தாயின் அன்பு

by சசி Mon 18 Jan 2016 - 18:09

மனதை மயக்கும்
சிரிப்பு அக்குழந்தையிடம்
இல்லை!

அழகு குழந்தை
ஆண்டவன் கொஞ்சம்
கோவத்தில் படைத்து
விட்டான் போலும்!

மூளையில் கோளாறு

முகம் பார்த்து
சிரிக்க மறுக்கும் குழந்தை!

தாயோ
முகமதையே பார்த்து
உச்சி முகர்ந்திடுவாள்!

கண்கள் நேரிடையாக
பார்க்க தெரியாத குழந்தை!

தாயோ
கண்ணார கண்களையே
நோக்கிடுவாள்!

கைப்பிடிக்க தெரியா குழந்தை!

தாய் அவளோ கைதனையே
தன் குழந்தைக்கு
தந்திடுவாள்!

கால் தடுமாறும் குழந்தை

தாய் அவளோ
ஊன்று கோலாய்
உடனிருப்பாள்!

காலங்கள் கடந்து
செல்கையில்
குழந்தையிடம் மாற்றம்!

குழந்தை தாயை
பார்த்தது!
முகமதையே பார்த்து
முத்தத்தால் மகிழ்ச்சியை
தந்தது!

முகம் மகிழ்ச்சி மலர்ந்தது!
எச்சில் ஒழுகும் வாயில்
அன்பு வழிந்தது!

தடுமாறும் வார்த்தைகளில்
தன்னம்பிக்கை தெரிந்தது!

இதெல்லாம் தாயானவள்
அன்பினால் சாதித்தவை!

மருத்துவராக
ஆசானாக
பயிற்சியாளராக
கடவுளாக
எல்லாமுமாக
ஓர் தாயால்
சாதிக்க முடியும்!
இந்த தாயும் சாதித்தால்!
எந்த தாயும் விலக்கு அல்ல!

அன்பு அனைத்தையும்
வெல்லும்!

by **M.Jagadeesan** Mon 18 Jan 2016 - 18:36

ஆண்டவன் அவசரத்தில் அரைகுறையாகப் படைத்தாலும், தாயின் அன்பு எல்லா குறைகளையும் சரி செய்துவிட்டது . கருத்துள்ள கவிதைக்குப் பாராட்டுக்கள் .

by **ஜாஹீதாபானு** Mon 18 Jan 2016 - 19:08

அருமை அருமை சசி புன்னகை

by **T.N.Balasubramanian** Mon 18 Jan 2016 - 19:46

அதுதான் தாயின் அன்பு .
அழகுற கூறியுள்ளீர் ,சசி .
அருமையாக இருக்கிறது .

ரமணியன்

by சசி Mon 18 Jan 2016 - 23:06

T.N.Balasubramanian wrote:அதுதான் தாயின் அன்பு .
அழகுற கூறியுள்ளீர் ,சசி .
அருமையாக இருக்கிறது .

ரமணியன்

மேற்கோள் செய்த பதிவு: 1188312

[size=34]மிகவும் நன்றி ஐயா
[/size]

by சசி Mon 18 Jan 2016 - 23:08

M.Jagadeesan wrote:ஆண்டவன் அவசரத்தில் அரைகுறையாகப் படைத்தாலும், தாயின் அன்பு எல்லா குறைகளையும் சரி செய்துவிட்டது . கருத்துள்ள கவிதைக்குப் பாராட்டுக்கள் .

மேற்கோள் செய்த பதிவு: 1188304

தாயின் அன்பிற்கு ஈடு இணை கிடையாது
நன்றி ஐயா