"குடியரசுதின நாளில் கொல்வோம் " அன்னா ஹசாரேவுக்குமா மிரட்டல் ?

**ayyasamy ram** · **ayyasamy ram** Mon Jan 18, 2016 7:05 am

புதுடில்லி:
காந்தியவாதியான சமூக ஆர்வலர் அன்னா ஹசாரேவுக்கு
கொலை மிரட்டல் கடிதம் வந்துள்ளது
இது குறித்து போலீசார் தீவிரமாக விசாரித்து வருவதுடன்
அவருக்கான பாதுகாப்பும் பலப்படுத்தப்பட்டுள்ளது .

ஊழலுக்கு எதிரான லோக்பால் மசோதா நிறைவேற்ற
மத்திய அரசை வலியுறுத்தி நாடு முழுவதும் பெரும் உணர்வலையை
எழுப்பியவர் அன்னா ஹசாரே. அறவழியில் நடந்த இவரின்
போராட்டத்திற்கு பணிந்து காங்கிரஸ் அரசு லோக்பால் மசோதா
கொண்டு வர முன் வந்து பார்லிமென்ட்டில் தாக்கல் செய்தது .

போராட்டம் நடத்தும் நேரத்தில் மட்டும் டில்லிக்கு வரும் ஹசாரே
எப்போதும் அவரது சொந்த ஊரான ராலேகான்சித்தியில் இருந்து
வருகிறார் இவரது அலுவலகத்திற்கு ஒரு எவ்வித முகவரியும்
இல்லாமல் ஒரு மிரட்டல் கடிதம் வந்துள்ளது. கைப்பட எழுதப்பட்டுள்ள
அக்கடிதத்தில் கூறப்பட்டிருப்பதாவது:

ஊழலுக்கு எதிராக பேராடுவதாக பலர் பணம் சம்பாதித்துள்ளனர் ,
இதற்கு காரணமான உங்களை வரும் 26 ம் தேதி குடியரசு தின
விழாவில் கொலை செய்வோம் அந்நாள் தான் உங்களுக்கு இறுதி
நாளாக இருக்கும். அதனால் உங்கள் அரசியல் வாரிசை அறிவித்து
கொள்ளுங்கள். இவ்வாறு கூறப்பட்டுள்ளது .

இது குறித்து எஸ் பி பங்கஜ் தேஷ்முக் கூறுகையில்; கடிதம் குறித்து
விசாரித்து வருகிறோம் .இது போல் ஏற்கனவே ஒரு மிரட்டல் கடிதம்
வந்துள்ளது. இருப்பினும் ஹசாரே வீட்டில் பாதுகாப்பு அதிகரித்துள்ளோம்.

ஹசாரே உதவியாளர் ஷியாம் பத்தாதே பிடிஐ க்கு அளித்த பேட்டியில் ;
கடிதம் வந்துள்ளது உண்மைதான், ஆனால் ஹசாரே இது போன்ற
மிரட்டலுக்கு பயப்பட மாட்டார் , கருத்து எதுவும் சொல்ல மாட்டார்,
இதனை பொருட்படுத்தவில்லை என்றார்.
-
--------------------------
தினமலர்

"குடியரசுதின நாளில் கொல்வோம் " அன்னா ஹசாரேவுக்குமா மிரட்டல் ?

"குடியரசுதின நாளில் கொல்வோம் " அன்னா ஹசாரேவுக்குமா மிரட்டல் ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக