தெரிந்து தான்!

**ayyasamy ram** · **ayyasamy ram** Sun Jan 17, 2016 6:30 am

-

தெரிந்துதான் செய்கிறோம்...
பிளாஸ்டிக் கழிவுகளையும்
மிச்சம் மீதிகளையும்
வீதிக் கால்வாய்களில் போடுகிறோம்!
-
வீட்டை பெருக்கி
குப்பைக் கூளங்களை
குப்பைத் தொட்டியில் போடாமல்
தெருவில் கொட்டுகிறோம்!
-
கழிப்பறைக் குழாயில் மட்டுமல்ல
சாக்கடைக் குழாய்களிலும்
வேண்டாததைப் போட்டு
தண்ணீர் ஊற்றி விடுகிறோம்!
-
கட்டட இடிபாடுகளைக் கொட்டி
நம் வீட்டை மட்டும் மேடாக்கி
சுயநலத்துடன் தண்ணீர் வராமல்
தற்காத்துக் கொள்கிறோம்!
-
ஆறு, குளம், ஏரி, கால்வாய்களை
ஆக்கிரமித்து பிளாட் போட்டு
கட்டடங்கள் கட்டிக் கொள்கிறோம்!
-
விதி மீறல்களுக்கும், ஊழல்களுக்கும்
லஞ்சத்திற்கும் ஆதரவு அளித்து
அதிகாரத்திற்கு அடிபணிந்து
சுயநலவாதிகளாக செயல்படுகிறோம்!
-
இத்தனையையும் செய்யும் நமக்கு
தெரிந்தது ஒன்று தான்...
அரசையும், அதிகாரிகளையும்
குறை சொல்லிக் கொண்டிருப்பது!
-
------------------------------
— சொல்கேளான் ஏ.வி.கிரி,
வாரமலர

**T.N.Balasubramanian** · **T.N.Balasubramanian** Sun Jan 17, 2016 7:19 am

இத்தனையையும் செய்யும் நமக்கு
தெரிந்தது ஒன்று தான்...
அரசையும், அதிகாரிகளையும்
குறை சொல்லிக் கொண்டிருப்பது!

உண்மையிலும் உண்மை மகிழ்ச்சி

ரமணியன்

**கார்த்திக் செயராம்** · 29/10/2015

இது ஓரு நல்ல பதிவு அய்யாசாமி அய்யா..

நாம் அடுத்தவரின் மேல் பழி போடுவது வாடிக்கையாக விட்டது..

குடிமகன்கள் குடிப்பதற்கு டாஸ்மாக் கை குறை சொல்கிறோம்..

டாஸ்மாகில் சாராயம் விற்கிறது..ஏன் பக்கத்து பூச்சி மருந்து கடையில் பூச்சிமருந்து விற்பனை செய்யபடுகிறது ஏன் பூச்சிமருந்து வாங்கி குடிக்க வேண்டியது தானே ??

அனைத்து தவறுகளையும் நாம் செய்துவிட்டு அடுத்தவர் மேல் பழிபோடுவது நம் குனமே..

இந்த பதிவைத் துவங்கியவர் நன்றி கூறியுள்ளார் கார்த்திக் செயராம்