'சானிட்டரி நாப்கின்' இயந்திரம் தயாரித்து சாதனை படைத்த முருகானந்தம்

by **ayyasamy ram** Fri Jan 29, 2016 6:17 am

-

சென்னை:
யாரும் நினைத்துப் பார்க்க முடியாத குறைந்த செலவில்
'சானிட்டரி நாப்கின்' தயாரிப்பு இயந்திரத்தை வடிவமைத்து,
மத்திய அரசால் பத்மஸ்ரீ விருது கொடுத்து கவுரவிக்கப்பட்டுள்ளார்
முருகானந்தம். ஆனால் இதற்காக அவர் பட்டபாடு பிரமிக்க
வைக்கிறது.

கோவையை சேர்ந்தவர் முருகானந்தம். பள்ளிப் படிப்பை பாதியில்
விட்டவர். திருமணம் முடிந்த பிறகு மாதவிடாய் காலத்தில் தனது
மனைவி படும் துயரங்களை பார்க்கிறார்.

நாப்கின் வாங்கினால் செலவு கட்டுபடியாகாது என்கிறார் மனைவி.
இதைப் பார்த்த பிறகு தான், தானே சொந்தமாக நாப்கின் தயாரித்தால்
என்ன என்று யோசிக்கிறார். முயற்சியிலும் இறங்குகிறார்.

இரண்டரை ஆண்டுகள் தொடர் ஆராய்ச்சிக்குப் பிறகு குறைந்த
விலையில் வெற்றிகரமாக நாப்கின் தயாரிக்கிறார்.
அதற்கான இயந்திரங்களையும் அவரே வடிவமைத்தார்.

சாதாரணமாக நாப்கின் தயாரிக்க வேண்டுமானால், அதற்கு 3.5 கோடி
ரூபாய் மதிப்புள்ள இயந்திரங்களை வாங்க வேண்டும்.
ஆனால் முருகானந்தம் தயாரித்த இயந்திரத்தின் செலவு வெறும்
65 ஆயிரம் ரூபாய் மட்டுமே.இவரது அயராத முயற்சியால், இப்போது நாடு
முழுவதும் ஏராளமான கிராமங்களில் சுய உதவி குழு பெண்கள் இவரது
இயந்திரங்களைப் பயன்படுத்தி, நாப்கின் தயாரித்து விற்று,
வருவாய் ஈட்டுகிறார்கள்.

இன்னும் சொல்லப் போனால், நாப்கின் தயாரிப்பில் புரட்சியை
ஏற்படுத்தி இருக்கிறார். ''இந்தியாவை 100 சதவீதம் நாப்கின் பயன்படுத்தும்
நாடாக மாற்றுவதே நோக்கம்' என தீர்க்கமாக கூறுகிறார் முருகானந்தம்.
இதற்காகவே பத்மஸ்ரீ விருதுக்கு தேர்வு செய்யப்பட்டுள்ளார்.
-
-------------------------
தினமலர்

by **krishnaamma** Fri Jan 29, 2016 4:02 pm

'சானிட்டரி நாப்கின்' இயந்திரம் தயாரித்து சாதனை படைத்த முருகானந்தம் JXRn82xkRuCmjLJrMIxE+Tamil_News_large_1443710

சென்னை:யாரும் நினைத்துப் பார்க்க முடியாத குறைந்த செலவில் 'சானிட்டரி நாப்கின்' தயாரிப்பு இயந்திரத்தை வடிவமைத்து, மத்திய அரசால் பத்மஸ்ரீ விருது கொடுத்து கவுரவிக்கப்பட்டுள்ளார் முருகானந்தம். ஆனால் இதற்காக அவர் பட்டபாடு பிரமிக்க வைக்கிறது.

கோவையை சேர்ந்தவர் முருகானந்தம். பள்ளிப் படிப்பை பாதியில் விட்டவர். திருமணம் முடிந்த பிறகு மாதவிடாய் காலத்தில் தனது மனைவி படும் துயரங்களை பார்க்கிறார். நாப்கின் வாங்கினால் செலவு கட்டுபடியாகாது என்கிறார் மனைவி.இதைப் பார்த்த பிறகு தான், தானே சொந்தமாக நாப்கின் தயாரித்தால் என்ன என்று யோசிக்கிறார். முயற்சியிலும் இறங்குகிறார். இரண்டரை ஆண்டுகள் தொடர் ஆராய்ச்சிக்குப் பிறகு குறைந்த விலையில் வெற்றிகரமாக நாப்கின் தயாரிக்கிறார். அதற்கான இயந்திரங்களையும் அவரே வடிவமைத்தார்.

சாதாரணமாக நாப்கின் தயாரிக்க வேண்டுமானால், அதற்கு 3.5 கோடி ரூபாய் மதிப்புள்ள இயந்திரங்களை வாங்க வேண்டும். ஆனால் முருகானந்தம் தயாரித்த இயந்திரத்தின் செலவு வெறும் 65 ஆயிரம் ரூபாய் மட்டுமே.இவரது அயராத முயற்சியால், இப்போது நாடு முழுவதும் ஏராளமான கிராமங்களில் சுய உதவி குழு பெண்கள் இவரது இயந்திரங்களைப் பயன்படுத்தி, நாப்கின் தயாரித்து விற்று, வருவாய் ஈட்டுகிறார்கள்.இன்னும் சொல்லப் போனால், நாப்கின் தயாரிப்பில் புரட்சியை ஏற்படுத்தி இருக்கிறார். ''இந்தியாவை 100 சதவீதம் நாப்கின் பயன்படுத்தும் நாடாக மாற்றுவதே நோக்கம்' என தீர்க்கமாக கூறுகிறார் முருகானந்தம்.இதற்காகவே பத்மஸ்ரீ விருதுக்கு தேர்வு செய்யப்பட்டுள்ளார்.

தினமலர்