பக்தி பாடல்கள் - தொடர் பதிவு

by shobana sahas Tue Feb 02, 2016 1:58 am

அனைத்தும் அருமை அய்யா .

by K.Senthil kumar Tue Feb 02, 2016 8:17 am

by **ayyasamy ram** Tue Feb 02, 2016 8:51 am

ஆறுமுகன் அருளால் ஆறுதல் வரும்
-
பக்தி பாடல்கள் - தொடர் பதிவு B1hWCjzuTCF9sjQFSqsm+murugan-painting

-
மஞ்சுசூழும் மலைகளிலே
மாமயில்களாடும்
மயில்கள் ஆடிவர
மாங்குயில்கள் பாடும்
கொஞ்சிவரும் அஞ்சுகங்கள்
குவலையிடக் கூடும்
கந்தகான மழை பொழியும்
கலையரங்கமாகும்…
–
காவடிகள் ஆடிவரும்
பூவடிகள் சேரும்
சேவடிகள் சங்கமித்துப்
பாவடிகள் தூவும்
பாவங்களும் மோகங்களும்
ஆவியெனப் போகும்
தேவமகன் ஆறுமுகம்
தீர்க்கும் வினையாவும்…
–
ஆறுபடை வீட்டில
ஆறுகளும் சேரும்
ஆறுமுகன் நேரிருந்து
ஆறுதலைக் கோரும்
நீறுபெறும் நெற்றியுடன்
நிம்மதியில் ஆடும்
ஏறுமயில் வாகன்னை
வேலவனைப் பாடும்
–
—————————
கவிச்சித்தர் மணிமொழி
நெஞ்சவனத்துப் பூக்கள்- தொகுப்பிலிருந்து

by **ayyasamy ram** Tue Feb 02, 2016 8:52 am

by **ayyasamy ram** Tue Feb 02, 2016 8:56 am

பக்தி பாடல்கள் - தொடர் பதிவு Y3qfEOS0O45zGLNxlXgx+images

-
கூப்பிட்ட குரலுக்கு வருவான் முருகன்..!
-
–
நான் கூப்பிட்ட குரலுக்கு வருவான்
நான் கோருகின்ற வரங்களைத் தருவான்
மயில்வாகனனே வடிவேலவனே
உமைபாலகனே என் சண்முகனே…
–
மலை இருக்குமிடங்களில் இருப்பான்
மலர்த்தோட்டங்களைப் போல் சிரிப்பான்
தலைவன் எம் முருகன் செந்தமிழ்க் குமரன்
தலைமுறை தலைமுறை வாழ்வினை அளிப்பான்…
–
தந்தைக்கு மந்திரம் சொன்னவன் – தமிழ்ப்
பாட்டிக்கு கவிதைகள் தந்தவன்
சிந்தை நிறைந்தவன் ஜீவன் கலந்தவன்
சரவண பவ குக சண்முகனே…
–
இருளிலும் அவன்தான் வழியாவான் – நம்
இருவிழிக்கவனே ஒளியாவான்
வருந்துயர் அழிப்பான் பெருந்துணையிருப்பான்
அருள்மழை பொழிவான் திருமுருகன்…
–
————————–
கவிச்சித்தர் மணிமொழி
நெஞ்சவனத்துப் பூக்கள்- தொகுப்பிலிருந்து

by **ayyasamy ram** Tue Feb 02, 2016 9:17 am

சிந்தையிலே நின்றிருக்கும் அழகன்!
-
பக்தி பாடல்கள் - தொடர் பதிவு XfQdWJ46RlO2CsEGJH2u+hqdefault

-
சின்னச் சின்னச் சின்னச் சின்ன முருகன்
எந்தன் சிந்தையிலே நின்றிருக்கும் அழகன்!
கொஞ்சிக் கொஞ்சி நானழைக்க வருவான், அவன்
கொஞ்சு தமிழ்ப் பாடலிலே மகிழ்வான்!
–
எந்தைச் சிவன் பெற்றெடுத்த புதல்வன், அவன்
தந்தைக்கு மந்திரம் சொன்ன தலைவன்!
சொந்தமென்று நானழைக்க வருவான், அவன்
சந்தத் தமிழ்ப் பாடலிலே மகிழ்வான்!
–
மாங்கனிக்குக் கோபங் கொண்ட பாலன், அவன்
தீங்கனியை விஞ்சும் எழில் வேலன்!
கந்தனென்று நானழைக்க வருவான், அவன்
பொங்கும் தமிழ்ப் பாடலிலே மகிழ்வான்!
–
ஆதிசக்தி சேர்த்தணைத்த அறுவன், அவன்
ஆறுமுகமாகி வந்த ஒருவன்!
அன்பு கொண்டு நானழைக்க வருவான், அவன்
இன்பத் தமிழ்ப் பாடலிலே மகிழ்வான்!
–
வீறு கொண்டு வேலெடுத்த வீரன், கொடுஞ்
சூரனைச் சம்ஹாரம் செய்த சூரன்!
ஏறு மயில் மீதில் அவன் வருவான், புகழ்
கூறும் அடி யார்கள் வினை களைவான்!
–
——————————
-கவிநயா