‘மேக் இன் இந்தியா’ விழா மேடையில் பயங்கர தீ விபத்து

மும்பை,

மும்பை கிர்காவ் கடற்கரையில் ‘மேக் இன் இந்தியா’
வார விழா கலைநிகழ்ச்சி மேடையில் பயங்கர தீ விபத்து ஏற்பட்டது.
இந்த தீ விபத்தில் மராட்டிய கவர்னர், முதல்–மந்திரி, அமிதாப் பச்சன்
உள்பட முக்கிய பிரமுகர்கள் அதிர்ஷ்டவசமாக உயிர் தப்பினார்கள்.
-
‘மேக் இன் இந்தியா’

உலகளாவிய தொழில் முதலீட்டை ஈர்க்கும் வகையில் மராட்டிய அரசு
சார்பில் மும்பையில் ‘மேக் இன் இந்தியா’ வார விழா 6 நாட்கள்
நடைபெறுகிறது. பாந்திரா –குர்லா காம்ப்ளக்ஸ், ஒர்லி, கிர்காவ்
கடற்கரை உள்ளிட்ட இடங்களில் நடைபெறும் விழாவை நேற்று
முன்தினம் பிரதமர் நரேந்திர மோடி தொடங்கி வைத்தார்.
-
தொடக்க விழாவில் பின்லாந்து பிரதமர் ஜூகு சிபிலியா, சுவீடன் பிரதமர்
ஸ்டீபன் லோப்வன், லிதுவேனியா பிரதமர் அல்ஜிர் டாஸ் பட்கெவிசியஸ்
உள்ளிட்டோர் கலந்து கொண்டனர். மேலும் 49 நாடுகளில் இருந்து தொழில்
நிறுவன பிரதிநிதிகள் பங்கேற்றனர்.
-
கலாசார நிகழ்ச்சி
-
2–வது நாள் நிகழ்ச்சியாக
நேற்று மாலை அங்கு மராத்திய கலாசார கலைநிகழ்ச்சிகள் நடந்தன.
மராட்டிய கலாசார கலைநிகழ்ச்சியான ‘லாவனி‘ நடன நிகழ்ச்சி
நடந்து கொண்டிருந்த போது, மேடையில் வண்ண ஒளிக்கீற்றை பாய்ச்சும்
ஒரு விளக்கில் இருந்து புகை கிளம்பியது. அந்த விளக்கு மேடையின் கீழ்
பகுதியில் இருந்தது. இதனால் அதை யாரும் கவனிக்கவில்லை.
-
கடற்கரையோரம் என்பதால் காற்றின் வேகம் காரணமாக அடுத்த
சில நொடிகளில் மேடை முழுவதும் தீ மளமளவென பரவி மேலே
போடப்பட்டிருந்த பந்தலிலும் பற்றியது.
-
சுமார் 2 மணி நேர போராட்டத்திற்கு பிறகு தீ கட்டுக்குள் கொண்டு
வரப்பட்டது.
-
அங்கிருந்து அனைவரும் பத்திரமாக அகற்றப்பட்டனர்
-
தீ விபத்துக்கு சற்று நேரத்துக்கு முன்பு தான் அமிதாப் பச்சனின்
கலை நிகழ்ச்சி அந்த மேடையில் நடைபெற்றது குறிப்பிடத்தக்கது.
-
------------------------------
தினத்தந்தி