பத்து செகண்ட் கதைகள் - தொடர் பதிவு

by **ayyasamy ram** Fri Jan 15, 2016 6:21 pm

-
கண்டனம்
-
இணையத்தில் பரவி வரும் ஆபாசப் பாடலைத்
தடையெய்யக் கோரிப்போகிற மாபெரும் கண்டன
உர்வலத்தை, மெதுவாக ஊர்ந்து கடந்தன
ஆற்றுமணல் அள்ளிய லாரிகள்!
-
இன்பா
-
-----------------------------------

by **T.N.Balasubramanian** Fri Jan 15, 2016 6:35 pm

அருமை 10 செகண்டில் அறிய கருத்துகள்

ரமணியன்

by **ayyasamy ram** Tue Jan 26, 2016 10:10 pm

by **ayyasamy ram** Tue Jan 26, 2016 10:12 pm

by **krishnaamma** Tue Jan 26, 2016 11:28 pm

ayyasamy ram wrote:

-----------------------------------[/size]

மேற்கோள் செய்த பதிவு: 1187949

அருமை , அருமை , அருமை ராம் அண்ணா புன்னகை

..எவ்வளவு நுணுக்கமாய் சொல்லி விட்டார் அந்த முனிவர் புன்னகை

விஷ மருந்து

டயாபடீஸுக்கு மாத்திரைகள் தந்துவிட்டு, மீதம் ஒரு ரூபாய் சில்லறை இல்லாததால் அதற்குப் பதிலாக அவனிடம் மருந்துக்கடைக்காரர் சாக்லேட் ஒன்றைத் தந்தார்!

பிரார்த்தனை

`சிவப்பு விளக்கு அணையக் கூடாது’ என வேண்டிக்கொண்டான், சிக்னலில் பொம்மை விற்கும் சிறுவன்!

கால்ஷீட்

“ஹீரோயின் சம்மதம் சொல்லிட்டாங்க. நீங்க ஸ்கிரிப்ட்டை ரெடி பண்ணிட்டீங்கன்னா, அட்வான்ஸ் குடுத்திரலாம். நாளைக்கே பிரசாரத்துக்கு அழைச்சிட்டு வந்துடறேன்” என்றார் தலைவரிடம் கட்சியின் கொள்கை பரப்புச் செயலாளர்!

செல்ஃபி நேரம்

மயானத்தில் சடலம் கிடத்தப்பட்டிருந்தது. முகத்தை மூட கடைசி வரட்டி காத்திருந்தபோது, ‘`முகத்தை மூடப்போறேன்... செல்ஃபி எடுக்கிறவங்க எடுத்துக்கலாம்’’ எனக் குரல் வந்தது!

செம கலாய்...

ஜாலியாகக் கலாய்த்ததில் கோபப்பட்டு வெளியேறினார் வேணு மாமா.

‘Venu Uncle Left’ எனக் காட்டியது வாட்ஸ்அப் குரூப்!

தெளிவு

“ `வேலைக்குப் போற மருமகள்தான் வேணும்’னு சொல்றியே ஏன்?”

“அப்போதான் குழந்தைகளைப் பார்த்துக்க, நம்மை வீட்டோட வெச்சுப்பாங்க!”

தீர்மானம்

`காப்புக் கட்டிய பிறகு, வெளியூர் போகக் கூடாது!’ என்ற ஊரார் உத்தரவுக்குப் பணிந்து, ‘கோயிலிலேயே திருடுவது’ எனத் தீர்மானித்தான் திருடன்!

வாழ்க்கை முரண்

``மின்சாரம் கிடையாது; இணையம் பாதிப்பு. மொபைல் சிக்னல் இல்லாமல், வீட்டுக்குள்ளேயே கிடந்து, குடும்பத்தினருடன் பேசிக்கொண்டிருந்த காலத்தைத்தான் `இயல்பு வாழ்க்கை பாதித்தது’ என்கிறார்கள்’’ எனப் புலம்பினார் ராமசாமி தாத்தா!

கோரிக்கை

கடைசிக் காலத்தை முதியோர் இல்லத்தில் கழித்த வசந்தி பாட்டி சொன்னார், “அநாதை இல்லத்தையும், முதியோர் இல்லத்தையும் ஒரே இடத்தில் வைக்கலாம். ரெண்டு பேருக்கும் அன்பு கிடைக்கும்!”

காணவில்லை

‘‘டாட்... இங்க இருந்த ரிவர் எங்கே?” - பாலத்தின் மேல் காரில் சென்றுகொண்டிருந்த யுவன், அப்பாவிடம் கேட்டான்!

நன்றி விகடன்

vikatan

by **krishnaamma** Thu Jan 28, 2016 10:20 am

எல்லாமே அருமை கார்த்திக் புன்னகை

........................... மகிழ்ச்சி

.
.
.
//தெளிவு

“ `வேலைக்குப் போற மருமகள்தான் வேணும்’னு சொல்றியே ஏன்?”

“அப்போதான் குழந்தைகளைப் பார்த்துக்க, நம்மை வீட்டோட வெச்சுப்பாங்க!”//

இது மனசுக்கு கஷ்டமாய் இருந்தது சோகம்