என்று தணியும் இந்த selfie மோகம்

**T.N.Balasubramanian** · **T.N.Balasubramanian** Mon 1 Feb 2016 - 19:04

என்று தணியும் இந்த selfie மோகம்

சென்னை: தண்டவாளத்தில் செல்ஃபி எடுக்க முயன்ற மாணவர் ரயில் மோதி பலி

என்று தணியும் இந்த selfie மோகம் 825mMpwmQQWdzxQ1NQuE+train_2719549h

சென்னை வண்டலூர் அருகே ரயில் தண்டவாளத்தில் நின்று வேகமாக வரும் மின்சார ரயில் பின்னணியில் செல்ஃபி எடுக்க முயன்ற மாணவர், அதே ரயில் மோதி பரிதாபமாக பலியானார்.

சம்பவம் குறித்து போலீஸார் கூறும்போது, "தினேஷ் குமார். 11 வகுப்பு மாணவர். இவர் தனது நண்பருடன் நேற்று (ஞாயிற்றுக்கிழமை) மாலை வண்டலூர் ரயில் நிலையம் சென்றுள்ளார். அப்போது, அவர் தண்டவாளத்தில் நின்று கொண்டு வேகமாக வரும் மின்சார ரயில் பின்னணியில் செல்ஃபி எடுக்க முயன்றுள்ளார்.

அப்போது அதே மின்சார ரயில் அவர் மீது பலமாக மோதிச் சென்றது. இதில் அவர் சம்பவ இடத்திலேயே இறந்தார். மாணவனின் உடல் பிரேத பரிசோதனைக்கு அனுப்பப்பட்டுள்ளது. மேற்கொண்டு விசாரணை நடந்து வருகிறது" என்றனர்.

அண்மையில், மும்பையில் அரபிக்கடலோரம் நின்று செல்ஃபி எடுத்த இளம் பெண்ணும் அவரைக் காப்பாற்றச் சென்ற இளைஞரும் கடலில் மூழ்கி பலியாகினர்.

தொடர்ந்து செல்ஃபி எடுக்கும் போது பலியாகும் சம்பவங்கள் உலகம் முழுவதும் நடந்து கொண்டே இருக்கிறது. அதிகமாக செல்ஃபி எடுத்துக் கொள்பவர்களுக்கு செல்ஃபிடிஸ் (Selfitis) என்ற நோய் தாக்கும் என மருத்துவர்கள் எச்சரித்துள்ளனர் என்பது கவனிக்கத்தக்கது.

நன்றி தி ஹிந்து

ரமணியன்

**T.N.Balasubramanian** · **T.N.Balasubramanian** Mon 1 Feb 2016 - 19:07

பெற்று , வளர்த்து , நல்லதோர் கல்வி கொடுத்த தாயிக்கு எப்பிடி இருக்கும் .
எங்கள் ஆழ்ந்த அனுதாபங்கள்

selfie பிரியர்களே , வேண்டாமே இது போன்று !

ரமணியன்

**ayyasamy ram** · **ayyasamy ram** Mon 1 Feb 2016 - 19:21

ஆஸ்திரேலியாவில், சுறாமீன் தாக்கி இறந்தவர்களின் எண்ணிக்கையை விட,
செல்ஃபி புகைப்பட முயற்சியில் உயிர் நீத்தவர்களின் எண்ணிக்கை
அதிகமாகும்.,எண்ணிக்கை 12ஐ எட்டியுள்ளது.
- .
சமீபத்தில் தாஜ்மஹாலின் படிக்கட்டில் செல்ஃபி எடுக்க முனைந்த
சமயம் ஜப்பானிய மூதாட்டியொருவர் கீழே விழுந்து மரணத்தை
தழுவியிருந்தார்.
-
இதற்கு முன்னர் ஸ்பெயின் ஜல்லிக்கட்டு நிகழ்ச்சியில் செல்ஃபி
எடுக்க முனைந்த இளைஞர், காளை மாடு முட்டி உயிரிழந்திருந்தார்.
-
புலி கூண்டில் செல்ஃபி,
ரயில் மேல் செல்பி என்று செல்ஃபி மரணங்கள் தொடர்கின்றன.
இனியாவது விழிப்புணர்வோடு இருப்பார்களா இளைஞர்கள்?
-

**T.N.Balasubramanian** · **T.N.Balasubramanian** Mon 1 Feb 2016 - 19:58

இந்த புதிய கண்டுபிடிப்புகளுக்கெல்லாம் காரணம் நம்முடைய எமதர்மந்தான் .!
எப்போ பார்த்தாலும் யார் மரணம் அடைந்தாலும் , பாவி எமதர்மன் ,உயிரை பறித்து போய் விட்டான்
என்ற பழிசொல்லில் தன்னை காப்பாற்றிக் கொண்டு ,
உன் சாவுக்கு காரணம் நீயே என கூறவைத்துள்ளான்.
பலே எம தர்மா !

ரமணியன்

யினியவன் · யினியவன் Mon 1 Feb 2016 - 20:09

சுயத்தை பிடிக்க சுயத்தை இழக்கிறார்களே!!!

**M.Jagadeesan** · **M.Jagadeesan** Mon 1 Feb 2016 - 20:22

T.N.Balasubramanian wrote:இந்த புதிய கண்டுபிடிப்புகளுக்கெல்லாம் காரணம் நம்முடைய எமதர்மந்தான் .!
எப்போ பார்த்தாலும் யார் மரணம் அடைந்தாலும் , பாவி எமதர்மன் ,உயிரை பறித்து போய் விட்டான்
என்ற பழிசொல்லில் தன்னை காப்பாற்றிக் கொண்டு ,
உன் சாவுக்கு காரணம் நீயே என கூறவைத்துள்ளான்.
பலே எம தர்மா !

ரமணியன்

மேற்கோள் செய்த பதிவு: 1191285

காவல்துறை விளம்பரம்
================
வாகனங்களை ஓட்டும்பொழுது அழைப்பு வந்தால் எடுக்கவேண்டாம் !
அழைப்பது எமனாகக் கூட இருக்கலாம் !

எனவே செல்போன் சாவுகளுக்கு எமனே காரணம் .

இந்த பதிவைத் துவங்கியவர் நன்றி கூறியுள்ளார் M.Jagadeesan

Sponsored content · Sponsored content

என்று தணியும் இந்த selfie மோகம்

என்று தணியும் இந்த selfie மோகம்

Re: என்று தணியும் இந்த selfie மோகம்

Re: என்று தணியும் இந்த selfie மோகம்

Re: என்று தணியும் இந்த selfie மோகம்

Re: என்று தணியும் இந்த selfie மோகம்

Re: என்று தணியும் இந்த selfie மோகம்

Re: என்று தணியும் இந்த selfie மோகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக