உரிமை!

by **ayyasamy ram** Mon Feb 15, 2016 6:44 pm

-
விடுதலைப் போராட்டம் தீவிரமாக நடைபெற்று வந்த கால
கட்டத்தில் காந்தியடிகளின் நிர்மாணத் திட்டங்களை
நிறைவேற்றுவதில் தீரர் சத்தியமூர்த்தி தீவிரமாக ஈடுபட்டு வந்தார்.
அதிகாரத்திற்கும் அடக்குமுறைக்கும் அஞ்சாதவர் அவர்.
-
ஆங்கிலேய அரசு அவர்மீது பலமுறை வழக்குகள் தொடுத்தாலும்
நீதிபதியே திணறும்படி வாதாடியவர்.
-
ஒருசமயம் பொது இடத்தில் தேசியக் கொடியை ஏற்றியதாக அவர்
மீது வழக்குத் தொடரப்பட்டது. நீதிபதி, சத்தியமூர்த்தியிடம்
"நீர் பொது இடத்தில் காங்கிரஸ் கொடியை ஏற்றினீரா?‘' என்று
கேட்டார்.
-
"ஆமாம். நான் கொடியேற்றினேன். அது ஒவ்வொரு இந்தியனும்
செய்ய வேண்டிய கடமை. அது எங்கள் உரிமை'' என்றார் சத்தியமூர்த்தி.
-
"அந்தக் குற்றத்திற்காக உமக்குப் பத்து ரூபாய் அபராதம் விதிக்கிறேன்''
என்று நீதிபதி கூறினார். அத் தொகையைத் தொண்டர்கள் கட்ட முன்
வந்தனர். சத்தியமூர்த்தி, அதனைத் தடுத்துவிட்டார்.
-
உடனே நீதிபதி, "நீங்களே கட்டிவிடுங்கள்'' என்றார்.
"கட்ட முடியாது' என்று உறுதியாக மறுத்துவிட்டார் சத்தியமூர்த்தி..
-
வேறு வழி தெரியாத நீதிபதி "சரி... நானே என் சொந்தக் கணக்கில்
கட்டிக் கொள்கிறேன். நீர் போகலாம்'' என்று கூறி அவரை விடுவித்துவிட்டார்.
-
-----------------------------------
-அ.சா. குருசாமி, செவல்குளம்.
-

by **krishnaamma** Mon Feb 15, 2016 7:15 pm

இவர் தானே ராம் அண்ணா புன்னகை

உரிமை! KPrYq6Su11zx08xWvGwF+sathyamoorthy(1)

by **ayyasamy ram** Mon Feb 15, 2016 7:44 pm

krishnaamma wrote:இவர் தானே ராம் அண்ணா

மேற்கோள் செய்த பதிவு: 1193734
-
இவரேதான்...!
-
1939ஆம் ஆண்டு சென்னை மேயராகப் பணியாற்றினார்
இரண்டாம் உலகப்போர் நடைபெற்ற அந்தநேரத்தில்
சென்னையில் கடும் தண்ணீர் பஞ்சம் நிலவியது.
-
இதனைத் தீர்க்க பிரித்தானிய அரசுடன் போராடி பூண்டி
நீர்தேக்கத்திற்கான வரைவு ஒப்புமை பெற்று தமது குறுகிய
ஓராண்டு பணிக்காலத்திலேயே அதன் அடிக்கல்லை
நாட்டினார்.
-
ஆயினும் 1944ஆம் ஆண்டு இந்த நீர்த்தேக்கம் கட்டி
முடிக்கப்பட்டபோது இவர் உயிருடன் இல்லை.
-
இவரது முதன்மை சீடரான காமராஜர் பின்னர் இத்தேக்கத்திற்கு
இவரது பெயரையே வைத்தார்.
-
-----