ரஜினி உள்பட 112 பேருக்கு பத்ம விருதுகள் அறிவிப்பு

**ayyasamy ram** · **ayyasamy ram** Tue 26 Jan 2016 - 10:50

-

புதுடெல்லி:
பத்ம விருது பெறுவோர் பட்டியலை மத்திய உள்துறை அமைச்சகம்
நேற்று வெளியிட்டது.

இதில் நடிகர் ரஜினிகாந்த்,
புற்றுநோய் சிறப்பு மருத்துவரும் அடையார் கேன்சர் நிறுவனத்தின்
தலைவருமான டாக்டர் வி.சாந்தா,
ரிலையன்ஸ் நிறுவனர் மறைந்த திருபாய் அம்பானி
ஆகியோருக்கு பத்ம விபூஷண் விருதுகள் அறிவிக்கப்பட்டுள்ளன.

கலை, இலக்கியம், மருத்துவம், சமூக நலம், விளையாட்டு போன்ற
பல்வேறு துறைகளில் சிறந்து விளங்குபவர்களை ஆண்டுதோறும்
மத்திய அரசு தேர்ந்தெடுத்து பத்ம விருதுகளை வழங்கி கவுரவித்து
வருகிறது. குடியரசு தின விழாவையொட்டி, விருதுகளுக்கு தேர்வு
செய்யப்பட்டவர்களின் பட்டியலை மத்திய அரசு அறிவிக்கும்.

இந்த நிலையில், இந்த ஆண்டு பத்ம விருதுக்கான 112 பேர் கொண்ட
பட்டியலை மத்திய உள்துறை அமைச்சகம் நேற்று வெளியிட்டது.
இதில், நடிகர் சூப்பர் ஸ்டார் ரஜினிகாந்த், அடையார் கேன்சர் நிறுவன
தலைவர் டாக்டர் வி.சாந்தா, ரிலையன்ஸ் நிறுவனர் மறைந்த
திருபாய் அம்பானி,
வாழும்கலை நிறுவனர் ஸ்ரீரவிசங்கர்,
பரதநாட்டியம் மற்றும் குச்சுப்புடி நடனக் கலைஞர் யாமினி கிருஷ்ணமூர்த்தி
உள்ளிட்ட 10 பேர் பத்ம விபூஷண் விருதுக்கு தேர்வாகி உள்ளனர்.
-
இந்தி நடிகர் அனுபம்கேர், பாடகர் உதித் நாராயண், ஊடகத்துறையை சேர்ந்த
இந்து ஜெயின், மறைந்த சுவாமி தயானந்த் சரஸ்வதி மற்றும் சுவாமி
தேஜோமயானந்தா, விளையாட்டுத் துறையில் சானியாமிர்சா, சாய்னா நேவால்,
உள்ளிட்ட 19 பேர் பத்ம பூஷண் விருதுக்கு தேர்வாகி உள்ளனர்.
-
தமிழகத்தைச் சேர்ந்த இஸ்ரோ விஞ்ஞானி டாக்டர் மயில்சாமி அண்ணாத்துரை,
டாக்டர் சந்திரசேகர் சேஷாத்ரி தொகுலுவா, சமூக சேவகர்கள்
சீனிவாசன் தாமல் கந்தலை, அருணாச்சலம் முருகானந்தம், மும்பை தீவிரவாத
தாக்குதல் வழக்கில் அரசு தரப்பு வக்கீல் உஜ்ஜ்வல் நிகம், இந்தி நடிகர் அஜய் தேவ்கன்,
நடிகை பிரியங்கா சோப்ரா, பாகுபலி இயக்குனர் ராஜமவுலி உள்ளிட்ட 83 பேர்
பத்மஸ்ரீ விருதுக்கு தேர்வாகி உள்ளனர்.

ஏற்கனவே பத்ம பூஷண் விருது பெற்ற நடிகர் ரஜினிகாந்த் இம்முறை
பத்ம விபூஷண் விருதுக்கு தேர்வாகியிருக்கிறார். இந்தாண்டு பத்ம விருது
பட்டியலில் விளையாட்டுத் துறையில் பெண்கள் அதிக இடம் பெற்றுள்ளனர்.
சானியா, சாய்னா ஆகியோர் பத்ம பூஷண் பெற்றுள்ள நிலையில்,
வில் வித்தை வீராங்கனை தீபிகா குமாரி பத்மஸ்ரீ விருதுக்கு தேர்வாகி உள்ளார்.
குடியரசு தின விழாவை முன்னிட்டு அறிவிக்கப்படும்
இந்த விருது பட்டியலில் இருப்பவர்களுக்கு மார்ச் அல்லது ஏப்ரல் மாதத்தில்
ஜனாதிபதி பிரணாப் முகர்ஜி விருதுகளை வழங்கி கவுரவிப்பார்
-
-------------
தினகரன்

யினியவன் · யினியவன் Tue 26 Jan 2016 - 10:57

தமிழக தேர்தலை மனதிற்கொண்டு இவரின் ஆதரவு வேண்டி இருக்குமோ என்ற என்னத்தை தவிர்க்க இயலவில்லை.

சகிப்புத்தன்மை குறைந்துவிட்டதுன்னு இதில் எத்துனை பேர் திருப்பி தரப் போகிறார்களாம்? புன்னகை

**krishnaamma** · **krishnaamma** Tue 26 Jan 2016 - 11:44

யினியவன் wrote:தமிழக தேர்தலை மனதிற்கொண்டு இவரின் ஆதரவு வேண்டி இருக்குமோ என்ற என்னத்தை தவிர்க்க இயலவில்லை.

சகிப்புத்தன்மை குறைந்துவிட்டதுன்னு இதில் எத்துனை பேர் திருப்பி தரப் போகிறார்களாம்?

மேற்கோள் செய்த பதிவு: 1189638

ம்ம்.. எனக்கும் இப்படித்தான் தோன்றியது இனியவன்...........வர வர விருதெல்லாம் கூட அரசியல் ஆகிப்போச்சு சோகம்