டெல்லி டூ சென்னை இரண்டு நிமிடம்

First topic message reminder :

வெறும் 11 நிமிடங்களில் லண்டன் டூ நியூயார்க் செல்லும் புதிய ஹைப்பர்சானிக் விமானம்!

இந்த ஹைப்பர்சானிக் பயணிகள் விமானத்தை உருவாக்கும் முயற்சிகள் மிக தீவிரமாக நடந்து வருகின்றன. அந்த விதத்தில், வெறும் 11 நிமிடங்களில் லண்டனிலிருந்து நியூயார்க் செல்லும் அதிவேக ஹைப்பர்சானிக் ரக விமானத்தை கனடா நாட்டு விமானவியல் துறை பொறியாளர் வெளியிட்டிருக்கிறார்.

கனடா நாட்டு பொறியாளர் பம்பார்டியர் விமான தயாரிப்பு நிறுவனத்தில் பணியாற்றி வரும் தலைமை பொறியாளர் சார்லஸ் இந்த விமானத் திட்டத்தை உருவாக்கியிருக்கிறார்.

வேகம்
இந்த ஹைப்பர்சானிக் ரக விமானம் மணிக்கு மேக்-24 என்ற வேகத்தில் பறக்கும். ஒலியைவிட 24 மடங்கு அதிவேகத்தில் இந்த விமானம் பறக்கும் திறன் கொண்டதாக இருக்கும். உதாரணத்திற்கு, லண்டன் நியூயார்க் நகரங்களுக்கு இடையிலான 5,560 கிமீ தூரத்தை வெறும் 11 நிமிடங்களில் கடந்துவிடும்.

நாசாவை விஞ்சிய நுட்பம்
அதிவேக சூப்பர்சானிக் விமானங்களை உருவாக்குவதில் திறன் பெற்ற அமெரிக்காவின் நாசா விண்வெளி அமைப்பிடம் கூட இதுவரை 24 மேக் வேகத்தில் பறக்கும் மாதிரி விமானத்தை கூட இதுவரை உருவாக்கவில்லை என்று தெரிவிக்கப்படுகிறது.

ஓடுபாதை
இந்த விமானத்தை தரையிறக்குவதற்கு 6,000 அடி நீள ஓடுபாதை தேவைப்படும் என்று சார்லஸ் தெரிவித்துள்ளார்.

குளிரூட்டும் அமைப்பு
இந்த விமானத்தை இயக்கும்போது வெளிப்படும் அபரிமிதமான வெப்பத்தை தணிப்பதற்காக, விமானத்தின் மேல்புறத்தில் காற்றை உறிஞ்சி வெப்பத்தை தணிக்கும் துளைகள் அமைப்பு கொடுக்கப்பட்டிருக்கிறது.

சவால்
ஆனால், விமானத்தின் வேகத்திற்கு ஈடுகொடுக்கும் விதத்திலான உலோகத்தை உருவாக்குவதும், விமானத்தின் கட்டமைப்பிலும் மிகப்பெரிய சவால்கள் இருப்பதாக பம்பார்டியர் நிறுவனம் தெரிவிக்கிறது.

எஞ்சின்
விண்வெளிக்கு செல்லும் ராக்கெட்டுகளை மேலே எழுப்புவதற்கு பயன்படுத்தப்படும் பூஸ்டர்கள் இந்த விமானத்தின் இறக்கைகளில் பொருத்தப்பட்டிருக்கும். விமானத்தை மேலே உந்தி எழுப்புவதற்கு பூஸ்டர்கள் பயன்படும். 40,000 அடி உயரத்தை விமானம் எட்டியவுடன், பூஸ்டர்கள் தனியாக கழன்றுவிடும். அதன்பின்னர விமானம் அதிகபட்சமாக 24 மேக் வேகத்தில் பறக்கும். ஒரு மேக் என்பது மணிக்கு 1,195 கிமீ வேகத்திற்கு இணையானது.

பயணிகள் எண்ணிக்கை
இந்த விமானத்தில் 10 பயணிகள் செல்ல முடியும். எனவே, விவிஐபி பயன்பாட்டுக்கு பொருத்தமானதாக இருக்கும். ஆனால், இந்த தொழில்நுட்பத்தை மேம்படுத்தும்போதும், அதிக அளவில் பயன்பாட்டுக்கு வரும்பட்சத்தில், எதிர்காலத்தில் அதிக பயணிகள் செல்வதற்கான விமானத்தை தயாரிக்கும் வாய்ப்புள்ளது.

விலை மதிப்பு
பெரும் பணக்காரர்கள் பயன்படுத்தும் பிசினஸ் ஜெட் ரகத்தை சேர்ந்த தனி நபர் பயன்பாட்டு சொகுசு விமானங்களை விட சற்றே அதிக விலை கொண்டதாக இருக்கும் என சார்லஸ் மதிப்பு தெரிவித்துள்ளார்.

கான்கார்டு விமானத்துடன் ஒப்பீடு
உலகின் அதிவேக பயணிகள் விமானமாக கருதப்படும் கான்கார்டு விமானம் அடிக்கடி விபத்தில் சிக்கியதால், சேவையிலிருந்து விலக்கப்பட்டது. இந்தநிலையில், கான்கார்டு விமானத்தை விட புதிய ஆன்டிபாட் விமானம் 12 மடங்கு கூடுதல் வேகத்தில் பறக்கும். அதாவது, டெல்லியிலிருந்து சென்னைக்கு ஒரு சில நிமிடங்களில் வந்துவிடும்.

நன்றி தமிழ் டிரைவ் ஸ்பார்க்.

by **krishnaamma** Tue Feb 02, 2016 12:26 am

M.Jagadeesan wrote:இவர்கள் சொல்வதைப் பார்த்தால் , டெல்லியில் விமானம் கிளம்பும்போது , ஒருவர் பாத்ரூம் போனால் , வெளியில் வரும்போது சென்னை வந்துவிடும் .

அதுசரி ! இவ்வளவு வேகமாகப் பறந்து என்ன சாதிக்கப்போகிறோம் ?

எனக்கும் இதே கேள்வி மனதில் எழுந்தது ஐயா புன்னகை

............ரோடில் ட்ராபிக் இல் முண்டி அடித்து ஓடுபவர்களை நிறுத்தி, இப்படி கேள்வி கேட்கணும் என்று எனக்கு தோன்றும் ஐயா புன்னகை

by shobana sahas Tue Feb 02, 2016 12:43 am

M.Jagadeesan wrote:இவர்கள் சொல்வதைப் பார்த்தால் , டெல்லியில் விமானம் கிளம்பும்போது , ஒருவர் பாத்ரூம் போனால் , வெளியில் வரும்போது சென்னை வந்துவிடும் .

அதுசரி ! இவ்வளவு வேகமாகப் பறந்து என்ன சாதிக்கப்போகிறோம் ?

மேற்கோள் செய்த பதிவு: 1191280

மிகவும் சரி அய்யா . எதுக்கு இவ்வளோ அவசரம் ? . இப்படி ஆகிவிட்டால் .. எதற்கும் மதிப்பில்லாமல் போய் விடும் ..
கண்டிப்பாக இது சரியாக வராது என்பது என் கருத்து .

by **T.N.Balasubramanian** Tue Feb 02, 2016 6:34 am

krishnaamma wrote:இதுக்கும் 3 மணிநேரம் முன்னாடியே போய் விமான நிலையத்தில் உட்காரணுமா? .................

மேற்கோள் செய்த பதிவு: 1191344

அவசியமில்லையாம் .
மோஷனில் ஏறிக் கொள்ளுவதற்கு செளகரியமாக
கைப்பிடி ,படிக்கட்டு இருக்குமாம் ஜாலி

ரமணியன்

by K.Senthil kumar Tue Feb 02, 2016 7:15 am

என்னதான் இருந்தாலும் மாட்டுவண்டி குதிரைவண்டி பயணத்திற்கு ஈடாகுமா..???

டெல்லி டூ சென்னை இரண்டு நிமிடம் - Page 2 4TmDL5svRq60B4PXfEfX+5e33

டெல்லி டூ சென்னை இரண்டு நிமிடம் - Page 2 Xl9z1f2nQPmOFIgqvNRI+horsevehicle

by **krishnaamma** Tue Feb 02, 2016 10:37 am

K.Senthil kumar wrote:என்னதான் இருந்தாலும் மாட்டுவண்டி குதிரைவண்டி பயணத்திற்கு ஈடாகுமா..???

மேற்கோள் செய்த பதிவு: 1191421

ம்ம்ம்.. சொன்னேளே இது ரொம்ப சரி புன்னகை

...............நான் மாட்டு வண்டி இல் போனது இல்லை, சின்ன வயதில் குதிரை வண்டி இல் ஸ்கூல் க்கு போய் இருக்கேன் புன்னகை

by **krishnaamma** Tue Feb 02, 2016 10:39 am

T.N.Balasubramanian wrote:
krishnaamma wrote:இதுக்கும் 3 மணிநேரம் முன்னாடியே போய் விமான நிலையத்தில் உட்காரணுமா? .................
மேற்கோள் செய்த பதிவு: 1191344

அவசியமில்லையாம் .
மோஷனில் ஏறிக் கொள்ளுவதற்கு செளகரியமாக
கைப்பிடி ,படிக்கட்டு இருக்குமாம்

ரமணியன்

ஹா...ஹா...ஹா.....ஐயா , நான் ஒழுங்காய் படி ஏறி போவதே ....ஏதோ ஓகே.............இதுல மோஷனில் வேறா? பயம்

எனக்கு அப்படி ஒன்றும் அவசர வேலை இல்லை டெல்லில................. ஜாலி

by **M.Jagadeesan** Tue Feb 02, 2016 10:45 am

krishnaamma wrote:
K.Senthil kumar wrote:என்னதான் இருந்தாலும் மாட்டுவண்டி குதிரைவண்டி பயணத்திற்கு ஈடாகுமா..???

மேற்கோள் செய்த பதிவு: 1191421

ம்ம்ம்.. சொன்னேளே இது ரொம்ப சரி ...............நான் மாட்டு வண்டி இல் போனது இல்லை, சின்ன வயதில் குதிரை வண்டி இல் ஸ்கூல் க்கு போய் இருக்கேன்

மேற்கோள் செய்த பதிவு: 1191489

பழனியில் இன்னமும் குதிரை வண்டி சவாரி இருக்கு !

by **ராஜா** Tue Feb 02, 2016 11:01 am

SajeevJino wrote:..எல்லாமே சரிதான்..
பிரச்னை என்னவென்றால்..மனித உடல் அமைப்பு இந்த ஹைப்பர்சானிக் வேகத்திற்கு ஈடு கொடுக்குமா என்பதே தான்

விமானங்களில் இருப்பதை போல இதற்கென்று பிரத்யோக pressurized cabin உருவாக்குவார்கள் என்று நினைக்கிறேன்.

சவால் - ஆனால், விமானத்தின் வேகத்திற்கு ஈடுகொடுக்கும் விதத்திலான உலோகத்தை உருவாக்குவதும், விமானத்தின் கட்டமைப்பிலும் மிகப்பெரிய சவால்கள் இருப்பதாக பம்பார்டியர் நிறுவனம் தெரிவிக்கிறது.

ஒரேயொரு வெப்பதகடு கழண்டு விழுந்ததால் அமெரிக்க விண்வெளி ஓடத்தின் நிலை என்ன ஆனது என்று அனைவருக்கும் தெரியும் தானே , அதனால் இதில் கண்டிப்பாக கூடுதல் கவனம் செலுத்துவார்கள்.