Latest topics

நிகழாண்டில் 5 சூரிய, சந்திர கிரகணங்கள்'

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

நிகழாண்டில் 5 சூரிய, சந்திர கிரகணங்கள்'

Post by ayyasamy ram Mon Jan 25, 2016 6:12 am

நிகழாண்டில் 2 சூரிய கிரகணங்களும், 3 சந்திர கிரகணங்களும்
என மொத்தம் 5 கிரகணங்கள் நிகழவுள்ளன என்று வானியல்
ஆய்வாளர்கள் தெரிவித்துள்ளனர்.

இதுதொடர்பாக, மத்தியப் பிரதேச மாநிலம், உஜ்ஜயினியில்
உள்ள ஜிவாஜி பல்கலைக்கழகத்தின் வானியல் ஆய்வு மையத்தின்
கண்காணிப்பாளர் ராஜேந்திர பிரகாஷ் குப்தா, இந்தூரில்
செய்தியாளர்களிடம் ஞாயிற்றுக்கிழமை கூறியதாவது:

நிகழாண்டின் முதல் சூரிய கிரகணம் மார்ச் மாதம் 9-ஆம் தேதி
நிகழவுள்ளது. இந்த வானியல் நிகழ்வு, இந்தியாவின் வடகிழக்கு
மாநிலங்களில் பகுதியளவு மட்டுமே தெரியும்.

அதைத் தொடர்ந்து செப்டம்பர் 1-ஆம் தேதி நிகழவுள்ள மற்றொரு
சூரிய கிரகணத்தை இந்தியாவில் காண முடியாது.

இதேபோன்று மார்ச் 23, ஆகஸ்ட் 18 ஆகிய தேதிகளில் நிகழவுள்ள
சந்திர கிரகணங்களையும் இந்தியாவில் பார்க்க இயலாது.
இருப்பினும், செப்டம்பர் 16-ஆம் தேதி மற்றொரு சந்திர கிரகணம்
நிகழவுள்ளது. அதை இந்தியாவின் அனைத்துப் பகுதிகளிலும் காணலாம்.

கடந்த ஆண்டு, தலா இரண்டு சூரிய, சந்திர கிரகணங்கள் நிகழ்ந்த
நிலையில், இந்த ஆண்டு மொத்தம் 5 கிரகணங்கள் நிகழவுள்ளன
என்று ராஜேந்திர பிரகாஷ் குப்தா தெரிவித்தார்.
-
------------------------
தினமணி

ayyasamy ram: வழிநடத்துனர்; பதிவுகள் : 84593
இணைந்தது : 30/09/2013