48 வாழைப்பழங்களை சாப்பிட வைத்து மும்பையில் திருடன் வயிற்றிலிருந்து தங்க சங்கிலியை மீட்ட போலீஸார்

**ayyasamy ram** · **ayyasamy ram** Mon Jan 11, 2016 8:42 am

மும்பையில் திருடனின் வயிற்றில் இருந்த தங்கச் சங்கிலியை
48 வாழைப்பழங்களை சாப்பிட வைத்து மீட்டுள்ளனர் போலீஸார்.

மகாராஷ்டிர மாநிலம் மும்பையின் புறநகர் பகுதியான கட்கோபரில்
புதன்கிழமை இரவு, ஒரு பெண்ணிடமிருந்து 25 கிராம் எடை கொண்ட
தங்கச் சங்கிலியைப் பறித்துக் கொண்டு தப்பி ஓடி உள்ளார் ஒருவர்.

இதை அறிந்த அப்பகுதி மக்கள், அந்த நபரை விரட்டிச் சென்று மடக்கிப்
பிடித்தனர். பின்னர் அப்பகுதியில் ரோந்துப் பணியில் ஈடுபட்டிருந்த
போலீஸாரிடம் அந்த நபரை ஒப்படைத்தனர்.

கோபி ஆர் கவாரே (25) என்ற அந்த நபர் வதாலா பகுதியைச் சேர்ந்தவர்
என விசாரணையில் தெரியவந்தது. மேலும் அச்சம் காரணமாக
அந்த சங்கிலியை விழுங்கிவிட்டதாக தெரிவித்துள்ளார்.

இதையடுத்து எக்ஸ்ரே எடுத்துப் பார்த்ததில், அந்தப் பெண்ணிடமிருந்து
பறிக்கப்பட்ட தங்கச் சங்கிலி அவரது வயிற்றில் இருப்பது தெரியவந்தது.
இதையடுத்து, வியாழக்கிழமை இரவு அவரை ஒரு கூடை வாழைப்
பழங்களை (48) கட்டாயப்படுத்தி சாப்பிட வைத்துள்ளனர்.

வெள்ளிக்கிழமை காலையில் கவாரே மலம் கழித்தபோது, அந்த சங்கிலி
வெளியில் வந்தது. பின்னர் அவரை சிறையில் அடைத்தனர். மும்பையில்
இதற்கு முன்பும் இதுபோன்ற சம்பவங்கள் நடந்துள்ளன.
-
----------------------

**T.N.Balasubramanian** · **T.N.Balasubramanian** Mon Jan 11, 2016 11:03 am

தங்க சங்கிலி , வயிற்றில்
தங்க கூடாது என்ற தங்கமான மனது போலீசுக்கு .

( இது மாதிரி தெரிந்தோ தெரியாமலோ உள்ளே சென்ற பொருட்களை வெளியே
கொண்டு வர வாழைப்பழம்தான் டாக்டர்களால் அறிவுறுத்தப்படுகிறது .
தப்பித் தவறி விளக்கெண்ணை / மலமிளக்கி (laxative ) கொடுக்கவேண்டாம் .
அது உள்ளேயே தங்கிவிட வாய்ப்புண்டு .
இது மெடிகல் அறிவுறுத்தல் ,எல்லார் கவனத்திற்கும் )

ரமணியன்

**ayyasamy ram** · **ayyasamy ram** Mon Jan 11, 2016 1:07 pm

பியர்ல் கிரிஸ் மாதிரி ,
மருத்துவ வசதி இல்லாத காட்டில் சிக்கிக் கொண்டால்,
வாழைப்பழ டெக்னிக் ஓகே.

எல்லா மருத்துவ வசதியும் உள்ள ,நகரச் சூழலில் ,எதிர்காலத்தில் ,
இது போன்ற டெக்னிக் தவிர்க்கப்பட வேண்டும்
-
பாலன் (வாசகர் கமென்ட்) தி இந்து
-

**ராஜா** · **ராஜா** Mon Jan 11, 2016 7:29 pm

ayyasamy ram wrote:பியர்ல் கிரிஸ் மாதிரி ,
மருத்துவ வசதி இல்லாத காட்டில் சிக்கிக் கொண்டால்,
வாழைப்பழ டெக்னிக் ஓகே.

எல்லா மருத்துவ வசதியும் உள்ள ,நகரச் சூழலில் ,எதிர்காலத்தில் ,
இது போன்ற டெக்னிக் தவிர்க்கப்பட வேண்டும்
-
பாலன் (வாசகர் கமென்ட்) தி இந்து
-

மேற்கோள் செய்த பதிவு: 1186918தீர்க்கதரிசி ரமணீயன் ஐயா அவர்கள் உங்கள் பின்னூட்டம் வருவதற்கு முன்பே அதற்கு பதிலளித்து விட்டார் புன்னகை

**krishnaamma** · **krishnaamma** Mon Jan 11, 2016 7:40 pm

ஹா...ஹா...ஹா....சூப்பர் !...............இந்தியன் போலீசா கொக்கா? ............... மகிழ்ச்சி

Sponsored content · Sponsored content

48 வாழைப்பழங்களை சாப்பிட வைத்து மும்பையில் திருடன் வயிற்றிலிருந்து தங்க சங்கிலியை மீட்ட போலீஸார்