சென்னை மாணவர் ஜேம்ஸ் ஜான் பிரிட்டோ--சி.ஏ. இறுதி தேர்வில் சாதனை

by **T.N.Balasubramanian** Mon Jan 18, 2016 6:09 pm

சி.ஏ. இறுதி தேர்வில் சென்னை மாணவர் ஜேம்ஸ் ஜான் பிரிட்டோ அகில இந்திய அளவில் முதலிடத்தைப் பிடித்து சாதனை படைத்துள்ளார்.

சென்னை மாணவர் ஜேம்ஸ் ஜான் பிரிட்டோ--சி.ஏ. இறுதி தேர்வில் சாதனை MJtcAt6GSM2TQsQrpBTs+james_jihn_britto_2700512h

சி.ஏ. எனப்படும் கணக்கு தணிக்கையாளர் படிப்புக்கான தேர்வை இந்திய கணக்கு தணிக்கையாளர் நிறுவனம் நடத்தி வருகிறது. சிஏ இறுதி தேர்வுகள் கடந்த ஆண்டு நவம்பர் மாதம் நடத்தப்பட்டன. இந்த நிலையில், தேர்வு முடிவுகள் நேற்று அறிவிக்கப்பட்டன.

அதன்படி, சென்னையைச் சேர்ந்த ஆர். ஜேம்ஸ் ஜான் பிரிட்டோ அகில இந்திய அளவில் முதலிடத்தைப் பிடித்து சாதனை படைத்துள்ளார். அவர் 800-க்கு 595 மதிப்பெண் ( 74.38 சதவீதம்) பெற்றார். அவரைத் தொடர்ந்து, திருப்பதியைச் சேர்ந்த நகோலு மோகன் குமார் என்பவர் 800-க்கு 572 மதிப்பெண் எடுத்து 2-ம் இடத்தையும், கொல்கத்தாவைச் சேர்ந்த அவினாஷ் சஞ்செட்டி 800-க்கு 566 மதிப்பெண் எடுத்து 3-ம் இடத்தையும் பிடித்தனர்.

அகில இந்திய அளவில் தொகுதி-1 இறுதி தேர்வு எழுதிய 77,442 பேரில் 9,764 பேரும், அதேபோல், தொகுதி-2 இறுதி தேர்வெழுதிய 75,774 பேரில் 9,084 பேரும் தேர்ச்சி பெற்றுள்ளனர். தொகுதி-1, தொகுதி-2 இரு இறுதி தேர்வுகளையும் சேர்த்து எழுதிய 42,469 பேரில் 2,440 பேர் வெற்றிபெற்றுள்ளனர்.

மேலும், கடந்த டிசம்பர் மாதம் நடைபெற்ற சிஏ படிப்புக்கான முதல்கட்ட தேர்வான பொது தகுதி தேர்வை (Common Proficiency Test-CPT) 99 ஆயிரத்து 077 பேர் எழுதினர். அவர்களில் 34,129 பேர் தேர்ச்சி பெற்றுள்ளதாக இந்திய கணக்கு தணிக்கையாளர் பயிற்சி நிறுவனம் அறிவித்துள்ளது.

நன்றி தமிழ் ஹிந்து

ரமணியன்

by **T.N.Balasubramanian** Mon Jan 18, 2016 6:12 pm

ஜேம்ஸ் ஜான் பிரிட்டோ அகில இந்திய அளவில் முதலிடம் பெற்ற சாதனைக்கு வாழ்த்துவோம் அன்பு மலர்

இம்முறை தேர்வு 5.7 % தான் பொதுவாக 4 ---5 % தேர்ச்சி இருக்கும்

ரமணியன்

சென்னை மாணவர் ஜேம்ஸ் ஜான் பிரிட்டோ--சி.ஏ. இறுதி தேர்வில் சாதனை

சென்னை மாணவர் ஜேம்ஸ் ஜான் பிரிட்டோ--சி.ஏ. இறுதி தேர்வில் சாதனை

Re: சென்னை மாணவர் ஜேம்ஸ் ஜான் பிரிட்டோ--சி.ஏ. இறுதி தேர்வில் சாதனை