உடுமலை நாராயணகவி பாடல்கள்

by **ayyasamy ram** Sat Jan 30, 2016 7:56 pm

திரைப்படம் - மணமகள்
இசையமைப்பாளர் - சி.ஆர்.சுப்பையா
இயக்குநர் - என்.எஸ்.கிருஷ்ணன்
வெளியான ஆண்டு - 1951
பாடியவர் - எம்.எல்.வசந்தகுமாரி
-
--------------------------

நல்ல பெண்மணி ...
மிக நல்ல பெண்மணி
தாய்நாட்டு நாகரிகம் பேணி நடபவள் எவளோ அவளே
நல்ல பெண்மணி
-
1.
வெள்ளிமுளைத்து சேவல்கோழி கூவிடும்வேளை
தன்மேனி குளித்து அழுக்கு நீங்கத் துவைக்கணும் சேலை
பள்ளிக்கூடம் செல்லவேணும் காலையும் மாலை - நல்ல
பழக்கவழக்கத்தோடு நூலைப்படிப்பவள் எவளோ அவளே(நல்ல)
2.
அம்மாவுக்கு உதவியாக ஆக்கிபழகனும் - சோறு ஆக்கிபழகனும்
அடுப்பை மூட்டி கூட்டிப் பெருக்கி இடுப்பை வளைக்கனும்
அப்பா சொல்லும் அறநெறியில் தப்பாதிருக்கனும் - தினம்
உயர் அச்சம் பயிர்ப்பு மடமை நாணம் அமைந்தவள் எவளோ அவளே(நல்ல)
3.
புகுந்தஇடத்தில் பிறந்த இடத்தை புகழக்கூடாது
கொண்ட புருஷனோடு வம்புச்சண்டை போட கூடாது
இகழ்ச்சியாக எவரையுமே எண்ணக்கூடாது - பண
ஏற்றத்தில் இருமாந்திடாது இருப்பவள் எவளோ அவளே(நல்ல)
4.
பொட்டுவைத்து கோலங்கூடப் போடத்தெரியனும் - புத்தி
புகட்டும் நாட்டுப்பாடல் கூடப் பாடத் தெரியனும்
கஷ்டம் வந்தபோதும் மானந் தன்னை காக்கணும் - தன்
கணவன் சுகத்தை நாளும் பேணும் கண்மணி எவளோ அவளே (நல்ல)
-
-------------------

by **ayyasamy ram** Sat Jan 30, 2016 8:09 pm

திரைப்படம்: பராசக்தி
வசனம்: கலைஞர் கருணாநிதி
இயக்குனர்: ஆர். கிருஷ்ணன், எஸ். பஞ்சு
பாடியவர்: சி.எஸ்.ஜெயராமன்
இயற்றியவர்: உடுமலை நாராயண கவி
இசை: ஆர். சுதர்சனம்
ஆண்டு - 1952
---------
-
தேசம் ஞானம் கல்வி ஈசன் பூசை யெல்லாம்
காசுமுன் செல்லாதடி - குதம்பாய்
காசு முன் செல்லாதடி.
ஈசனும் ஈசனார் பூசையும் தேசத்தில்
காசுக்குப் பின்னாலே - குதம்பாய்
காசுக்குப் பின்னாலே.
-
சாட்சியான பணம் கைவிட்டுப் போனபின்
சாட்சி கோர்ட்டு ஏறாதடி - குதம்பாய்
சாட்சி கோர்ட்டு ஏறாதடி.
பைபையாய் பொன் கொண்டோர்
பொய் பொய்யாய் சொன்னாலும்
மெய் மெய்யாய் போகுமடி - குதம்பாய்
மெய் மெய்யாய் போகுமடி.
-
நல்லவரானாலும் இல்லாதவரை
நாடு மதிக்காது - குதம்பாய்
நாடு மதிக்காது.
-
கல்வி இல்லாத மூடரை கற்றோர் கொண்டாடுதல்
வெள்ளிப் பணமடியே - குதம்பாய்
வெள்ளிப் பணமடியே
-
ஆரியக் கூத்தாடினாலும் தாண்டவக்கோனே - காசு
காரியத்தில் கண் வையடா தாண்டவக்கோனே
-
உள்ளே பகை வையடா தாண்டவக்கோனே
உதட்டில் உறவாடடா தாண்டவக்கோனே
-
முட்டாப் பயலையெல்லாம் தாண்டவக்கோனே - காசு
முதலாளி ஆக்குதடா தாண்டவக்கோனே
-
கட்டி அழும்போதும் தாண்டவக்கோனே - பிணத்தைக்
கட்டி அழும்போதும் தாண்டவக்கோனே - பணப்
பெட்டிமேலே கண் வையடா தாண்டவக்கோனே
-
---------------------------------