Latest topics

தமிழகத்தில் 5 கோடியே 79 லட்சம் வாக்காளர்கள்: இறுதி வாக்காளர் பட்டியல் வெளியீடு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தமிழகத்தில் 5 கோடியே 79 லட்சம் வாக்காளர்கள்: இறுதி வாக்காளர் பட்டியல் வெளியீடு

Post by கார்த்திக் செயராம் Wed 20 Jan 2016 - 20:23

தமிழகத்தில் புதனன்று வெளியிடப்பட்ட இறுதி வாக்காளர் பட்டியலின்படி, மாநிலத்தில் சுமார் 5 கோடியே 79 லட்சம் வாக்காளர்கள் இருப்பதாக தெரிவிக்கப்பட்டுள்ளது.

தமிழக சட்டமன்றத் தேர்தலுக்கு இன்னும் சில மாதங்களே இருக்கும் நிலையில், இறுதி வாக்காளர் பட்டியல் இன்று வெளியிடப்பட்டது.

அதன்படி, தமிழகத்தில் ஐந்து கோடியே 79 லட்சத்து 72 ஆயிரத்து 690 வாக்காளர்கள் இருக்கின்றனர்.

இவர்களில் ஆண் வாக்காளர்கள் 2,88,17,750 பேர் என்றும் பெண் வாக்காளர்கள் 2,90,93,349 பேர் என்றும் மூன்றாம் பாலினத்தவர் 4,383 பேர் என்றும் கூறப்பட்டிருக்கிறது.

மாநிலத்திலேயே அதிகபட்சமாக சென்னை மாவட்டத்தில்தான் 39,47,016 வாக்காளர்கள் இடம்பெற்றுள்ளனர். குறைந்தபட்சமாக, பெரம்பலூர் மாவட்டத்தில் 4,97,734 வாக்காளர்கள் இடம்பெற்றுள்ளனர்.

காஞ்சிபுரம் மாவட்டத்தில் உள்ள சோழிங்கநல்லூர் தொகுதியில்தான் மாநிலத்திலேயே அதிக வாக்காளர்கள் இடம்பெற்றுள்ளனர்.

இந்தத் தொகுதியில் மட்டும் 5,75,773 பேர் வசிக்கின்றனர்.

குறைந்த வாக்காளர்களைக் கொண்ட தொகுதியாக நாகப்பட்டினம் மாவட்டத்தில் உள்ள கீழ்வேளூர் தனித் தொகுதி இருக்கிறது.

இந்தத் தொகுதியில் 1,63,189 பேர் இருக்கின்றனர்.

நன்றி பிபிசி தமிழ்

எல்லா மொழியையும் வாசிப்போம்
தமிழை மட்டும் நேசிப்போம் & சுவாசிப்போம்

கார்த்திக் செயராம்: சிறப்புப் பதிவாளர்; பதிவுகள் : 1585
இணைந்தது : 29/10/2015