சோதனையே சாதனை

by ச. சந்திரசேகரன் Wed Feb 03, 2016 11:48 pm

சோதனையே சாதனை

வீழ்ந்திட மறுத்த விதை
விருட்ச மாகாது.
தாழ்ந்திட மறுத்த அம்பு
வான்வெளி செல்லாது

உளிகள் ஊடுருவா கல்லும்
உற்சவத்துக்கு வாராது
வலிகள் தாங்கா வாலிபம்
வாகையதை சூடாது

சோதனை தாங்கா உடலும்
சாதனை புரியாது
போதனை ஏற்கா உள்ளம்
பாதையில் செல்லாது

காதலைக் காணா இதயம்
கவிதைகள் பாடாது
ஈதலை மறுத்த மனமோ
இன்பத்தைக் காணாது
ச.சந்திரசேகரன்

by **krishnaamma** Thu Feb 04, 2016 12:04 am

ரொம்ப நல்லா இருக்கு சந்திரன் புன்னகை

.................. மகிழ்ச்சி

by சசி Thu Feb 04, 2016 8:27 am

நல்ல வரிகள் தோழரே

by **M.Jagadeesan** Thu Feb 04, 2016 8:56 am

கவிதை வழக்கம்போல நன்றாக உள்ளது; ஆனால் கவிதையில் குறிப்பிட்டதுபோல் கற்சிலைகளை உற்சவ மூர்த்தியாக எடுத்துவருவதில்லை !

உற்சவர் என்பது இந்துக் கோவில்களில் உற்சவம் எனப்படும் விழாக் காலங்களில் கோவிலையோ அல்லது கோவிலுக்கு அருகிலுள்ள வீதிகளையோ வலம் வருவதற்காகத் தயாரிக்கப்பட்ட அந்தந்தக் கோயில்களின் இறைவனின் உலோகச் சிலையாகும். பொதுவாக உற்சவர் சிலைகள் செம்பு, ஐம்பொன் அல்லது தங்கத்தில் செய்யப்படுகின்றன.

by **krishnaamma** Thu Feb 04, 2016 10:57 am

M.Jagadeesan wrote:கவிதை வழக்கம்போல நன்றாக உள்ளது; ஆனால் கவிதையில் குறிப்பிட்டதுபோல் கற்சிலைகளை உற்சவ மூர்த்தியாக எடுத்துவருவதில்லை !

உற்சவர் என்பது இந்துக் கோவில்களில் உற்சவம் எனப்படும் விழாக் காலங்களில் கோவிலையோ அல்லது கோவிலுக்கு அருகிலுள்ள வீதிகளையோ வலம் வருவதற்காகத் தயாரிக்கப்பட்ட அந்தந்தக் கோயில்களின் இறைவனின் உலோகச் சிலையாகும். பொதுவாக உற்சவர் சிலைகள் செம்பு, ஐம்பொன் அல்லது தங்கத்தில் செய்யப்படுகின்றன.

மேற்கோள் செய்த பதிவு: 1191889

விதி விலக்கு இருக்கு ஐயா புன்னகை

.....உங்களுக்குத் தெரியாதது இல்லை, 'கல் கருடன்' கேள்விப்பட்டு இருபீங்க ளே , .............அதுதான் 'திருச்சேறை' அங்கு கல் கருடனில் தான் பெருமாளை ஏளப்பண்ணுவா ஐயா புன்னகை

............

முதலில் 4 பேர், அப்புறம் 8 பேர் அப்புறம் 16 பேர், அப்புறம் 32 பேர் அப்புறம் 64 பேர் என்று வீதிக்கு வருவதற்குள் கல் கருடனின் பாரம் அதிகமாகும், அதே போல உள்ளே போகும்போது, மீண்டும் 32, 16, அப்புறம் 8 அப்புறம் 4 பேர் என்று உள்ளே கொண்டு போவார்கள் ஐயா, இன்றும் நிகழும் அற்புதம் இது புன்னகை