என் அப்பா

First topic message reminder :

அப்பா
என் அப்பா,
காலம் உங்களை
நன்றாக வழி நடத்தியதா
இல்லை வலியே வாழ்க்கையா?
என்றெல்லாம் இப்போது
யோசிக்க விரும்பவில்லை!!

இருந்தீர்கள் - ஒரே
மகனாய் பிறந்து
இளவரசன் போல இருந்தீர்கள்!!

கூடா நட்பு கேடாய் முடியும்
என்ற சொல்லுக்கு
உங்களை விட உதாரணம்
எனக்கு தேவையில்லை!!

அப்பா, அம்மா, பாட்டியெல்லாம்
ராஜா போல வளர்த்து வந்தாலும்,
உங்களுக்குள் ஒரு மிருகம்
எப்படி வந்ததென நானறியேன்,
ஒரு வேளை உங்கள் தகப்பன்
அப்படி இருந்திருப்பாரோ !!

ஏன் அப்படி நினைதேன் என்றால்
பாட்டனுடன் நான் வாழவில்லை,
நான் பிறக்கும் முன்னரே
என் பாட்டன் மண்ணைப் பார்த்து விட்டார்!!

இருப்பினும் அப்பா
எனக்கு ஒரு ஆச்சரியம்!!!!
ஊரையே மிரள வைத்த
ஒரு நபர் நீவீர் - எப்படி
பயந்தீர் சாதாரண
ரத்தக் கொதிப்பிற்கு !!

மகனும், மகளும்
நன்றாகத்தானே இருக்கிறோம்
பொருளாதார ரீதியாய்,
பின் ஏன் மனதிற்குள் போராட்டம்
இறுதி கட்டத்தில்!!

எது எப்படியோ அப்பா,
ஆரம்பத்தில் பிடிக்காது உங்களை,
இறுதியில் மிக மிக பிடித்தது,
ஏன் தெரியுமா?
செய்த தவறுக்கு வருந்திநீரே அதனால்!!

ஒவ்வொரு மனிதனுக்கும்
வாழ்வில் மறக்க முடியாதா நாள்
சில மனதில் மனப்பாடமாய் இருக்கும்,
ஜனவரி 25-ம் எனக்கு அப்படியே
மனப்பாடம் ஆகிவிட்டது!!

யாரிடமும் சொல்லாமல்
நீங்கள் சென்ற இறுதி யாத்திரை
எப்படி அப்பா மறக்க முடியம்
அந்த நாளை!!

ஆவிகளை அழைத்துப் பேச முடியுமாம்
அதை நான் நம்பவில்லை - ஆயினும்
அது உண்மை என்றால் நான்
இரண்டு கேள்விகள் கேட்க வேண்டும்!!

தில்லான மனிதனுக்கும்
இறுதிக் கட்டத்தில் பயம் வருமா?
வயதானால் தன்னம்பிக்கை
போய்விடுமா?

நீங்கள் இறந்த பின்
உங்களைப் பார்த்து நான்
கற்றுக் கொண்ட விசயம்
ஒன்று உண்டு அப்பா,
எந்த சூழ்நிலையிலும்
மனம் தளர கூடாது என்றுதான் !!

சரி அப்பா,
ஆன்மா உலா வரும் என்பது உண்மையானால்
தினம் தினம் நம் வீட்டுப் பக்கம் வாருங்கள்
என் மகளையும், மகனையும் பார்க்க!!


யாரும் இருக்கும் வரை
மதிப்பு தெரிவதில்லை
இறந்த பின்பு
வருந்தி பயனில்லை

M.M.SENTHIL wrote:

krishnaamma wrote:உங்கள் உணர்வுகளை ரொம்ப இயற்கையாக வடித்து இருக்கீங்க செந்தில்....................அப்பா மேல் இருந்த பாசம் கவிதையாய் வந்து விட்டது!................... அவர் ஆத்மா சாந்தியடைய வேண்டுகிறேன் !
.
.
.
என்னுடைய 44000வது பதிவு இது !

மேற்கோள் செய்த பதிவு: 1194950

மிக்க நன்றி அம்மா
பாசம் இறுதியில் வந்து விட்டது,... தான் செய்த தவறுகளை எண்ணி அவர் வருந்திய போதே அவர் மேல் மரியாதை வந்துவிட்டது.

ஆனாலும் இன்னும் கொஞ்ச நாள் என்னுடன் இருந்திருக்கலாம்....

பதிவுகளுக்கு வாழ்த்துக்கள் அம்மா

மனம் தேறுங்கள்  செந்தில்....  எத்தனை நாள் இருந்தாலும் நம்மால் அவர்களை வழியனுப்ப இயலாது  ! .............தான் போகும் முன் தன் மீதான மதிப்பை அவர் உயத்திக் கொண்டார் பாருங்கள் அது ரொம்ப அசாத்தியமான காரியமாச்சே !
.
.
.
உங்கள் வாழ்த்துகளுக்கு நன்றி செந்தில் !.....................

T.N.Balasubramanian wrote:சமீபத்தில் தான் மறைந்தார் என்பது அறியாது ,
நினைவாஞ்சலி என்றே எண்ணி ,
அசத்திய அஞ்சலி என்று பதிவிட்டு இருந்தேன் .
எந்தன் ஆழ்ந்த அனுதாபங்கள் ,செந்தில் .
ஈடு செய்ய முடியாத ஒன்று என்பதுதான் உண்மை .
எப்போது நடந்தது இந்த துக்க சம்பவம் ?

ரமணியன்  

மேற்கோள் செய்த பதிவு: 1195139

ஒவ்வொரு மனிதனுக்கும்
வாழ்வில் மறக்க முடியாதா நாள்
சில மனதில் மனப்பாடமாய் இருக்கும்,
ஜனவரி 25-ம் எனக்கு அப்படியே
மனப்பாடம் ஆகிவிட்டது!!

ஜனவரி 25 ஐயா, எனக்கும் பிறகு தான் தெரிந்தது ....அதனால் தான் இங்கு ஒரு தனி திரி துவங்கலை ஐயா !

அப்பாக்கள் என்றும் நல்லவரே. செத்தாதான் செரியும் >>>>>>>>>>>>>>>>என்று ஓர் பழமொழியும் உள்ளதே.அப்பா அருமை என்பது >>>நிழலின் அருமை வெய்யிலில் தெரிவது போல்>>>>>>>>>>>இந்த காலத்தில் மு.இ.

ஒவ்வொரு வரியும் இதயத்தின் ஆழத்தில் இருந்து வந்தவை என்று தெரிகிறது செந்தில்.

கலியுகத்தில் எல்லோருக்கும் மரணபயம் வரும் என்று சொல்லுவார்கள். எந்த அளவிற்கு உண்மை என்று தெரியவில்லை.

உணர்வின் வலியை சொல்லும் பதிவு ..

உங்கள் அப்பாவின் ஆன்மா சாந்தி அடைய எல்லாம் வல்ல இறைவனை வேண்டுகின்றேன்

இறந்த பிறகு மனிதனின் ஆன்மா எங்கு செல்லும் என்பது குறித்து பலவித எண்ணங்கள் உலவுகின்றன. அது சாந்தி அடையுமா, ஆவியாய் அலையுமா, பேய் பிடித்து திரியுமா, சொர்க்கம் அல்லது நரகம் செல்லுமா போன்றவை உயிர் உள்ளவர் மனதில் எழும்.
திருமூலர் என்ன சொல்லுகிறார் என்று பார்க்கலாம்.
பறக்கின்ற ஒன்று பயனுற வேண்டின்
இறக்கின்ற காலத்தும் ஈசனை உள்கும்
சிறப்பொடு சேரும் சிவகதி பின்னைப்
பிறப்பொன்று இல்லாமையும் பேருல காமே--திருமந்திரம்----2084