Latest topics

கீதா பவன் அறக்கட்டளை சார்பில் மாற்றுத்திறனாளிகளுக்கு சீர்வரிசையுடன் திருமணம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

கீதா பவன் அறக்கட்டளை சார்பில் மாற்றுத்திறனாளிகளுக்கு சீர்வரிசையுடன் திருமணம்

Post by ayyasamy ram Fri Jan 29, 2016 6:03 am

-

கீதாபவன் அறக்கட்டளையின் சார்பில் பல்வேறு மாவட்டங்களைச் சேர்ந்த மாற்றுத் திறனாளிகள், ஏழைகள் உள்பட 16 ஜோடிகளுக்கு சென்னையில் அண்மையில் திருமணம் நடைபெற்றது.
-
விழாவில் சென்னை, திருவண்ணாமலை, விழுப்புரம், தஞ்சாவூர், மதுரை, ஈரோடு உள்பட பல்வேறு மாவட்டங்களைச் சேர்ந்த மணமக்களின் குடும்பத்தினர் கலந்துகொண்டனர்.
-
இது குறித்து அறக்கட்டளையின் நிர்வாக அறங்காவலர் அசோக்குமார் கோயல் கூறியது: பொருளாதாரத்தில் பின் தங்கியோர், மாற்றுத் திறனாளிகள் உள்பட 248 ஜோடிகளுக்கு இலவசத் திருமணம் நடத்தி வைத்துள்ளோம். கடந்த ஆண்டு (2015) டிசம்பரில் 38 ஜோடிகளுக்கு திருமணம் நடத்த திட்டமிட்டிருந்தோம். மழை, வெள்ளம், வாகன வசதியின்மை ஆகிய காரணங்களால் 38 மணமக்களில் 22 ஜோடிகள் மட்டுமே திருமணத்துக்கு வந்திருந்தனர
-
எனவே விடுபட்ட 16 ஜோடிகளுக்கு புதன்கிழமை திருமணம் நடைபெற்றது. இதைத் தொடர்ந்து மணமக்களுக்கு
2 கிராம் தாலி, பட்டுப் புடவை, பட்டு வேட்டி-சட்டை, உள்ளிட்ட சீர்வரிசைப் பொருள்கள் வழங்கப்பட்டன என்றார் அவர். இதில், அறக்கட்டளையின் தலைவர் ஹரிசங்கர் அகர்வால், அறங்காவலர் முராரிலால் சந்தோலியா ,உள்ளிட்டோர் கலந்துகொண்டனர்.
-
தினமணி

ayyasamy ram: வழிநடத்துனர்; பதிவுகள் : 84601
இணைந்தது : 30/09/2013