இப்போதும் பூக்கும் ஒரு மழைப்பூ

**ayyasamy ram** · **ayyasamy ram** Mon Jan 11, 2016 8:25 am

—
இந்த உலகின் மீது
முதலில் பெய்த மழையில்
முதலில் நனைந்தது
ஒரு பெண்ணாக இருக்கலாம்
–
மண் நிறத்தை
அவளது உடலுக்கும்
ஆகாய நீலத்தைக் கண்களுக்கும்
அப்போது அவள்
தேர்ந்தெடுத்திருக்க கூடும்
–
தனித்த அவள் புன்னகையின்
ஒளியை
கொடி மின்னல்களில் பொருத்தவும்
சுமந்து திரிந்த கனவுகளை
வேர்களில் சொரிந்து
மலரச் செய்யவும்
அப்போது அவள்
பழகிஇருப்பாள்
–
புழுதிக்குள்ளிருந்து
கடவுள்
அவளுக்காக உருவாக்கி
அனுப்பி வைத்த
உலகின் முதல் காதலன் அவள் இதழ்களின் மீது
மானுடத்தின் முதல் முத்தத்தை
பதித்த போது
அவளது ஆன்மா
திறந்து
விடுதலை கொள்ளும்
அப்போது போலவே இப்போதும்
–
அப்போது போலவே
இப்போதும்
பூக்கும்
ஒரு மழைப்பூ
–
————————–
-கவிதா
சந்தியாவிம் முத்தம் – கவிதை தொகுப்பிலிருந்து

**T.N.Balasubramanian** · **T.N.Balasubramanian** Mon Jan 11, 2016 10:48 am

"இந்த உலகின் மீது
முதலில் பெய்த மழையில்
முதலில் நனைந்தது
ஒரு பெண்ணாக இருக்கலாம்
–
மண் நிறத்தை
அவளது உடலுக்கும்
ஆகாய நீலத்தைக் கண்களுக்கும்
அப்போது அவள்
தேர்ந்தெடுத்திருக்க கூடும்"

மகிழ்ச்சி