குஜராத்தில் அரசு பேருந்துஆற்றில் கவிழ்ந்து விபத்து: பலி எண்ணிக்கை 41 ஆக அதிகரிப்பு

**ayyasamy ram** · **ayyasamy ram** Sat Feb 06, 2016 9:44 pm

குஜராத்தில் அரசு பேருந்து ஆற்றில் கவிழ்ந்து விபத்துக்குள்ளானதில் உயிரிழந்தவர்களின் எண்ணிக்கை 41 ஆக அதிகரித்துள்ளது.

குஜராத் மாநில அரசு பேருந்து 60க்கும் மேற்பட்ட பயணிகளுடன் நவ்சாரி மாவட்டத்தின் நவ்சாரி நகரில் இருந்து நேற்று மாலை (பிப்.5) உகாய் பகுதிக்கு சென்று கொண்டிருந்த அரசு பேருந்து ஒட்டுநர் கட்டுப்பாட்டை இழந்து, 22 அடி ஆழத்தில் உள்ள ஆற்றில் தலைகுப்புற கவிழ்ந்தது.

இந்த கோர விபத்தில் நீரில் மூழ்கியும், இடிபாடுகளுக்குள் சிக்கியும் 20 பயணிகள் சம்பவ இடத்திலேயே பரிதாபமாக உயிரிழந்தனர். ஏராளமானோர் படுகாயமடைந்தனர். அவர்கள் மீட்புக்குழுவினரால் மீட்கப்பட்டு அருகில் உள்ள மருத்துவமனைகளில் சிகிச்சைக்காக சேர்க்கப்பட்டனர். மாவட்ட ஆட்சியர் ரம்யா மோகன் சம்பவ இடத்திற்கு விரைந்து மீட்புப் பணிகளை துரிதப்படுத்தினார்.

இந்த நிலையில் உயிரிழந்தோரின் எண்ணிக்கை 39 -ஐ தாண்டி உள்ளதாக மீட்புக்குழுவினர் தெரிவித்தனர். இந்த விபத்து குறித்து போலீசார் விசாரணை நடத்தி வருகின்றனர். பேருந்துக்குள் பள்ளி மற்றும் கல்லூரிகளில் இருந்து வீடு திரும்பிக்கொண்டிந்த மாணவர்களே அதிகம் இருந்தாக கூறப்படுகிறது.

இந்த நிலையில் மீட்பு பணி இன்று நிறைவந்துள்ள நிலையில், பலி எண்ணிக்கை 41 ஆக அதிகரித்துள்ளதாக காவல்துறை சார்பில் தெரிவிக்கப்பட்டுள்ளது.

விபத்துள்ளான பேருந்தில் மொத்தம் 68 பேர் பயணம் செய்ததாகவும் அவர்களில் 21 பெண்கள், 5 குழந்தைகள், 15 ஆண்கள் என மொத்தம் 41 பேர் உயிரிழந்துள்ளதாக விசாரணை அதிகாரி ஒருவர் கூறினார். மேலும், மீட்கப்பட்ட 27 பேர் 4 மருத்துவமனைகளில் சிகிச்சைக்கான அனுமதிக்கப்பட்டுள்ளதாகவும் அவர் கூறினார்.

இவ்விபத்தில் உயிரிழந்தவர்களின் குடும்பங்களுக்கு தலா 4 லட்சம் ரூபாய் இழப்பீடு வழங்கப்படும் என குஜராத் மாநில அரசு அறிவித்துள்ளது. மேலும், காயமடைந்தவர்களின் சிகிச்சைக்கான செலவை அரசே ஏற்கும் என்றும் தெரிவித்துள்ளது குறிப்பிடத்தக்கது.
-
தினமணி

குஜராத்தில் அரசு பேருந்துஆற்றில் கவிழ்ந்து விபத்து: பலி எண்ணிக்கை 41 ஆக அதிகரிப்பு

குஜராத்தில் அரசு பேருந்துஆற்றில் கவிழ்ந்து விபத்து: பலி எண்ணிக்கை 41 ஆக அதிகரிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக