விவேகானந்தர் பாறைக்கு ஒரு விசிட்

**ayyasamy ram** · **ayyasamy ram** Fri Jan 15, 2016 1:41 pm

-

விவேகானந்தர் பாறைக்கு ஒரு விசிட் PFecQ5W2Tie7dcanVlbO+vivekananda

-

விவேகானந்தர் பாறைக்கு ஒரு விசிட் ExNOFf9vTwGbHoaQKV3Q+vivekanandaRock

-

இந்தியாவின் தெற்கு மூலை என்று அழைக்கப்படும் கன்னியாகுமரிக்கு, இந்தியப் பெருங்கடல், வங்காள விரிகுடா, அரபிக் கடல் ஆகிய மூன்று கடல்களும் கலக்கும் இடத்தில் உள்ள மாவட்டம் என்ற பெருமையும் உள்ளது.

அப்பகுதியில் அமைந்துள்ள மிகவும் பிரசித்தி பெற்ற கன்னியாகுமரி அம்மன் பெயராலேயே அந்த மாவட்டம் அழைக்கப்படுகிறது. சூரிய உதயத்தையும், சூரிய அஸ்தமனத்தையும் காண ஏராளமான சுற்றுலாப் பயணிகள் கன்னியாகுமரி கடற்கரைக்கு வருகை தருகின்றனர்.

கன்னியாகுமரி கடற்கரைக்கு மேலும் சிறப்பு சேர்க்கும் வகையில், விவேகானந்தர் பாறையும், திருவள்ளுவர் சிலையில் அமைந்துள்ளன. இது மட்டும் அல்லாமல், பாறைகள் நிறைந்த இந்த கடற்கடையே தனிச் சிறப்புத்தான்.

விவேகானந்தர் பாறை

விவேகானந்தர் பாறையின் சிறப்புக்களை பலரும் அறிந்திருப்பர். கடற்கரையில் இருந்து சுமார் 200 மீட்டர் தூரத்தில் இரட்டைப் பாறைகள் மீது அமைந்துள்ளது விவேகானந்தர் நினைவு மண்டபம்.

அதாவது, 1892ஆம் ஆண்டு டிசம்பரில் குமரிமுனை வந்தார் சுவாமி விவேகானந்தர். அங்கு குமரிமுனைப் பாறையில் அவர் தவம் செய்த இந்த பாறையில்தான் அவருக்கு ஞான ஒளி கிடைத்தது. அதன்பிறகே அவர் தனது வாழ்க்கையில் மிகப்பெரும் சாதனைகளை செய்தார். சிகாகோவில் நடைபெற்ற சர்வ சமயப் பேரவையில் சரித்திரத்தில் பதிவாகும் பேச்சினைப் பேசினார்.

அவரது நினைவாக, அந்த பாறைக்கு விவேகானந்தர் பாறை என்று பெயரிடப்பட்டு, அங்கு அவருக்கு நினைவு மண்டபம் கட்டப்பட்டது.

கடலுக்கு நடுவில் இருக்கும் இரட்டை பாறை மீது மிக அழகான கலை நயத்துடன், விவேகானந்தர் நினைவு மண்டபமும், தியான மண்டபமும் அமைந்துள்ளன.

கடற்கரையில் இருந்து விவேகானந்தர் பாறையைக் கண்டு களிக்க படகுப் போக்குவரத்து இயக்கப்படுகிறது. விவேகானந்தர் பாறையில் ஒரு படகு மட்டுமே நிறுத்த வசதி செய்யப்பட்டுள்ளதால், கரையில் இருந்து ஒரு படகு கிளம்பிச் சென்று பயணிகளை விட்டுவிட்டு திரும்பினால்தான், அடுத்த படகு செல்ல முடியும். இதனால், விவேகானந்தர் பாறையைக் காண வார இறுதி நாட்களில் ஏராளமான பயணிகள் பல மணி நேரம் வரிசையில் காத்திருந்து விவேகானந்தர் பாறையைக் காணும் நிலை உள்ளது.

சிலர் அவ்வளவு நேரம் காத்திருக்க முடியாது என்பதால், கடற்கரையில் இருந்தே விவேகானந்தர் பாறையை பார்த்துச் செல்லும் நிலையும் ஏற்படுகிறது. எது எப்படி இருந்தாலும், பல மணி நேரம் காத்திருந்து விவேகானந்தர் பாறைக்குச் சென்றதும், சுற்றுலாப் பயணிகள் பரவசம் அடைவதற்கு ஈடு இணையே இல்லை.

காலை 5 மணிக்கு எல்லாம், கன்னியாகுமரி கடற்கரையில் மக்கள் கூட்டம் நிரம்பி வழிகிறது. இதற்குக் காரணம், காலை வேளையில் சூரிய உதயத்தைக் காணவே. அப்போதும், கடைகளும், உணவுப் பண்டங்கள் விற்பனையும் ஜரூராக நடைபெறுவதைக் காணலாம்.

By Vanisri Sivakumar– தினமணி

விவேகானந்தர் பாறைக்கு ஒரு விசிட்

விவேகானந்தர் பாறைக்கு ஒரு விசிட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக