"தைப்பூசத் திருநாளில் தொட்டதெல்லாம் துலங்கும்"

**சாமி** · **சாமி** Sat Jan 23, 2016 8:32 am

பரம்பொருளான முருகப்பெருமானின் திருவிழாக்களில் முக்கியமானது தைப்பூசம் ஆகும். இது தை மாதத்தில் பூச நட்சத்திரத்தன்று நிறைமதி (பவுர்ணமி) தினத்தன்றோ அல்லது அந்த தினத்தையொட்டியோ (ஓரிரு நாள் முன்பின்) தைப்பூசம் கொண்டாடப்படுகின்றது.

அசுரனின் பகையை அழிக்க அன்னையிடம் வீரவேலை வாங்கி, தமிழே கடவுளான முருகன் வேலை கையில் ஏந்திய நாளே தைப்பூசம் ஆகும். முருகப்பெருமானின் திருவிழாக்களில் முக்கியமானது தைப்பூசம் ஆகும். 27 நட்சத்திர மண்டலங்களில் எட்டாவது நட்சத்திரம் பூசம் ஆகும். தை மாதத்திலே பூச நட்சத்திரம் வரும் புண்ணிய நாள் தைப்பூச விழாவாக தமிழர்களால் கொண்டாடப் படுகின்றது. தைப்பூசம் வரும் நாள் பெரும்பாலும் நிறைமதி நாளாக இருக்கும்.

தைப்பூசம் முருகப்பெருமானுக்கு உரிய சிறப்பு தினமாகும். அன்றைய தினம் குழந்தைகளுக்கு தோடு குத்துதல், ஏடு தொடக்குதல் போன்றவற்றை சிறப்பாக செய்து வைப்பார்கள். மற்றும் அடியார்கள் காவடி எடுத்தல், கற்பூரச்சட்டி போன்ற நேர்த்திக்கடன்களை நிறைவேற்றுவார்கள்.இந்த நாளில் அறுபடை வீடுகள் உள்ளிட்ட அனைத்து முருகன் கோவில்களிலும், எல்லா சிவன் கோவில் களிலும் திருவிழாக்கள் நடைபெறுகின்றன. தமிழ்நாட்டில் மட்டுமல்லாது மலேசியா, சிங்கப்பூர் என உலகின் பல்வேறு நாடுகளில் உலகெங்கிலும் உள்ள தமிழர்களால் வெகு சிறப்பாக கொண்டாடப்படுகின்றது.

தைப்பூசத்தன்று முருகப் பெருமானின் கோவில்களில் பத்தர்கள் காவடி, பால்குடம் எடுத்தல் போன்ற பல்வேறு நேர்த்திக் கடன்களை செலுத்துகின்றனர். தைப்பூசத்தை முன்னிட்டு பத்தர்கள், மார்கழி மாத ஆரம்பத்தில் துளசி மாலை அணிந்து விரதத்தை தொடங்குகின்றனர். சஷ்டி கவசம், சண்முக கவசம், திருப்புகழ் போன்ற பாடல்களை அன்றாடம் முற்றோதல் செய்து தைப்பூசத்தன்று பழனி முருகன் கோவிலில் சிறப்பு வழிபாடு செய்து விரதத்தை முடிப்பார்கள்.

"தைப்பூச திருநாளில் தொட்டதெல்லாம் துலங்கும்" என்பது பழமொழியாக அமைவதால்; ஏடு தொடக்கம், பெண் குழந்தைக்கு காது, மூக்கு குத்துதல், திருமணப் பேச்சுக்கள் ஆரம்பித்தல், ஒப்பந்தங்கள் செய்தல் போன்ற நற்செயல்கள் மேற் கொள்ளப்பெறுகின்றன.

இத் தைப்பூசத்திருநாளிலே தொடங்கும் செயல்கள் தொய்வின்றி இனிதே நிறைவேறும் என்பது காலம் காலமாக நாம் கண்டுள்ள உண்மையாகும். முருகப்பெருமானின் அருளை உள்ளத்தில் இருத்தி அச்சம் இல்லாத நிம்மதியான பெருவாழ்வை எதிர் கொள்ள இத் தைப்பூச நன்னாளிலே சிவசக்தி பேரருளை நாடி வழிபடுவோம்!!!

**ayyasamy ram** · **ayyasamy ram** Sat Jan 23, 2016 8:49 am

"தைப்பூசத் திருநாளில் தொட்டதெல்லாம் துலங்கும்" 103459460

-

"தைப்பூசத் திருநாளில் தொட்டதெல்லாம் துலங்கும்" AnGFPeuKSVWgzTGBhEHx+images

-

"தைப்பூசத் திருநாளில் தொட்டதெல்லாம் துலங்கும்" CIm9HnsjSFidbSLPk6CO+d8f3873427a466a3ba399c4941c60b3b

-

"தைப்பூசத் திருநாளில் தொட்டதெல்லாம் துலங்கும்" YumUWd9pSqGN7AiWZUXU+images.jpg1

-
இந்த தைப்பூச நன்னாளின் பெருமைகள் பற்றி
திருஞானசம்பந்த சுவாமிகள் அவருடைய தேவார பதிகம் ஒன்றில் சிறப்பித்துப்
பாடியுள்ளார்.

தைப்பூசு மொண்கண் மடநல்லார் மாமயிலைக்

கைப்பூசு நீற்றான் கபாலீச் சரமமர்ந்தான்

நெய்ப்பூசு மொண்புழுக்க ணேரிழையார் கொண்டாடும்

தைப்பூசங் காணாதே போதியோ பூம்பாவாய்.

இவ்வாறு பல சிறப்பு வாய்ந்த இந்த தைப்பூச திருநாளில்
ஆலய தரிசனங்கள் செய்து விரதங்கள், தலயாத்திரைகள்
மேற்கொள்வோரும், மனச் சுத்தியுடன் இறைவனை நினைத்து
இறை பஜனைகள் மற்றும் பிரார்த்தனைகள் செய்வோர்
அனைவரும் அனைத்து விதமான பாவங்களும் நீக்கப்பெற்று
இறையருளால் நலமாக வாழ்வர் என்பது தைப்பூச நன்னாளின்
பெருமையாக உள்ளது.
-

**T.N.Balasubramanian** · **T.N.Balasubramanian** Sat Jan 23, 2016 7:37 pm

"தைப்பூச திருநாளில் தொட்டதெல்லாம் துலங்கும்" என்பது பழமொழியாக அமைவதால்; ஏடு தொடக்கம், பெண் குழந்தைக்கு காது, மூக்கு குத்துதல், திருமணப் பேச்சுக்கள் ஆரம்பித்தல், ஒப்பந்தங்கள் செய்தல் போன்ற நற்செயல்கள் மேற் கொள்ளப்பெறுகின்றன.

இத் தைப்பூசத்திருநாளிலே தொடங்கும் செயல்கள் தொய்வின்றி இனிதே நிறைவேறும் என்பது காலம் காலமாக நாம் கண்டுள்ள உண்மையாகும். முருகப்பெருமானின் அருளை உள்ளத்தில் இருத்தி அச்சம் இல்லாத நிம்மதியான பெருவாழ்வை எதிர் கொள்ள இத் தைப்பூச நன்னாளிலே சிவசக்தி பேரருளை நாடி வழிபடுவோம்!!!