலா ரூ.2,500-ம், வாகனப்படி ரூ.20 ஆயிரமும் அடங்கும்.
-
மேலும், சென்னையில் உறுப்பினர் விடுதியில் தனி அறை, நூலகம், மருத்துவ வசதி போன்றவையும் அளிக்கப்படுகின்றன. இந்த வசதிகள் ராஜிநாமா செய்த உறுப்பினர்களுக்கு இனி வழங்கப்பட மாட்டாது.
-
அதேசமயம், ராஜிநாமா ஏற்கப்பட்டதால் அனைவரும் முன்னாள் உறுப்பினர் ஆகியுள்ளனர். முன்னாள் உறுப்பினருக்கு மாத ஓய்வூதியமாக ரூ.12 ஆயிரம் அளிக்கப்படுகிறது. மேலும், ஒவ்வொரு நிதியாண்டும் மருத்துவப் படியாக ரூ.12 ஆயிரமும், தமிழகம் முழுவதும் ஒரு துணைவருடன் எங்கு வேண்டுமானாலும் பேருந்தில் பயணம் செய்யும் சலுகையும் வழங்கப்படுகிறது.
-
இந்தச் சலுகைகள் 10 உறுப்பினர்களுக்கும் அளிக்கப்படும் என சட்டப் பேரவைச் செயலக அதிகாரிகள் தெரிவித்தனர்.
-
தினமணி

**T.N.Balasubramanian** · **T.N.Balasubramanian** Mon Feb 22, 2016 12:13 am

தமிழ் நாட்டின் அநாகரிக அரசியல் கலாச்சாரம் .

வேறொரு கட்சிக்கு ஆட்சிக்கு வந்தால் , எதிர் கட்சி தலைகள் ,
ஜெயித்து இருந்தாலும் , அவைக்கு வரமாட்டார்கள் . கையொப்பமிட்டு விட்டு ,
சம்பளம் ,படிகள் வாங்கிக்கொண்டு , வந்த படி வழியே சென்று விடுவர் .

எதிர்கட்சி தலைமை பட்டம் வைத்துக் கொண்டு ,
சலுகைகள் மட்டுமே அனுபவிக்கும் அவலப் பிறவிகள் .

மக்களுக்கும் அவரை தேர்ந்து எடுத்தவர்களுக்கும் செய்கின்ற அநீதி .

சபை இனி கூடாது ,அடுத்து தேர்தல் முடிவு வரும் வரை .
முக்கியம் ஒன்றுமில்லை -எ .க த .சலுகை இழப்பைத் தவிர .

அரசியல் கேலிக் கூத்துக்கள் .

ரமணியன்

Sponsored content · Sponsored content

எதிர்க்கட்சித் தலைவர் பதவியை இழந்தார் விஜயகாந்த்

எதிர்க்கட்சித் தலைவர் பதவியை இழந்தார் விஜயகாந்த்

Re: எதிர்க்கட்சித் தலைவர் பதவியை இழந்தார் விஜயகாந்த்

Re: எதிர்க்கட்சித் தலைவர் பதவியை இழந்தார் விஜயகாந்த்

Re: எதிர்க்கட்சித் தலைவர் பதவியை இழந்தார் விஜயகாந்த்

Re: எதிர்க்கட்சித் தலைவர் பதவியை இழந்தார் விஜயகாந்த்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக