காணாததைக் கண்டேன்

ச. சந்திரசேகரன் · 16/09/2012

காணாததை கண்டேன் : எந்தன் கவிதை

கண்ணே உன் கண்களிலே காந்தம் கண்டேன்
கார்குழலின் அசைவினிலே காற்றைக் கண்டேன்
கிளியுந்தன் பேச்சினிலே இனிமை கண்டேன்
கீழுதட்டுச் சிரிப்பினிலே வசியம் கண்டேன்
குமரியுன் நடையினிலே குழந்தைக் கண்டேன்
கூடிமகிழ்வேளையினில் பரத்தைக் கண்டேன்
கெண்டைபோல கண்களிலே காந்தம் கண்டேன்
கேள்விக்குறிக் காதினிலே செம்மைக் கண்டேன்
கைப்பிடித்த நாள்முதலாய்க் காவியம் கண்டேன்
கொவ்வைப்பழ உதட்டினிலே தேனைக் கண்டேன்
கோபுரக்கலசமதை நெஞ்சினில் கண்டேன்
கௌவுகின்ற வாயதனில் அமிலம் கண்டேன்
க முதல் கௌ வரை கவிதை தந்தேன்
ச.சந்திரசேகரன்்

**M.Jagadeesan** · **M.Jagadeesan** Sat Jan 23, 2016 5:14 am

" காந்தம் கண்டேன் " என்ற வார்த்தை இருமுறை வருகின்றன ; அதைத் தவிர்த்திருக்கலாம் .

வாயிலே அமிலம் இருந்தால் முத்தமிடும் காதலனின் கதி என்னாவது ? எனவே " கௌவுகின்ற வாயதனில் அமுதம் கண்டேன் " என்று எழுதி இருக்கலாம் .

மொத்தத்தில் கவிதை நன்று .

K.Senthil kumar · K.Senthil kumar Sat Jan 23, 2016 6:28 am

குமரியுன் நடையினிலே நடனம் கண்டேன் . என்று எழுதியிருந்தாலும் நன்றாக இருந்திருக்கும் ஐயா...
க முதல் கௌ வரை கவிதை அருமை ... மகிழ்ச்சி

யினியவன் · யினியவன் Sat Jan 23, 2016 1:01 pm

வாங்கிக் கட்டுவதால் அமிலத்தை கண்டதாக சொல்கிறார் புன்னகை

K.Senthil kumar · K.Senthil kumar Sat Jan 23, 2016 1:47 pm

யினியவன் wrote:வாங்கிக் கட்டுவதால் அமிலத்தை கண்டதாக சொல்கிறார்

மேற்கோள் செய்த பதிவு: 1188995

இதை வாங்கிக்கட்டினவர் சொல்கிறார்....

ஹீ ..ஹீ ... சிரி சிரி

**T.N.Balasubramanian** · **T.N.Balasubramanian** Sat Jan 23, 2016 2:17 pm

அமிலத்திற்கு மாற்றாக அமுதம் இருந்திருக்கலாம்
என்பதுதான் எந்தன் விருப்பமும் , M Jagadeesan .

இரு முறை காந்தம் கண்ணை ஒப்பிட்டே வந்துள்ளது

கவிதை நன்று
ரமணியன்