சிலந்திப் பெண்கள்.

**ஜாஹீதாபானு** · **ஜாஹீதாபானு** Thu 3 Mar 2016 - 15:25

சிலந்திப் பெண்கள்...
------------------------------
நீண்ட நேரமாய் அந்த சிலந்தி வலையை வேடிக்கை பார்த்தபடி அமர்ந்திருந்தாள் ஸ்வேதா...! மனது இன்றைய நினைவுகளை அசை போட தொடங்கியது. எவ்வளவு அவசமாக காலை வேலைக்கு கிளம்ப வேண்டி இருக்கிறது! சாப்பாடு பிள்ளை பராமரிப்பு எல்லாம் அரைகுறைதான்!

எப்படியாவது இந்த வருடம் வீட்டு கடன் முடிந்து விட்டால் அவரின் வருமானத்தில் ஓட்டி விடலாம்! இந்த வேலைக்கு ஒரு முழுக்கு போட்டுவிட்டு என் செல்லம் தாரிணியை நன்றாக பார்த்து கொள்வேன் என்று நினைத்து கொண்டாள்! அந்த நாளை நினைக்கும் போதே மனது துள்ளுவது போல் உணர்வு மேலோங்கியது!

"இந்த சுரேஷ்க்கு எவ்வளவு திமிரு...! காலையில் வண்டி வருவதற்கு முன் நமக்கு மெசேஜ் பண்றானே என்று கொஞ்சம் அவன் மெசேஜ்க்கு பதில் சொன்னால் குட் மார்னிங்கில் ஆரம்பித்து நான் கட்டும் சேலை வரை விசாரிக்கிறான்! ராஸ்கல்...! கேட்டா என் தோழி மேட்ச் பண்றேன்னு பதில் வேற! நான் எப்படி பட்ட ஆளு சிரித்து கொண்டே போட்டேன் மெசேஜ் "ஹஹஹா முதலில் உங்க மனைவி கட்டும் சேலைக்கு மேட்ச்சா டிரஸ் பண்ணுங்க" என்று..! கடுப்பாகி இருப்பான் ...பயபுள்ள...!"

இவங்க என்னத்தான் நினைக்கிறாங்க அவங்க மனசில். இந்த பாஸ் என்னடான எப்பபாரு கூப்பிட்டு கூப்பிட்டு தேவையே இல்லாம பேசி வறுத்து எடுக்கிறார்! இவர் கூடவே உட்கார்ந்து கிட்டு இருந்தா எப்படித்தான் வேலையை முடிக்கிறது! அப்பறம் வேலை முடியலைன்னு வீட்டுக்கு தினமும் லேட்டா அனுப்புறது!

அவர் மனைவி வெள்ளி கிழமை வருவாங்க இல்லையா! அப்ப காட்டுறேன் நான் யார் என்று" கோர்த்து விட்டு
வேடிக்கை பார்க்கணும்!

யோசிப்படி மலைத்து நின்றவளை "செல்லம்....தூங்க போகலையா....! என்னடா அந்த சிலந்தி வலையை அப்படி பார்த்துகிட்டு இருக்க...!" என்று அவள் கணவன் வந்து அருகில் அமர்ந்தான்!

" ஒன்னும் இல்லைங்க அந்த சிலந்தி பாருங்க...! வலையை உள்ளே இருந்து கொண்டே எவ்வளவு நேரமா பின்னி அதில் மாட்டி கொள்ளாமல் வெளியில் வருது! தன் இரையை அங்கே லாவகமாக எடுத்து சென்று சாப்பிடுது! கிட்டத்தட்ட நாமும் இப்படிதான் பிரச்சனை நாமே உருவாக்கி கொண்டு வெளியில் வர பார்க்கிறோம்! அந்த பிரச்னையை அனுபவித்தால்தான் இரை என்ற பலன் கிடைக்கிறது இல்லையா...!" என்றவளை விநோதமாக பார்த்தான்

பிரியா வெங்கடேஷ்...!

நன்றி முகநூல்

**மதுமிதா** · **மதுமிதா** Fri 4 Mar 2016 - 1:55

நல்ல கதை பானுக்கா...
உழைப்பின்றி ஊதியம் இல்லை.

இந்த பதிவைத் துவங்கியவர் நன்றி கூறியுள்ளார் மதுமிதா

**krishnaamma** · **krishnaamma** Fri 4 Mar 2016 - 3:01

நல்ல கதை பானு புன்னகை

......

**ஜாஹீதாபானு** · **ஜாஹீதாபானு** Fri 4 Mar 2016 - 16:07

மதுமிதா wrote:நல்ல கதை பானுக்கா...
உழைப்பின்றி ஊதியம் இல்லை.

மேற்கோள் செய்த பதிவு: 1196400

நன்றி மது

**ஜாஹீதாபானு** · **ஜாஹீதாபானு** Fri 4 Mar 2016 - 16:08

krishnaamma wrote:நல்ல கதை பானு ......

மேற்கோள் செய்த பதிவு: 1196406

நன்றிமா.

சசி · சசி Fri 4 Mar 2016 - 17:21

ஆண்களுக்கு சரியான சமயத்தில் நேரம் வரும் போது நல்லவிதமாக புத்தி புகட்டிடனும். அப்ப அப்ப தேள் மாதிரி கொட்டினாதான் சிலந்தி மாதிரி சிக்காமல் வெளியே வரமுடியும் தோழியே.