சேர்ந்தே சிரிப்போம்! மகிழ்ச்சியைப் பரப்புவோம்! –

**ayyasamy ram** · **ayyasamy ram** Thu Feb 18, 2016 9:20 pm

* பொய் ஆடம்பரமான உடை அணிந்து கொண்டு வரும்.
ஆனால் உண்மைக்கு எளிமையான உடையே பிடிக்கும்!

* உன்னை நீயே கிண்டல் செய்து கொள்ள முடிகிறதா?
அப்படியென்றால் நீ சந்தோஷமாய் வாழ்கிறாய் என்று அர்த்தம்!

* வாழ்க்கைப் பாதை முட்கள் நிறைந்தது. நீ செருப்புப் போட்டுக்
கொண்டு நடந்தால் புத்திசாலியாகிறாய்.
செருப்புப் போடாமல் நடந்தால் அனுபவசாலியாகிறாய்!

* பிறரது சோகத்தைக் கண்டு சிரித்தால் நீ ஒரு முட்டாள்.
உனது சோகத்தைக் கண்டு நீயே சிரித்தால் நீ மேதை!

* சிறிய தொல்லைகளிலிருந்து தப்பிக்க எளிய வழி…,
பெரிய தொல்லைகளை நினைத்து ஆறுதல் பட்டுக் கொள்வதுதான்!

* காலத்திற்குப் பேசும் சக்தி கிடையாது….., ஆனால் என்ன விந்தை
பாருங்கள்! காலம்தான் எல்லாவற்றிற்கும் பதில் சொல்கிறது!

* உதவி கேட்டு அழுபவன், உதவி செய்பவனை எப்பாடு பட்டாவது
சிரிக்க வைக்க வேண்டும்!

* உன்னைப் பற்றி உனக்குத் தெரியவேண்டுமா?
யாரிடமாவது உதவி கேட்டுப்பார்!

* யாரைப்பற்றியும் உனக்குக் கவலை இல்லையென்றால் உன்னைப்
பற்றியும் உனக்குக் கவலை இல்லை என்று அர்த்தம்!

* தனியாக அழலாம்…! ஆனால் தனியாகச் சிரிக்க முடியாது…,
தவறாக நினைப்பர்! சேர்ந்தே சிரிப்போம்! மகிழ்ச்சியைப் பரப்புவோம்!
–
———————————
அ.கருப்பையா,
(பரிகாசமூட்டும் பழமொழிகளும் பொன் மொழிகளும்–நூலிலிருந்து)