சியாச்சின் பனிச் சரிவில் சிக்கிய ராணுவ வீரர் 6 நாட்களுக்குப் பிறகு உயிருடன் மீட்பு

சியாச்சின் பனிச் சரிவில் சிக்கிய ராணுவ வீரர்களில் ஒருவர் 6 நாட்களுக்குப் பின் உயிருடன் மீட்கப்பட்டுள்ளார்.

இந்திய எல்லையில் உள்ள சியாச்சின் பனிப் பகுதியில் கடந்த 3-ம் தேதி ஏற்பட்ட பனிச் சரிவில் 10 ராணுவ வீரர்கள் சிக்கிக் கொண்டர். அனைவரும் இறந்துவிட்டதாகவே அறிவிக்கப்பட்ட நிலையில் 6 நாட்களுக்குப் பிறகு ஒருவர் உயிருடன் மீட்கப்பட்டுள்ளார். 25 அடி ஆழத்துக்கு கீழ் அவர் புதையுண்டு இருந்த அவரை ராணுவ மீட்புக் குழு மீட்டுள்ளது.

ஏற்கெனவே ஒருவர் சடலமாக மீட்கப்பட்டார். இந்நிலையில் மற்ற வீரர்களை தேடும் பணி அதிதீவிரமாக நடைபெற்று வருகிறது.

இது குறித்து வடக்கு படைப் பிரிவு ராணுவ கமாண்டர் லெப்டிணன்ட் ஜெனரல் டி.எஸ்.ஹூடா கூறும்போது, "லேன்ஸ் நாயக் ஹனமந்தப்பா உயிருடன் மீட்கப்பட்டுள்ளார். அவரது உடல்நிலை மிகவும் கவலைக்கிடமாக இருக்கிறது. இருப்பினும் அவரை ஆர்.ஆர்.மருத்துவமனைக்கு கொண்டு செல்ல முடற்சிகள் நடைபெற்று வருகிறது. ஹனமந்தப்பா உயிருடன் மீட்கப்பட்டது போன்ற அற்புத நிகழ்வு தொடர வேண்டும் என விரும்புகிறேன். எங்களுக்காக பிரார்த்தனை செய்யுங்கள்" என்றார்.

மற்ற வீரர்களை தேடும் பணி குறித்து ராணுவ செய்தி தொடர்பாளர் கூறும்போது, "ராணுவ வீரர்கள் எந்த இடத்தில் புதைந்திருக்கலாம் என சந்தேகம் இருக்கிறதோ அங்கு தீவிரமாக தேடுதல் பணிகள் நடைபெறுகின்றன. சிறப்பு கருவிகள் மூலம் வீரர்கள் புதையுண்ட இடங்களை கண்டறியும் முயற்சி நடைபெற்று வருகிறது. மோப்ப நாய்களும் மீட்புப் பணியில் ஈடுபடுத்தப்பட்டுள்ளன. இங்கு மீண்டும் பனிச் சரிவு ஏற்படுவதற்கான அபாயம் இருக்கிறது. இருந்தாலும் ராடார் கருவிகள் கண்காணிப்பு உதவியுடன் மீட்புப் பணிகளை தொடர்கிறோம்" என்றார்.

தமிழக வீரர்கள் கதி என்ன?

சியாச்சின் பனிப் பகுதியில் மெட்ராஸ் படைப் பிரிவைச் சேர்ந்த வீரர்கள் பாதுகாப்புப் பணியில் ஈடுபட்டுள்ளனர். கடந்த 3-ம் தேதி சியாச்சினில் ஏற்பட்ட பனிச் சரிவில் சிக்கி 10 ராணுவ வீரர்கள் உயிரிழந்ததாக அறிவிக்கப்பட்டது. இவர்களில் 4 பேர் மதுரை, தேனி, திருவண்ணாமலை மற்றும் ஓசூரைச் சேர்ந்தவர்கள் எனத் தகவல் வெளியானது.

இதுகுறித்து தற்போது வரை அரசு மற்றும் ராணுவத்தரப்பில் இருந்து எந்த உறுதியான தகவலையும் தெரிவிக்கவில்லை. அதனால், இவர்களது பெற்றோர், உறவினர்கள் தவித்து வருகின்றனர்.

நன்றி ஹிந்து

அல்லல்படும் ராணுவம்:
---------------------------------
*கடந்த, 1984 முதல், 879 இந்திய ராணுவ வீரர்கள் பலியாகி உள்ளனர்; அவர்களில் 33 பேர் அதிகாரிகள்
*இவர்களில் பெரும்பாலானோர், பனிச்சரிவு, ஆக்சிஜன் பற்றாக்குறை, பனியால் ஏற்படும் நோய் போன்றவற்றால் இறந்துள்ளனர்
-
*சியாச்சின், கடல் மட்டத்திலிருந்து, 18 ஆயிரம் அடி உயரத்தில் இருப்பதால், மனித உடல், தொடர்ச்சியாக பாதிப்புக்கு உள்ளாகிறது
-
*டியூபில் உள்ள பற்பசை, உறைந்து போய் விடுகிறது; பேச்சு குழறல் ஏற்படுகிறது
-
*சுவாசக் கோளாறு, தலைவலி, ரத்த அழுத்தம் உள்ளிட்ட பல்வேறு பிரச்னைகள் உண்டாகின்றன
-
*ஹெலிகாப்டர் மூலமே, வீரர்களுக்கு தேவையான பொருட்கள் எடுத்துச் செல்லப்படுகின்றன
-
தினமலர்

நாம் சுகமாய் வாழ சுக துக்கங்களை தொலைத்து நாட்டிற்கு நல்லது புரியும் வீரர்கள் நலமுடன் திரும்ப பிரார்த்தனை செய்வோம். 
அழகான அமைதியான இடத்தில் 
மயானத்தின் சாயல்....பாகிஸ்தானின் அரசியல் காழ்ப்புணர்ச்சி...

சியாச்சின் பனிச் சரிவில் சிக்கிய ராணுவ வீரர்களில் ஒருவர் 6 நாட்களுக்குப் பின் உயிருடன் மீட்கப்பட்டுள்ளார்.

மறுபிறப்பு வாழ்த்துகள் அவருக்கு

உண்மையான Revenent ஹீரோ இவர் தான்.

வாழ்த்துக்கள் இவரின் மனதைரியத்திற்கு.