பரதத்தில் புதுமை புகுத்திய அபிராமி

by **ayyasamy ram** Tue Feb 02, 2016 5:46 am

-
புதுமைகளைப் புகுத்தி சுறுசுறுப்பும் விறுவிறுப்புமாக சுழன்று ஆடிய ஜி.அபிராமியின் நடனம், சென்னை மயிலாபூர் ஃபைன் ஆர்ட்ஸ் சபாவில், அண்மையில் நடைபெற்றது. இந்நடன நிகழ்ச்சியில் ஜெயந்தி சுந்தர்ராமன் சிறப்பு விருந்தினராகக் கலந்து கொண்டார்.

லக்னோவில் பன்னிரெண்டாம் வகுப்பு படிக்கும் அபிராமி, அலகாபாத்தில் உள்ள பிரயாக் சங்கீத் சமிதி நடத்திவரும் பரதக்கலையின் உயரிய பட்டயப்படிப்பான, ஆறு ஆண்டுகள் நடத்தப்படும் 'விஷாரத்' படிப்பை இந்த இள வயதிலேயே முடித்து உள்ளார். நடனத்தை எட்டு வயதில் கற்கத் தொடங்கிய அவர், லக்னோவில் நடைபெற்ற மகாஉற்சவம், முத்தமிழ் சங்கம், நாராயணா கல்சுரல் மிஷன், கேரள சமாஜம், சிஎஸ்எஸ்ஐஆரின் தேசிய கருத்தரங்கம், லக்னோ ராணுவ மையம் நடத்திய பன்னாட்டு மருத்துவர் கூட்டம் ஆகியவற்றில் நடன நிகழ்ச்சிகளை அளித்துள்ளார்.

லிம்கா சாதனை நிகழ்ச்சி மற்றும் மார்வலஸ் வேர்ல்ட் ரிகார்ட் ஆகியவற்றின் உலகிலேயே மிகப் பெரிய நடன நிகழ்ச்சி என்ற வகையில், நடந்த நிகழ்வில் பங்கு கொண்டு சான்றிதழ் பெற்றுள்ளார் அபிராமி. மேலும் பத்மஸ்ரீ மற்றும் பத்மபூஷண் விருதுகள் பெற்ற, நடனக் கலைஞர் டாக்டர் சரோஜா வைத்தியநாதன், நிகழ்த்திய நடன பட்டறைகளில் பங்கு கொண்டு நடனமாடியுள்ளார் என்பது குறிப்பிடத்தக்கது.
-
தமிழ் தி இந்து காம்

by K.Senthil kumar Tue Feb 02, 2016 8:24 am

பரதத்தில் புதுமை புகுத்திய அபிராமி

பரதத்தில் புதுமை புகுத்திய அபிராமி

Re: பரதத்தில் புதுமை புகுத்திய அபிராமி