சகலமும் அருளும் சப்தமாதர்!

தமிழ்நாட்டில் ஏழு கன்னியரை வழிபடும் வழக்கம்
பல்லவர் காலத்தில் தொடங்கப்பட்டதாகச் சொல்லப்
படுகிறது.

‘சப்தமாதர் வழிபாடு’ எனப்படும் இது சோழர்கள்
காலத்தில் கிராமிய வழிபாடாக புகழ்பெற்றது.
ஊருக்கு வடக்கில் சப்தமாதர் கோயில்களை அவர்கள்
உருவாக்கினர்.
இப்படிப்பட்ட ஆலயம் ஒன்று துறையூருக்கு வடக்கே,
அன்னை நல்ல காவத்தாயம்மன் ஆலயம் என்ற
பெயரில் அமைந்துள்ளது. இந்து அறநிலையத் துறையின்
கீழ் செயல்பட்டு வரும் இந்த ஆலயம் நானூறு வருடங்களை
கடந்து பழமையான ஆலயம்.

வடக்கு நோக்கி அமைந்துள்ள ஆலய முகப்பைக் கடந்ததும்
நீண்ட அறை, அடுத்து மகா மண்டபம், அதன் வலதுபுறம்
விநாயகர், முருகன் அருள்பாலிக்கின்றனர். திருச்சுற்றின்
மேற்குப் பகுதியில் அய்யனார், ராமர், லட்சுமணர், சீதை,
அனுமன் திருமேனிகள் உள்ளன.

அர்த்த மண்டபத்தை அடுத்துள்ள கருவறையில் சப்தமாதர்
வடக்கு திசை நோக்கி வரிசையாக அமர்ந்த நிலையில்
அருள்பாலிக்கின்றனர்.

பலருக்கும் குலதெய்வமாக விளங்கும் இந்த சப்தமாதர் யார்?
–
சண்ட – முண்டரை வதம் செய்யப் புறப்பட்டாள் தேவி.
தேவியின் அழகில் மயங்கிய அவர்கள், அவளை அடைய
நினைத்து பயங்கர ஆயுதங்களுடன் நெருங்கி வர, தேவியின்
முகம் கோபத்தில் சிவந்தது. அன்னையின் நெற்றியில் இருந்து
மகாகாளி வெளிப்பட்டாள்.
–
மகா சக்தியின் அம்சமான தேவியின் முகத்தில் இருந்து
பிராமியும், கைகளில் இருந்து வைஷ்ணவியும், பிருஷ்டத்தில்
இருந்து வாராகியும், தனங்களில் இருந்து இந்திராணியும்
நெற்றியில் இருந்து சாமுண்டியும் தோன்றினர்.
–
தேவியை எதிர்க்க ரக்தபீஜன் என்பவன் வந்தான். அவனை
சப்தமாதர் தாக்கினர். அவன் சிந்திய ரத்தம் முழுவதையும்
சாமுண்டி பருகினாள். அவன் ரத்தம் வற்றியது. ரக்தபீஜ வதம்
முடிவுக்கு வந்தது.
–
சிவபெருமான் சப்தமாதர்களை பாதாள உலகுக்கு அனுப்பி
விடுமாறு பைரவருக்கு கட்டளை இட்டார். சப்தமாதருக்கு
கடும்பசி. எனவே அவர்கள் அங்கு கண்ணில் பட்டதை
எல்லாம் எடுத்து உண்டார்கள். நரசிம்மர் இதைக் கண்டார்.
அவர் சப்தமாதரின் தீய குணங்களை எல்லாம் தான் ஏற்றுக்
கொண்டார். அவர்களை கருணை காட்டும் தெய்வங்களாக
மாற்றினார்.
–
நவராத்திரியின்போது சப்தமாதரை ஏழு நாட்களில் தனித்
தனியே வழிபடுவது வழக்கமாக உள்ளது. அவள் ஆலயங்களில்
நவராத்திரி நாட்கள் மிகச் சிறப்பாகக் கொண்டாடப்படுகிறது.
–
துறையூரில் உள்ள இந்த ஆலயத்தில் அருள்பாலிக்கும்
சப்தமாதரை பிரார்த்திக்க குலமக்கள் உற்றார் உறவினருடன்
அடிக்கடி வந்து கோயிலிலேயே பொங்கலி்ட்டு படைக்கின்றனர்.
அந்நாட்களில் ஆலயம் திருவிழாக்கோலம் பூண்டிருக்கும்.
–
இங்கு வரும் பக்தர்கள் சப்தமாதருக்கு வண்ண வண்ண
உடைகள் அணிவித்தும், தங்கள் வீட்டுப் பெண் பிள்ளைகளுக்கு
ஆடை அணிவித்து, அழகு பார்ப்பதுபோல் பார்ப்பதுண்டு.
பல வண்ண நிற உடைகளில் இந்த சப்தமாதரை தரிசனம்
செய்வத கண்டு கொள்ளாக் காட்சி!
–
குலமக்களை மட்டுமன்றி தன்னை நாடி வரும் அனைவரது
குறைகளையும் களைந்து அவர்களுக்கு சகலமும் தந்து
வளமுடன் வாழ வைப்பதில் இந்த சப்தமாதருக்கு நிகரில்லை
என்பது பக்தர்களின் நம்பிக்கை!
–
எங்கே இருக்கு: துறையூர் பேருந்து நிலையத்திலிருந்து
ஒரு கி.மீ. தொலைவில் பிரதான சாலையிலேயே இந்த ஆலயம்
உள்ளது.
–
தரிசன நேரம்: காலை 6-1; மாலை 6-8
–
———————————-
– ஜெயவண்ணன்
குமுதம் பக்தி