‘அங்க இங்க’ அசைய இயலாதவள்...!

**ayyasamy ram** · **ayyasamy ram** Sat Jan 23, 2016 6:25 pm

--
அங்க இங்க அசையப்படாது...’’
ஆற்றுப் பாறையில்
மூட்டைத் துணியை துவைக்க ஆரம்பித்த
பொன்னம்மை ஆச்சியின்
அதட்டலுக்கு அடங்கிப் போய்
அவளின் முதுகோடு முதுகாக
-
முகஞ் சுருங்கிப் போய்
அமர்ந்திருந்தாள் பொன்னி.
சாயங்கால வெயிலில்
தகதகத்தது தாமிரபரணி.
காந்திமதியும் கோமதியும்
பாவாடையில் மீன் பிடிக்கிறார்கள்.
-
சைலப்பனும் மாரியப்பனும்
தண்ணீருக்குள் கரணம் அடிக்கிறார்கள்.
நதியில் இறங்க நடுங்கி நின்ற
பட்டணத்து அபிஷேக்கை
பக்கத்து வீட்டு மாமா
-
அலேக்காகத் தூக்கி
அலற அலற நனைத்தெடுத்தபோது
பொங்கி வந்த சிரிப்பை
பொய்க் கோபத்துடன்
-
மறைக்கும் பொன்னியை
ஓரக் கண்ணால் கவனித்தபடி
குளிக்க இறங்குகிறது கோயில் யானை.
‘பராட்... பராட்...’ எனப் பாகன் தேய்க்க
-
கும்மாளத்துடன் குழந்தைகள்
நீர் வாரி இறைக்க
ஏக்கத்துடன் வெறிக்கிறாள் பொன்னி.
கரையேறிக் கடந்து போகையில்
தும்பிக்கை தண்ணீரை அவள்மீது
-
பூமாரி யானை பொழிய
கலகலவென்று சிரிக்கிறாள்.
‘அங்க இங்க’ அசைய இயலாதவளின்
அழகுச் சிரிப்பை அள்ளிக்கொண்டு
அசைந்து அசைந்து போகிறது யானை.
-
ராமலக்ஷ்மி
நன்றி- குங்குமம்

**T.N.Balasubramanian** · **T.N.Balasubramanian** Sat Jan 23, 2016 7:23 pm

தாமிரவருணி நதிக்கரை ,
கரையோர காட்சிகளை ,
ஈகரையோரம் கொணர்ந்தமைக்கு
ஈரேழு முறை நன்றி , a ram /ராமலஷ்மி

ரமணியன்

**T.N.Balasubramanian** · **T.N.Balasubramanian** Sat Jan 23, 2016 7:26 pm

அங்க இங்க என்று
அங்கமசைக்க முடியா
பொன்னி பாவமோ பாவம்,
பொழுது சாயும் வரை .

ரமணியன்

Sponsored content · Sponsored content

‘அங்க இங்க’ அசைய இயலாதவள்...!

‘அங்க இங்க’ அசைய இயலாதவள்...!

Re: ‘அங்க இங்க’ அசைய இயலாதவள்...!

Re: ‘அங்க இங்க’ அசைய இயலாதவள்...!

Re: ‘அங்க இங்க’ அசைய இயலாதவள்...!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக