பிரதமர் மோடி விழாவில் பரபரப்பு ; கோஷம் போட்ட மாணவர்கள் வெளியேற்றம்

லக்னோ :
உத்திரபிரதேச மாநிலத்தில் பிரதமர் மோடி பல்வேறு நிகழ்ச்சிகளில்
பங்கேற்றார். லக்னோவில் உள்ள அம்பேத்கர் பல்கலை., பட்டமளிப்பு
விழாவில் பங்கேற்று பேசினார்.

அப்போது, ஐதராபாத் மாணவர்கள் எழுந்து பிரதமருக்கு எதிராக கோஷம்
எழுப்பினர். போலீசார் அந்த மாணவர்களை வெளியேற்றி அப்புறப்படுத்தினர் .
மாணவர்கள் மத்தியில் பிரதமர் மோடி பேசியதாவது :

அம்பேத்கர் இந்த நாட்டுக்காக பல்வேறு தியாகங்கள் செய்துள்ளார்.
கல்வியில் புரட்சி செய்துள்ளார் .நீங்கள் எவ்வளவு தூரம் கற்கிறீர்களோ
அந்த அளவிற்கு வாழ்வில் எந்த சவாலையும் சந்திக்க முடியும் .
கல்வி நமது வாழ்வை மாற்றும். அவர் பல்வேறு விமர்சனங்களுக்கு உள்ளானார்.
ஆனாலும் அவரது சமூக பணியில் இருந்து அவர் விலகவில்லை. உயர்ந்த
எண்ணங்கள் , தொலைநோக்கு எண்ணம் கொண்டவராக வாழ்ந்தார் .
எத்தனை இடர்கள் வந்தாலும் அவர் மனம் தளரவில்லை. அம்பேத்கர்
ஏழைகளுக்காக, தலித் மக்களுக்காக உழைத்தார். இந்த நாட்டிற்காக வாழ்ந்து
இந்த நாட்டிற்காக உயிரை துறந்தார் .அம்பேத்கர் சிறந்த சிந்தனையாளர் .
-
தோல்விகளே வெற்றியின் அடிக்கல்லாக அமையும் .மாணவர்கள்
ஊக்கம் இழக்காமல் உழைக்க வேண்டும் .
-
ஐதராபாத்தில் ஒரு மாணவனை இழந்த தாயின் துயரம் எனக்கு தெரியும்.
அந்த வலியை நானும் உணர்கிறேன். மாணவர்கள் மனம் வலிமையுடன்
இருக்க வேண்டும் .
இவ்வாறு அவர் பேசினார்.
-
மாணவர்கள் போராட்டம்:
-
பிரதமர் மோடி பேச்சை துவக்கியதும் அரங்கில் இருந்த ஐதராபாத்தை சேர்ந்த
சிலர், ஐதராபாத் பல்கலை., மாணவன் ரோஹித் வெமுலா தற்கொலை தொடர்பாக
குரல் எழுப்பி கோஷமிட்டனர் .இதனையடுத்து போலீசார் அந்த மாணவர்களை
அப்புறப்படுத்தினர். இதனால் விழா துவங்கும் போது சிறிது பரபரப்பு ஏற்பட்டது .
-
---------------------
தினமலர்