மாமியாரைக் கொல்ல முயற்சி: மருமகள் கைது; ரகசிய கேமராவில் சிக்கினார்

-
உத்தரப் பிரதேச மாநிலம், பிஜ்னோரில் மாமியாரின் கழுத்தை நெரித்து கொல்ல முயன்ற மருமகள், வீட்டில் இருந்த ரகசிய கேமரா மூலம் போலீஸிடம் சிக்கினார்.

இதுகுறித்து போலீஸார் கூறியதாவது:

பிஜ்னோரைச் சேர்ந்தவர் சந்தீப் ஜெயின். அவரது மனைவியான சங்கீதா ஜெயினுக்கு, கணவர் மற்றும் மாமியார் ராஜ்ராணி ஜெயினுடன் ஏற்பட்ட கருத்து வேறுபாட்டை அடுத்து, அங்குள்ள நீதிமன்றத்தில் விவாகரத்து கோரி வழக்கு தொடர்ந்துள்ளார்.
இதனிடையே தன்னிடம் வரதட்சிணை கேட்டு கொடுமை செய்ததாக சங்கீதா அளித்த புகாரின் பேரில், கணவர் சந்தீப் கடந்த 4-ஆம் தேதி போலீஸ் காவலில் வைக்கப்பட்டு விடுவிக்கப்பட்டார்.

இந்நிலையில், தான் இல்லாத நேரத்தில் தன் பெற்றோரை சங்கீதா கொடுமைப்படுத்தலாம் என்ற சந்தேகத்தின்பேரில் தன் தாயின் அறையில் சிசிடிவி கேமராவை சந்தீப் பொருத்தியிருந்தார்.

கடந்த 5-ஆம் தேதி, சிசிடிவி கேமரா காட்சிகளைப் பார்வையிட்ட சந்தீப் அதிர்ச்சி அடைந்தார். அதில், சங்கீதா, 70 வயதான மாமியார் ராஜ்ராணியை கண்மூடித்தனமாக அடித்து, பின்னர் ஒரு துணியால் கழுத்தை நெரித்தது போன்ற காட்சிகள் பதிவாகியிருந்தன.

இதைத் தொடர்ந்து, அந்த விடியோ ஆதாரத்துடன் சங்கீதா மீது புகார் அளிக்க நேத்தார் காவல் நிலையத்துக்குச் சென்ற சந்தீப்பை, போலீஸார் திருப்பி அனுப்பியதாக கூறப்படுகிறது.
பின்னர் பிஜ்னோர் மாவட்ட காவல் துறைக் கண்காணிப்பாளரிடம், சந்தீப் திங்கள்கிழமை புகார் அளித்ததை அடுத்து, சங்கீதா கைது செய்யப்பட்டார்.

அவர் மீது முதல் தகவல் அறிக்கை (எஃப்ஐஆர்) பதிவு செய்யப்பட்டுள்ளது. அவருக்கு எதிராக சட்டரீதியிலான நடவடிக்கை எடுக்கப்படும் என்று போலீஸார் தெரிவித்தன
-
தினமணி

மாமியார் மருமகள் கருத்து வேறுபாடுகள் காலம் தொட்டு தொடர்கின்றன .
சில சமயம் மாமியார்கள் வில்லி
சில சமயங்களில் மருமகள்கள் வில்லி
ஆண்டவா இது மாறவே மாறாதா ?
ஒற்றுமையான மாமியார் - மருமகள் ஜோடிக்கு
நோபல் பரிசு ஏற்படுத்தப்பட்டால் ,
பரிந்துரைக்க ஜோடிகளே அகப்படாதோ ?

ரமணியன்

முக நூலில் வீடியோ பார்த்தேன் ..மனது வலித்தது ....

அடிப்பாவி

T.N.Balasubramanian wrote:மாமியார் மருமகள் கருத்து வேறுபாடுகள் காலம் தொட்டு தொடர்கின்றன .
சில சமயம் மாமியார்கள் வில்லி
சில சமயங்களில் மருமகள்கள் வில்லி
ஆண்டவா இது மாறவே மாறாதா ?
ஒற்றுமையான மாமியார் - மருமகள் ஜோடிக்கு
நோபல் பரிசு ஏற்படுத்தப்பட்டால் ,
பரிந்துரைக்க ஜோடிகளே அகப்படாதோ ?

ரமணியன்

மேற்கோள் செய்த பதிவு: 1187360
-
மாமியார் மருமகள் ஒற்றுமையை வழங்கும் கோயில்
------------------------------

திருமணஞ்சேரி, கோகிலாம்பாள் சமேத கல்யாண சுந்தரேஸ்வரர்
திருமணம், மகப்பேறு அளிப்பவர்.
-
பெருவளூர், செஞ்சியிலுள்ள கோகிலாம்பாள், மருமகள்- மாமியார் மன ஒற்றுமை,
பாசம் பிறக்க வழிவகுப்பாள்.

108 பூசு மஞ்சள் கிழங்கு சமர்ப்பித்து, மாமியார் மருமகளுக்காக அர்ச்சித்தும்
மருமகள் மாமியாருக்காக அர்ச்சனை செய்தும் வழிபட தாய்- மகள் பாசத்துடன்
பழகுவர்.

இங்கு அம்பாள், அருள்மிகு கோட்டீஸ்வரர் சுவாமியுடன் எழுந்தருளி
அருள்பாலிக்கிறாள்.

- சு. நவீனா தாமு.

பாலாஜி wrote:முக நூலில் வீடியோ பார்த்தேன் ..மனது வலித்தது ....

மேற்கோள் செய்த பதிவு: 1187426நேற்று மாலைமலரில் போட்டிருந்தார்கள் தல , அப்புறம் youtube ல காணொளி பார்த்தேன், ரொம்ப கஷ்டமா இருந்தது.

இந்த மிருகமும் நாளை வயதான பிறகு மாமியாராகவோ அல்லது யாருமற்ற அநாதையாகவோ ஆவார் தானே , அப்ப தெரியும் இந்த வலியும் வேதனையும்

காணொளி
-

கொடுமையைய்யா கொடுமை .
ஏன் இந்த ஆவேசம் ?
திருந்தா ஜென்மங்களா ??
தனிமை சிறையில் , காராகிருகத்தில் வைக்கப் படவேண்டியவர்கள் .

ரமணியன்