டுவிட்டரில் இணைந்தார் கமல்ஹாசன்

by **ayyasamy ram** Thu Jan 28, 2016 4:45 pm

-
–

சமூக வலைதளமான டுவிட்டரில் (சுட்டுரை) நடிகர் கமல்ஹாசன்
செவ்வாய்க்கிழமை தன்னை இணைத்துக் கொண்டார்.

இதையடுத்து, ஒரு மணி நேரத்தில் சில ஆயிரம் பேர் இணைந்தனர்.
மேலும், அவரை பின்தொடர்பவர்களின் எண்ணிக்கை இரவு வரை
அதிகரித்துகொண்டே சென்றது.

இசையமைப்பாளர் இளையராஜா இசையில், தேசிய கீதத்தை
கமல்ஹாசனே பாடி பதிவேற்றியுள்ளார். இந்திய விடுதலைப்
போராட்டம் இன்றைக்கும் தனித்துவத்துடன் விளங்குகிறது என
நடிகர் கமல்ஹாசன் குறிப்பிட்டுள்ளார்.

கமல்ஹாசனின் வருகையை அவரது மகள் ஸ்ருதி ஹாசன்
வரவேற்று, கமல் பாடிய தேசிய கீதத்தை மீண்டும் பதிவேற்றியுள்ளார்.

“டுவிட்டர் நிகழ்வுகளில் மகிழ்ச்சியான தருணங்களில் இன்று
(ஜன. 26) முக்கியமானதாகும். எனது மதிப்புமிக்க நபர் இன்று
டுவிட்டரில் இணைந்துள்ளார். அவரை வரவேற்கிறேன்.
ஐ லவ் யூ அப்பா’ என்று ஸ்ருதிஹாசன் குறிப்பிட்டுள்ளார்.

இதையடுத்து, செவ்வாய்க்கிழமை இரவு 7.30 மணியளவில்
டுவிட்டரில் இணைந்த நிலையில், இரவு 11 மணி வரை 20,700 பேர்
அவரை பின்தொடர்ந்துள்ளனர்.
நொடிக்கு நொடி அவரை பின்தொடர்பவர்களின் எண்ணிக்கை
அதிகரித்துகொண்டே இருக்கிறது.

குடியரசு தினத்தன்று கமல்ஹாசன் டிவிட்டரில் இணைந்தது
குறிப்பிடத்தக்கது.
–
——————————–
தினமணி

by யினியவன் Thu Jan 28, 2016 4:47 pm

வாணியுடன், சரிகாவுடன், கவுதமியுடன் இணைந்தார் ன்னு சொல்றாப்ல யாரு இந்த ட்விட்டர் புன்னகை

by **ஜாஹீதாபானு** Thu Jan 28, 2016 5:53 pm

ட்விட்டர்னா என்ன?

by பாலாஜி Thu Jan 28, 2016 6:04 pm

ஜாஹீதாபானு wrote:ட்விட்டர்னா என்ன?

தல இனியவன் வந்தது விளக்கமாக விளக்கம் சொல்லுவார்

by **ஜாஹீதாபானு** Thu Jan 28, 2016 6:15 pm

பாலாஜி wrote:
ஜாஹீதாபானு wrote:ட்விட்டர்னா என்ன?

தல இனியவன் வந்தது விளக்கமாக விளக்கம் சொல்லுவார்

மேற்கோள் செய்த பதிவு: 1190453

சொல்லட்டும் சொல்லட்டும்

by யினியவன் Thu Jan 28, 2016 9:04 pm

ஆகா நம்மள வம்புக்கு இழுக்குறாங்களே புன்னகை

பட்டர்ன்னா வெண்ணை - பால் திரிந்து தயிராகி, மோராகையில் வரும்.

அவசரப்பட்டு திரியும் போதே அதை ஒலகத்துக்கு சொல்ல முந்திரிக்கொட்டைகள் தமது செல்லில் தெரிவிப்பது தான் ட்விட்டர் - தி(டி)ரியும் பட்டர் டிவிட்டர்.

இப்ப புரிஞ்சதா பானு? புன்னகை

இனிமே இந்த வெண்ணை வெட்டிய வெட்டியா டவுட்டு கேக்க மாட்டீங்களே? புன்னகை

by **T.N.Balasubramanian** Thu Jan 28, 2016 10:37 pm

இதனால் யாருக்கு என்ன லாபம் ? ( பாலாஜி மன்னிப்பாராக )

இந்த 27000க்கு ஏதாவது ஆபத்துன கமலஹாசன் ஓடி வந்து உதவி செய்வாரா .?

இந்த வயசுலே , நமக்கு இதெல்லாம் தேவையா யினியவன் ? பாட்டிக்கு வேறே சந்தேகம் !

ரமணியன்

by யினியவன் Thu Jan 28, 2016 10:41 pm

ஹா ஹா ஹா - அய்யா அய்யா, சந்தேகம் கேட்டவர்கள் ஐயோ ஐயோ புன்னகை

by **krishnaamma** Thu Jan 28, 2016 11:19 pm

ஜாஹீதாபானு wrote:
பாலாஜி wrote:
ஜாஹீதாபானு wrote:ட்விட்டர்னா என்ன?

தல இனியவன் வந்தது விளக்கமாக விளக்கம் சொல்லுவார்
மேற்கோள் செய்த பதிவு: 1190453

சொல்லட்டும் சொல்லட்டும்

மேற்கோள் செய்த பதிவு: 1190455

நிஜமாகவே எனக்கும் தெரியாது பானு சோகம்

by **ஜாஹீதாபானு** Fri Jan 29, 2016 4:02 pm

யினியவன் wrote:ஆகா நம்மள வம்புக்கு இழுக்குறாங்களே

பட்டர்ன்னா வெண்ணை - பால் திரிந்து தயிராகி, மோராகையில் வரும்.

அவசரப்பட்டு திரியும் போதே அதை ஒலகத்துக்கு சொல்ல முந்திரிக்கொட்டைகள் தமது செல்லில் தெரிவிப்பது தான் ட்விட்டர் - தி(டி)ரியும் பட்டர் டிவிட்டர்.

இப்ப புரிஞ்சதா பானு? இனிமே இந்த வெண்ணை வெட்டிய வெட்டியா டவுட்டு கேக்க மாட்டீங்களே?

மேற்கோள் செய்த பதிவு: 1190478

உங்க விளக்கம் சூப்பர்ணா சிரிப்பு