சமர்த்தான பொய்!

**ayyasamy ram** · **ayyasamy ram** Mon Feb 15, 2016 6:12 pm

-
அமெரிக்க அதிபராக இருந்த ஜிம்மி கார்ட்டரின் அன்னை
லிலியன்.

அவரை, ஒரு பெண் நிருபர் சந்தித்து, ""உங்கள் மகன் தேர்தல்
பிரசாரம் செய்தபோது, "நான் பொய்யன் என்று தெரிந்தால்
உங்கள் வாக்கை எனக்கு அளிக்க வேண்டாம்' என்று
சொல்கிறாரே! அவர் பொய்யே சொன்னது இல்லையா?'' என்று
கேட்டார்.
-
அதற்கு கார்ட்டரின் தாய் "எப்போதாவது பொய் சொல்வான்.
ஆனால் மற்றவர்களுக்குக் கெடுதல் இல்லாததாக இருக்கும்''
என்றார்.
-
பெண் நிருபர் "கெடுதல் இல்லாத பொய்யா? நீங்கள் சொல்வது
புரியவில்லையே... கொஞ்சம் விளக்கமாகச் சொல்லுங்கள்'' என்றார்.
-
உடனே அந்த அம்மையார் "அதற்கு எடுத்துக்காட்டு சொல்கிறேன்.
சில நிமிடங்களுக்கு முன்னால் நீ எனது அறைக்குள் வந்தபோது
சொன்னேனே! நினைவிருக்கிறதா? நீ ரொம்பவும் அழகாக
இருக்கிறாய் என்று. அது சாமர்த்தியமான பொய் அல்லவா'' என்று
கூறினார்.-
தன்னைச் சமர்த்தாக மட்டம் தட்டிவிட்டதை எண்ணி அந்தப் பெண்
நிருபர் அசடு வழிந்தார்.
-
-------------------------------------
தினமணி