அமெரிக்கா உட்பட 25 நாடுகளை அச்சுறுத்தும் ‘ஜிகா’ வைரஸ்: கருத்தரிக்க வேண்டாம் என பெண்களுக்கு எச்சரிக்கை

ஜிகா வைரஸ் பாதிப்பு காரணமாக பிரேசிலின் ரியோ டி ஜெனீரோ நகரில் கொசு மருந்து தெளிக்கும் சுகாதார ஊழியர். படம்: புளூம்பெர்க்
பிரேசில், அமெரிக்கா உட்பட 25 நாடுகளில் ஜிகா வைரஸ் வேக மாகப் பரவி வருகிறது. இந்த வைரஸ் காய்ச்சலை குணப்படுத்த இதுவரை மருந்து கண்டுபிடிக்கப் படாததால் உலக நாடுகள் அச்சமடைந்துள்ளன.

கடந்த ஆண்டு மேற்கு ஆப்பிரிக்க நாடுகளில் எபோலா வைரஸ் பரவியது. இதில் 10 ஆயிரம் பேர் உயிரிழந்தனர். பல்லா யிரக்கணக்கானோர் பாதிக்கப் பட்டனர். அந்த வைரஸ் பாதிப்பு தற்போது குறைந்துள்ளது.

அதற்குள் ஜிகா என்ற புதிய வைரஸ் தென்அமெரிக்கா, வட அமெரிக்கா, கரிபீயன் பகுதிகளில் மிக வேகமாகப் பரவி வருகிறது. இந்த வைரஸ் உலகம் முழுவதும் பரவக்கூடும் என்று அஞ்சப் படுகிறது.

1947-ல் உகாண்டாவில் உள்ள ஜிகா காட்டில் குரங்குகளிடம் இந்த வைரஸ் முதல்முறையாக கண் டறியப்பட்டது. இதனால் வைர ஸுக்கு ஜிகா என்று பெயரிடப் பட்டது. ஆப்பிரிக்காவிலும் ஆசியா வின் சில நாடுகளில் மட்டுமே இந்த வைரஸ் பாதிப்பு இருந்தது.

இந்நிலையில் தென்அமெரிக்க நாடான பிரேசிலில் கடந்த ஆண்டு மே மாதம் ஜிகா வைரஸ் கண்டு பிடிக்கப்பட்டது. டெங்கு காய்ச் சலை பரப்பும் ஏடிஎஸ் கொசுக்களே ஜிகா வைரஸையும் பரப்புகின்றன. உடல் உறவு மூலமும் வைரஸ் தொற்றுகிறது என்று அண்மையில் கண்டுபிடிக்கப்பட்டது.

பிரேசிலில் மட்டும் இதுவரை 15 லட்சம் பேர் பாதிக்கப்பட்டுள்ளனர். இதுதவிர அமெரிக்கா, மெக்ஸிகோ, கவுதமாலா, பனாமா, கொலம்பியா, ஈகுவாடார், வெனி சூலா, கயானா, பொலிவியா, பராகுவா, போர்ட்டோரிகா உட்பட 25-க்கும் மேற்பட்ட நாடுகளில் ஜிகா வைரஸ் பரவியுள்ளது. அந்த நாடுகளில் ஒட்டுமொத்தமாக சுமார் 40 லட்சத்துக்கும் மேற்பட்டோர் பாதிக்கப்பட்டுள்ளனர். இந்த வைரஸுக்கு இதுவரை மருந்து கண்டுபிடிக்கப்படாததால் உலக நாடுகள் அச்சமடைந்துள்ளன.

வைரஸ் பாதிக்கப்பட்ட கர்ப் பிணிகளுக்கு, சிறிய தலை, நரம்பு மண்டல பாதிப்புடன் குழந்தைகள் பிறக்கின்றன. பிரேசிலில் இதுவரை 4000 குழந்தைகள் இத்தகைய பாதிப்புகளுடன் பிறந்துள்ளன. எனவே இப்போதைக்கு பெண்கள் கருத்தரிக்க வேண்டாம் என்று அந்த நாட்டு மருத்துவ நிபுணர்கள் எச்சரித்துள்ளனர்.

அமெரிக்காவில் சுமார் 20 கோடி பேருக்கு ஜிகா வைரஸ் பரவக்கூடும் என்று அண்மையில் வெளியான ஆய்வறிக்கையில் எச்சரிக்கை விடுக்கப்பட்டுள்ளது.

இதனால் அதிர்ச்சி அடைந் துள்ள அதிபர் பராக் ஒபாமா, ஜிகா வைரஸை கொல்ல உடனடியாக மருந்து கண்டுபிடிக்குமாறு கேட்டுக் கொண்டுள்ளார். ஜிகா வைரஸ் பாதிப்பு குறித்து ஆலோசிக்க உலக சுகாதார அமைப்பு வரும் 1-ம் தேதி ஜெனீவாவில் அவசர கூட்டத்தை கூட்டியுள்ளது.

நன்றி ஹிந்து

அய்யய்யோ ...

என்னதிது இப்படி புது, புது வைரஸ்சா ரிலீஸ் ஆகிட்டு இருக்கே...

1947-ல் உகாண்டாவில் உள்ள ஜிகா காட்டில் குரங்குகளிடம் இந்த வைரஸ் முதல்முறையாக கண் டறியப்பட்டது. இதனால் வைர ஸுக்கு ஜிகா என்று பெயரிடப் பட்டது. ஆப்பிரிக்காவிலும் ஆசியா வின் சில நாடுகளில் மட்டுமே இந்த வைரஸ் பாதிப்பு இருந்தது.

1947 லேயே கண்டுபிடிச்சுட்டாங்கலாம் ஆனால் இப்ப தான் அதிவேகமா பரவுதாம்.

என்னங்கடா கலர் கலரா காதுல சுத்துறீங்க?!

பிரேசில் அல்லது அமரிக்காவை சேர்ந்த எவனோ ஒரு மருந்துகம்பனிகாரன் இதுக்கு மருந்து கண்டுபிடிச்சுட்டான். எப்படி இதை வச்சு பணக்காரன் ஆவதுன்னு சிந்திச்சதுல "முதலில் இந்த வைரசை உலகம் முழுவதும் பரப்புவோம்" அப்புறம் எங்க கிட்ட மருந்து இருக்குதுன்னு கூவி வித்துடலாம்னு திட்டம் போட்டுருக்கானுங்க.

நோய்கள் உருவாவதில்லை
உருவாக்க படுகின்றன ...

பயோ தேர்ரரிசம் இதுதான் இன்று நடந்து கொண்டு இருக்கிறது ..

கத்தி இன்றி இரத்தம் இன்றி யுத்தம்  ஒன்று நடக்குது

உயிரியல் போராயுதம்