நாம் எப்படியோ நம் எண்ணங்களும் அப்படியே

Kaviya Amlu · Kaviya Amlu Tue Jan 12, 2016 11:18 am

நற்பகல் நேரம், மத்தியான வெயில்
கொளுத்திக்கொண்டிருந்தது.
மரத்தடியில் ஒருவன் நன்றாக உறங்கிக்கொண்டிருந்தான்.

அந்த வழியாக வந்த விறகுவெட்டி அவனைப்பார்த்தான்.
“கடுமையான உழைப்பாளியாக இருக்க வேண்டும் உழைத்த களைப்பால்தான் இந்த வெயிலிலும் இப்படிஉறங்குகிறான்.”
என நினைத்துக்கொண்டே சென்றான்.

அடுத்ததாக திருடன் ஒருவன் அந்த வழியாக வந்தான்
“இரவு முழுவதும் கண்விழித்து திருடி இருப்பான் போல தெரிகிறது அதனால்தான் இந்த சுட்டெரிக்கும் வெயிலிலும் அடித்துப்போட்டதுபோல் தூங்குகிறான் “
என நினைத்துக்கொண்டே சென்றான்.

மூன்றாவதாக குடிகாரன் ஒருவன் அந்த வழியாக வந்தான் .
“காலையிலேயே நன்றாக குடித்துவிட்டான் போல இருக்கிறது அதனால்தான் குடிமயக்கத்தில் இப்படி விழுந்து கிடக்கிறான்”
என நினைத்துக்கொண்டே சென்றான்.

சிறிது நேரத்தில் துறவி ஒருவர் வந்தார்.
“இந்த நண்பகலில் இப்படி உறங்கும் இவர் முற்றும் துறந்த ஞானியாகத்தான் இருக்க வேண்டும் வேறுயாரால் இத்தகைய செயலை செய்ய முடியும்”
என அவரை வணங்கிவிட்டு சென்றார்.

கதையின் நீதி:-

நாம் எப்படியோ நம் எண்ணங்களும் அப்டி அப்டியே.!!!

நாம் எப்படியோ நம் எண்ணங்களும் அப்படியே 1571444738

உங்கள் கவியா

**M.Jagadeesan** · **M.Jagadeesan** Tue Jan 12, 2016 11:36 am

உண்மைதான் ; அவரவர் செய்யும் தொழிலுக்கு ஏற்பவே எண்ணங்களும் அமைகின்றன .

அவரவர் பார்வையில்...
=================
வாழைப் பழத்தோல் ஒன்று வழியில் கிடந்து
வருவோர் போவோரை அச்சுறுத்தி நின்றது.

அவ்வழி வந்த அரசியல் வாதி
தோலின் மீது காலை வைத்து
வழுக்கி விழுந்து நொண்டி ஆனான்.
என்னைக் கவிழ்க்க எதிரிகள் செய்த
அரசியல் சதியென்று அறிக்கை விட்டான்.

பருத்த உடல்கொண்ட மருத்துவர் ஒருவர்
இருமிக் கொண்டே அங்கு வந்தார்
பழுத்த தோல்மீது காலை வைத்து
வழுக்கி விழுந்தார் ; விழுந்தவர் ஆங்கே
எழுந்து நின்றார்; தோலைப் பார்த்து
சத்தான தோலை தூக்கி எறிந்து
சக்கையைத் தின்பது சரியல்ல என்றார்.

வணிக நோக்கில் உடலைக் காட்டும்
கணிகை ஒருத்தி அங்கு வந்தாள்
தோலின் மீது காலை வைத்துத்
தொப்பென்று விழுந்தாள் குப்புற ஆங்கே!
வழுக்கி விழுந்தவள் எழுந்து நின்றாள்
தோலைப் பார்த்தவள் சற்றே சிரித்து
" வழுக்கி விழுவது புதிதல்ல எனக்கு
வழுக்கலில் தான்என் வாழ்க்கை உள்ளது "
என்றே சொல்லி தன்வழி சென்றாள்.
.

.

Kaviya Amlu · Kaviya Amlu Tue Jan 12, 2016 12:02 pm

உண்மை நண்பரே - நாம் எப்படியோ நம் எண்ணங்களும் அப்படியே 103459460

**விமந்தனி** · **விமந்தனி** Tue Jan 12, 2016 4:31 pm

அருமை!

இருவர் பதிவுகளும்.

**T.N.Balasubramanian** · **T.N.Balasubramanian** Tue Jan 12, 2016 5:56 pm

காவ்யா ,M Jagadeesan அருமையான வெளிப்பாடு .
மிக்கவும்ரசித்தது

[quote="M.jagadeesan"]" வழுக்கி விழுவது புதிதல்ல எனக்கு
வழுக்கலில் தான்என் வாழ்க்கை உள்ளது "
என்றே சொல்லி தன்வழி சென்றாள்.[quote ]

ரமணியன்
.

.

யினியவன் · யினியவன் Tue Jan 12, 2016 6:30 pm

நல்ல பகிர்வு

வழுக்குவது இயல்பு
வழுக்கினாலும் எழுந்து மீண்டும்
வாழ்வதை இயல்பாகக் கொள்வோம்

**ayyasamy ram** · **ayyasamy ram** Tue Jan 12, 2016 6:32 pm

பதிவும், பின்னூட்டங்களும்... நாம் எப்படியோ நம் எண்ணங்களும் அப்படியே 3838410834

**krishnaamma** · **krishnaamma** Tue Jan 12, 2016 10:49 pm

அருமை அருமை அருமை................. புன்னகை

................. மகிழ்ச்சி

.
.
.
காவ்யா மற்றும் ஐயாவுக்கு மிக்க நன்றி !................அருமையான பதிவுக்காக !

Sponsored content · Sponsored content

நாம் எப்படியோ நம் எண்ணங்களும் அப்படியே

நாம் எப்படியோ நம் எண்ணங்களும் அப்படியே

Re: நாம் எப்படியோ நம் எண்ணங்களும் அப்படியே

Re: நாம் எப்படியோ நம் எண்ணங்களும் அப்படியே

Re: நாம் எப்படியோ நம் எண்ணங்களும் அப்படியே

Re: நாம் எப்படியோ நம் எண்ணங்களும் அப்படியே

Re: நாம் எப்படியோ நம் எண்ணங்களும் அப்படியே

Re: நாம் எப்படியோ நம் எண்ணங்களும் அப்படியே

Re: நாம் எப்படியோ நம் எண்ணங்களும் அப்படியே

Re: நாம் எப்படியோ நம் எண்ணங்களும் அப்படியே

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக